Zakaariyaasi 14:2 - Kafa Linguistics Project

² Doono Yeeri, Yerusaalemin boonoshi kochemmoyich, aageteenaꞌo bullin kicemmone. Katemoo yecheyemmone; kexinaꞌoo bosheyemminaꞌone; maacheenaꞌo giidoona yeshaa mecheyemminaꞌone. Katemee ashoochee qato kecaa hammemmone. Tunebaani aroochee echemmi asheenaꞌo katemoochee ciroona aalleyaachemminaꞌone.

Zakaariyaasi 14:2 ပူးပေါင်းရင်းမြစ်များ

Isiyaasi 13:16

Boonoshi ciini beetaa, boonoshi nallefeenaꞌo ceqqetaa qitemminaꞌone; boonoshi kexinaꞌo bosheyemminaꞌone; boonoshi mecheenaꞌoo qeyeyemminaꞌone.

Isiyaasi 4:3

Tsiyoon echetinaꞌo, Yerusaalem beetinaꞌo, kashoona boonoshi beeyemmoyich kobereetinaꞌo bulli, yaafeetinaꞌo getteyemminaꞌone.

Isiyaasi 5:26

Doono Yeeri wohooch beeti aageteenaꞌon bi ceeggemmi malletoon neechemmone; showee tuggoochee shennoona ceeggemmone; boonoshiyoo daappibee afaafinoona woyemminaꞌone;

Isiyaasi 65:18

Tunebaani ebi ta hallitona bulli yemeenooch emiribote; emiroonoo wucwucote. Yerusaalemin emiroyich bi asheenaꞌonoo emiroona wucwucoyich hallito taane.

Erimiyaasi 21:4

“Sedeqiyaasich ishichi getote: Israꞌeelee Nuggishoo Doono Yeeri ishichiye: ‘Baabloonee taatoonaa uxeroyee maachaa ittoshin giichiti Baabloonee asheenaꞌonon ittoshi kochiibeeti, ittoshi kisheexi ginee qiicoon ittoshi toommooch wochi ballemmo taane; boonoshin kiciree hini katemee daggooch deebemmo taane.

Erimiyaasi 34:1

Baabloonee taatoo Nabukadinatsorinaa bi ginee naayinaꞌo bullina, bi hajjiibeeti taatee showoonaa aagetoonooch beeti ginee naayinaꞌoo Yerusaaleminaa bi guudoona beeti katemoo bullinon kochii boonoshi beehooba, Doono Yeeri bi qaaroona Erimiyaasich ishichiye:

Shoosho 1:10

Aaxxe bi qiico bullin, etto hokkii daammiye; ne iitee daggooch boonoshi giyaachemmoyich ne bajjeti aageteenaꞌo, bi yaafee duukkaanooch boonoshi giyaa, beeggahan.

Hiziqeeli 5:8

Ebich Nuggishoo Doono Yeeri ishichiye: “Ta, ta qelloona ne toommooch tiyeto taane; aageteenaꞌo aafoochaa ne toommooch nallemmo taane.

Yoꞌeeli 3:2

Aageteenaꞌo bullin kiciree, Yoshafaaxi bambooch daammemmo taane. Ta asheenaꞌo tuneti Israꞌeeleenaꞌon, aageteenaꞌo daggooch boonoshi shaccitoyich, ta showoon boonoshi qoodeetoyich, boonoshi toommooch nallemmo taane.

Yoꞌeeli 3:9

“Aageteenaꞌo daggoochaa ishichi awaajjibote: ‘Koyoyich qannibote! Ginee anaaminaꞌonoo ceegote! Ginee naayinaꞌo bulli kiceeree, koyoyich qannibeete.

Amootsi 7:17

Illa ebich Doono Yeeri ishichiye: ‘Ne mechee katemee daggooch yahechi tunemmine. Ne anaami bushiishoonaa maache bushiishoona ginoochaa qitemminaꞌone. Ne showoo woderoona qoodaa ashich ichemmone. Newoo yaafeyaani showoochaa qitemmo neene. Iberoon, Israꞌeeleenaꞌoo boonoshi showoochee kecaa hammemminaꞌone’ itone” iye.

Zakaariyaasi 12:2

“Yerusaalemin bi guudoona beeti aageteenaꞌo bullich, dadeddiibeeti woyinee uyee xoofoommon tuniyemmo taane. Yerusaalemi giicheehooba Yihudee showeexi katemeenaꞌoo giicheyemminaꞌone.

Zakaariyaasi 12:3

Ebiyooba Yerusaalemi aageteenaꞌo bullich xaqqo maggoommon bi maggemmoyich tuniyemmo taane. Biin tiijjiya qiiccemmo bulli mayemmone; showee toommeexi aageteenaꞌo bulli biin kocha woyemminaꞌone.

Zakaariyaasi 12:9

Ebiyooba Yerusaalemi toommooch etto tuneꞌi waabeeti aageteenaꞌo bullin aalliyoyich tiyemmo taane.

Maatiyoosi 22:7

Taatoo ebin waayeꞌi oogichii kaarehe; bi naayinaꞌon daachiiꞌi are wuxitinaꞌon wuxiihe; boonoshi katemoonoo michiihe.

Maariqoosi 13:14

“Tunebaani [keemechi Daaneeli gettiti] aalloon deebemmi eeꞌo bi neex bedaani xaaꞌooch neexetaa, beeggemmo ittoshine. (Ebiyooba shemmecho shalligibe.) Arooba Yihudee showooch beetinaꞌo geppoo beetooch maxxebeete.

Maariqoosi 13:19

Arooba Yeeri showoonaa shimaayoonon hallitoochee tiijjiꞌi hanaach beddaahaa bekkeyaani, gubbichoo wotta bekkeyaachemmi xuuxo tunemmone.

Luqaasi 2:1

Aroobee yemeenooch Awugisixoosi Qesaari bi taateebeeti aagetoo bulliich beeti asho haddaa bi kobereyemmoyich awaajjiye.