Zakaariyaasi 14:12 - Kafa Linguistics Project

¹² Yerusaalemin kocha tiyiti aageteenaꞌo toommooch Doono Yeeri kupphe biiyoon deebemmone. Batt baatoona neexe boonoshi beetaa, boonoshi meeno oqqemmone; boonoshi aafo bi qophoochaa, boonoshi heciyoo kookkoochaa oqqemmone.

Zakaariyaasi 14:12 ပူးပေါင်းရင်းမြစ်များ

2 Kiinoo 21:15

Newoo biiyee kupphoochee tiyitona, ne maacee giindoo kechimmi wottoon, qemi qemona qaakkebee, maacee giindee biiyoona biiyemmo neene’ itone” iye.

Iyoobi 18:13

Biiyo bi achoon yiikkemmone; kupphe biiyo bi kishoonaa bi baatoonon oꞌiyemmone.

Shoddo 90:11

Neen shattii beetinaꞌo ne kaaree shiixxoon ariyoommon, kupphe ne kaaroon ariyemmo konine? Ne kaaree shiixxoo neen shatoommi oogoone.

Leweenaꞌo 26:16

naxoon, maajjiibeeti biiyoon, aafoon yaamiibeeti, dallii muujjiibeeti qeddee gaamoon ittoshi toommooch deebemmo taane. Maayoon shookkemmo ittoshine; tunebaani ittoshi etteenaꞌo bogi maayemminaꞌo tunetoyich ittoshich amoonolla gaacaachemmone.

Leweenaꞌo 26:18

Ebi bulli mooyo ittoshi toommooch bi tunetoyee gubb, andoo ta qaaroon waayo ittoshi qayigaata, ittoshi axaaxoyich shabaatte kishoon maggiiree ittoshin naxemmo taane.

Leweenaꞌo 26:21

“ ‘Taan shixxii, ta qaaroon waayoon ittoshi qayigaata, ittoshi axaaxee naboona shabaatte kishoon maggeti naxoon ittoshi toommooch deebemmo taane.

Leweenaꞌo 26:24

tawoo ittoshin shixxemmo taane; ittoshi axaaxoyich shabaatte kishoon maggiiree ittoshin naxemmo taane.

Leweenaꞌo 26:28

tawoo ittoshin kaareree shixxemmo taane; ittoshi axaaxoyich shabaatte kishoon maggiiree ittoshin naxemmo taane.

Zakaariyaasi 1:15

Tunebaani diggoona koteti aageteenaꞌo toommooch oogichii kaareto taane; giishechoon ta kaaremmona boonoshi ta asheenaꞌon woddoon duꞌiitinaꞌone” gete’ iye.

Zakaariyaasi 12:9

Ebiyooba Yerusaalemi toommooch etto tuneꞌi waabeeti aageteenaꞌo bullin aalliyoyich tiyemmo taane.

Zakaariyaasi 14:15

Ebiyoommi naxo haresheenaꞌon, bicereenaꞌon, gaaleenaꞌon, kureenaꞌonaa kaambooch beeti gijjeenaꞌo bullinon yexxemmone.

Zakaariyaasi 14:18

Gibitseenaꞌoo baaroon baaroyich womo boonoshi qayigaata, Doono Yeeri Bashee (Yambaaree) Baaroon baaroyich waataani aageteenaꞌo toommooch bi deebiti naxoommi naxoon boonoshi toommoochoo deebemmone.

Zakaariyaasi 14:3

Aroochee Doono Yeeri ginooba bi koyoommon ebi aageteenaꞌon keyi kochemmone.

Zakaariyaasi 2:4

Biichoo ishichiye: “Woci hamiree qeellee woderoon yechiti ebi gurimaashoyich, ‘Bi daggooch beeti ashoonaa gijjoonochi meetoochee tiyitona Yerusaalemi uxeraalli katemoon tunemmine’ gete!

Mishiraachechinaꞌo 12:23

Taatoo Heroodisi “Oogoo Yeerine” iꞌi Yeerich oogoon imo bi qajjitoyich, bekkech Doonochi maraakoo kindiꞌi, biiyoona biin yexxiye; aroo hippereꞌi qitiye.

Yibbaatoo 28:21

Doono Yeeri giyi woraashiya ne hammaabeeti showoochee ciroona neen bi aalliimmi wottoon, kupphe biiyoona neen yexxemmone.

Yibbaatoo 28:22

Doono Yeeri shattiiti biiyoon deejji ittoshin bi yexaa, ittoshich bi immiibeeti showoochaa ittoshi bulli qiti ciiremmo ittoshine; maajjiibeeti biiyoona, gaaboonaa baribare qeddee gaamee biiyoonoo xuuxemmo ittoshine. Doono Yeeri ittoshiyee damba beeti shimaayoochee amiyon aalliitaa, ittoshiyee desh beeti showoo xuuroo wogoommon wogemmone; gaamiibeeti yongoonaa cindoonon deejji ittoshi maayoon aalliyemmone.

Yibbaatoo 28:59

Doono Yeeri shattii giiriiti naxoon, yechiichii gawukkaani, keqqichiti biiyoonoo neennaa ne shiijjeroonochi toommooch deebemmone.

Yaaꞌoo 17:16

Ne beeggeti aashire qaroonaa cooxona yahechi ureen shixxemminaꞌone; shokke kishoo biin tunii, shokkaachoon biin echiyemminaꞌone; bi meenonoo maayemminaꞌone; qaaqqoonoo biin michemminaꞌone.