Zakaariyaasi 14:16 - Kafa Linguistics Project

¹⁶ Aroyee gubb, Yerusaalemin waa kochiti aageteenaꞌo daggoochee, qitoochee muriccitinaꞌo bulli Taatoo, Beshe Mawe Doono Yeerich goyinnoonaa Bashee (Yambaaree) Baaroon baaroonoyich, nati natooch woyemminaꞌone.

Zakaariyaasi 14:16 ပူးပေါင်းရင်းမြစ်များ

2 Kiinoo 8:13

Bi deejjito, Muusi gettitoommon, baari baaree aaboon, ebiyoo shambetooba, agenee keyi baarooba, wotta nateexi keejje baarooba, ebi geto Shittoo Giyaani Kochi Baarooba, Maayi Qecci Baaroobinaa Bashee (Yambaaree) Baaroobinane.

Iziri 3:4

Sheerooch kooreetoommonoo, Bashee (Yambaaree) Baaroon baariyeete; heeyi heeyooch qaawiibeeti heeyi deejjoon bi kooreeti haddoommon giddiiheete.

Shoddo 66:4

Showee toommooch beetinaꞌo bulli neech goyinneheete; galletee shoddoon neech shoddeheete; ne shigoyichoo shoddemminaꞌone” getote.

Isiyaasi 18:7

Arooba Beshe Mawe Doono Yeerich, neexi genjeenaꞌonaa naalle qeddechinaꞌona tuneti, woheexonaa katineexona shattiibeeti, hakkechinaꞌonaa giidechinaꞌona tuneti, boonoshi showoo aacona qoodeeti, aageteenaꞌo waanee wojjoo woyemmone; boonoshiyoo Beshe Mawe Doono Yeerich goyinneebeeti Tsiyooni guudooch deebemminaꞌone.

Isiyaasi 19:21

Doono Yeeri Gibitseenaꞌoyich, koni bi gaata arichiyemmone; boonoshiyoo arooba Doono Yeerin ariyemminaꞌone; deejjoonaa maayi buuroonon giddiyoona biich goyinnemminaꞌone; Doono Yeerich mookkoon mookkemminaꞌone; boonoshi mookketonoo ceechemminaꞌone.

Isiyaasi 27:13

Arooba, ooge shameto hukkemmone; Asooree showooch aallee hammitinaꞌo, Gibitsee showooch kecaa hammitinaꞌoo wottemminaꞌone; yaafeeti guudo Yerusaalemaa Doono Yeerich goyinnemminaꞌone.

Isiyaasi 6:5

Tawoo, “Ta noonoo eeꞌeti asho taane; ta beetoo, boonoshi noonoo eeꞌeti asheenaꞌo daggoochiye. Taatoo, Beshe Mawe Doono Yeerin ta aafoona ta beeggetoyich, aalleto taane; taach woowo!” iyo.

Isiyaasi 66:23

Agenee keyoochee agenee keyooch, shambetoochee shambetooch, asho bulli taach goyinnoyich ta aafooch woyemmone” iye Doono Yeeri.

Erimiyaasi 46:18

“Beeyecho ta tunoona wogehoye, iye bi shigo Beshe Mawe Doono Yeeri getteebeeti Taatoo, guudinaꞌo daggooch beeti Taaboori guudoommo, baharee gashooch beeti Qermeloosi guudoommo, woyemmone.

Erimiyaasi 48:15

Moꞌabi tiishetone; bi katemeenaꞌo kochee aalletinaꞌone; kaacceti boonoshi gurimaasheenaꞌoo guureya kinditinaꞌone” iye bi shigo Beshe Mawe Doono Yeeri getteebeeti Taatoo.

Erimiyaasi 51:57

“Bi woraaferasheenaꞌonaa ariyechi bi asheenaꞌonon, bi ukkireenaꞌonaa bi iraasheenaꞌonon, bi ginee iraasheenaꞌonoo mashiyemmo taane; bulli aabee tokketoon tokketemminaꞌone; ciroonoo tiyaachemminaꞌone” iye bi shigo Beshe Mawe Doono Yeeri getteebeeti Taatoo.

Hosee'i 12:9

Gibitsee ittoshin kichito, ittoshi Nuggishoo Doono Yeeri taane. Nati baarooba bi tunetoommon, ittoshi duukkaani duukkaanooch ittoshi kotemmoyich tuniyemmo taane.

Yoꞌeeli 2:32

Doono Yeerichi shigoon ceeggiibeeto bulli wodemmone. Doono Yeeri gettitoommon Tsiyooni guudonaa Yerusaaleminoochaa wodoo danemmone; Doono Yeeri gettitoommon, ebi woditinaꞌo bi ceeggitinaꞌone” iye.

Mikiyaasi 4:2

Meeti aageteenaꞌo waaree ishichemminaꞌone: “Sheeroo Tsiyoonee, Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Zakaariyaasi 14:9

Doono Yeeri showoo bulli toommooch taatemmone. Ebiyooba Nuggishoo, Doono Yeeri baach, ceekkemmoo, bi shigo baach tunemmone.

Zakaariyaasi 9:7

Damoon boonoshi noonooch boonoshi bechaachemmoyich, eeꞌe maayoonoo boonoshi maataachemmoyich tuniyemmo taane. Curo tuneꞌi echeti boonoshi asheenaꞌo ta asheenaꞌona tookki bacceeree Yihudi yoodoochee ikke gumboommon tunemminaꞌone. Eqiroonee asheenaꞌo Yebusee asheenaꞌochoommon ta asheenaꞌona tookki bacceyemminaꞌone.

Milikiyaasi 1:14

Beshe Mawe Doono Yeeri ishichiye: “Ta, ooge Taatoo taane; ta shigoo aageteenaꞌo daggooch shatteetone. Taach giddiiya bi mookketi bagee baaddoo bi gijjee daggooch beetaa, dawushoona shappe quumechon taach deejjoon giddiimmo uppeton tunebe” iye.

Luqaasi 19:38

“Doono Yeerichi shigoona waabeeti taatoo diireebe! Shimaayooch diggoo, shimaajji shimaayooch beeti Yeerich oogee yiiroo, tunebe!” ii beeheete.

Yowannisi 1:49

Naatinaꞌeeli wochiꞌi, “Dojjechocho, ne Yeerichi Bushoo neene! Ne Israꞌeelee taatoo neene!” iye.

Yowannisi 7:2

Ayihudeenaꞌochi Bashee (Yambaaree) Baaroo katinnii giisheche aabo echehe.

Roomi 11:16

Bukeeti koshoochee shiichiꞌi tiijjeeti ikke xeko yaafoo bi tunegaata, echeti kosho bulli wotta yaafoone. Xeppho Yeerich yaafeeto bi tunegaata, ateenaꞌo wotta biich yaafeetinaꞌone.

Roomi 11:26

Ebiyoommon Yeeri Israꞌeeleenaꞌo bullin wodiyemmone. Ishichaa bi kooreetoommon: “Wodiyecho Tsiyoonee keyiree, Yaaqobichi yareenaꞌo daggoochee axaaxittinoon wokkiyemmone.

Roomi 11:5

Ebiyoommon and hini yemeenooch wotta Yeerichi wojjoona kaacheti giishecheenaꞌo beetinaꞌone.

Yaaꞌoo 11:13

Bekkech oogeti showee qewo tunehe; are katemeexi kexinaꞌo daggoochee aashiroochee ikke beeroo dihiye; ebi showee qewoona shabaatte hume asheenaꞌo qitiyeete; echetinaꞌoo keqqoona qeweheete; shimaajj beeti Yeerin oogiiheete.

Yaaꞌoo 19:16

Bi tahoonaa bi doshoonooch, Taateenaꞌochi Taatoo, Dooninaꞌochi Doono, immi shigo kooreetone.