Zakaariyaasi 14:10 - Kafa Linguistics Project

¹⁰ Showoo bulli Geebee tiijji Yerusaalemaa deshi-waan beeti Rimoon beddaahaa, shaddeeree naqqe gaddoon tunemmone. Tunebaani Yerusaalemi, Biiniyaami Kelloochee tiijjiree ebiyee aafi kellee xaaꞌooch beddaahaa, Uxeree Daneexi Kellooch beddaahaanoo, wotta Hanaaneeli Dilaaloochee tiijjiree taatoochi woyinee hiicci oppooch beddaahaa bi xaaꞌooch beshiree beeyemmone.

Zakaariyaasi 14:10 ပူးပေါင်းရင်းမြစ်များ

1 Taateenaꞌo 15:22

Aroochee taatoo Aasi, ikke asholla echeyaachemmoyich, Yihudee showoo bulliich awaajjoon gettiihe. Asheenaꞌo Baꞌaashi mishigoon shuunoyich Raama bi kiciti xaqqoonaa mixonon qacciyeete. Taatoo Aasiyoo eboshina Mitsiphi katemoonaa Biiniyaamee showooch beeti Geebi katemoonooch mishigoon shuunehe.

2 Taateenaꞌo 14:13

Aroochee Israꞌeelee taatoo Yehoꞌashi Akaziyaasi bushoo Yoꞌaashi bushoo Yihudee taatoo Amasiyaasin Beet Shemeeshee keccii, Yerusaalem waahe. Yerusaalemi xaqqee uxeroonoo Efreemi Kelloochee tiijjii Uxeree Daneexi Kellooch beddaahaa, awudde balle hira bedoon happiye.

1 Kiinoo 4:32

Ebiyoommon wotta Exaami, Ayini, Rimooni, Tokeeninaa Ashaanina getteebeeti uuche katemeenaꞌonaa

1 Kiinoo 6:77

Echeti Meraarichi yareenaꞌoyich Zebulooni yoodeenaꞌo showoochee, boonoshi guudoona beeti miinji gaddoona tookkii icheti katemeenaꞌo: Rimooninaa Taaboorinane.

2 Kiinoo 25:23

Aroochee Israꞌeelee taatoo Yehoꞌashi, Akaziyaasi bushoo Yoꞌaashi bushoo Yihudee taatoo, Amasiyaasin Beet Shemeeshee keccii, Yerusaalem deebiye. Yerusaalemi xaqqee uxeroonoo Efreemi Kelloochee tiijjii Uxeree Daneexi Kellooch beddaahaa, awudde balle hira bedoon happiye.

2 Kiinoo 26:9

Uziyaahi Yerusaalemi Uxeree Daneexi Kellooch, Bambee Uxeree Kelloonaa uxeree danoonochi gaꞌooch dilaaloon shuuneꞌi katemoon manjiihe.

Nehimi 12:39

wotta Efreemi Kelloyee damba, Geene Kelloona, Haashee Kelloona, Hanaaneeli Xaqqee Dilaaloona, Balleenaꞌo Xaqqee Dilaaloona beshaꞌa, Bagee Kellooch beddaahaa hammeho. Boonoshiyoo Kellee Quyechinaꞌochi Kellooch shaggiꞌi neexeheete.

Nehimi 3:1

Aroochee qeeshee guudo Eliyashibinaa qeesheenaꞌo tuneti bi maneenaꞌona tiyiꞌi, Bagee Kelloon shuuneheete; yaafiyeete; kellee shaaqqoonoo xogiyeete. Balleenaꞌochi Xaqqee Dilaaloonaa Hanaaneeli Xaqqee Dilaaloonooch beddaahaa yaafiyeete.

Isiyaasi 10:29

Kaattoon kuxxii besheheete; qeyi xaaꞌoon Geeba tuniiheete; Raami keqqiyan; Saaꞌooli katemoo Gibaaha beetinaꞌo goojjiyeete.

Isiyaasi 2:2

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌo bulli arooch orihe woyemminaꞌone.

Erimiyaasi 20:2

Aroochee Fashuuri keemechi Erimiyaasin yexxiye; Doono Yeerichi yaafee kechi dambee Biiniyaamee Kellooch beeti baatee qoqqaannee giindooch qoqqaanniye.

Erimiyaasi 30:18

“Doono Yeeri ishichiye: Yaaqobichi duukkaanee kecoon wochemmo taane; bi beemi xaaꞌoyichoo ariqqemmo taane; katemoo wochinnoon bi xoobooch shuuneyemmone; taatee kexoo wonnee bi xaaꞌooch neexemmone.

Erimiyaasi 37:13

Biiniyaami Kellooch bi shaggaahaa, kellechinaꞌochi ukkiroo tuneti, Hanaaniyichi bushoo, Shelemaayichi bushoo, Iriyaahi “Baabloonee showooch aallaa hammaaniye ne beeto” iꞌi keemechi Erimiyaasin yechiye.

Erimiyaasi 38:7

Taatee kexooch beeti, Topphiyee asho tuneti guruusho Ebeedmeleeki Erimiyaasin oppooch boonoshi dufon waayehe. Ebiyooba taatoo Biiniyaami Kellooch koteꞌiniye bi beeto.

Amootsi 9:11

Doono Yeeri ishichiye: “Ebi arooba, kexo dihoommon dihiti Daawitichi taatittinoon tiijji neechemmo taane; tiisheti uxeroon wochinnoon uxereree andiriyemmo taane; wochinnoon hagiree wonnee bi goorooch wochemmo taane.

Mikiyaasi 4:1

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌoo arooch orihe woyemminaꞌone.

Zakaariyaasi 12:6

“Ebiyooba Yihudichi iraasheenaꞌon michi gutee daggooch beeti qaaqqee bunoommon, wotta maayi qiree daggooch conjiibeeti qaaqqee aaxxoommon tuniyemmo taane. Yoochinaa qanninooch guudiree boonoshi guudoona beeti aageteenaꞌo bullin aalliyemminaꞌone. Ebiyee gubb, Yerusaalemi asheenaꞌo diggoona boonoshi xaaꞌooch beeyemminaꞌone.

Zakaariyaasi 2:4

Biichoo ishichiye: “Woci hamiree qeellee woderoon yechiti ebi gurimaashoyich, ‘Bi daggooch beeti ashoonaa gijjoonochi meetoochee tiyitona Yerusaalemi uxeraalli katemoon tunemmine’ gete!

Zakaariyaasi 8:3

Doono Yeeri ishichiye: “Tsiyooni katemooch wottemmo taane; Yerusaalem beeyemmo taane; Yerusaalemiyoo Gibeneeti Katemee, getaa ceekkemmine. Beshe Mawe Doono Yeeri ta guudo Yaafeeti Guudo getaa ceekkemmone” iye.

Yaasi 21:17

Biiniyaami yoodoochi showoochee, boonoshi guudoona beeti miinji gaddoona tookkii icheti awudde katemeenaꞌo: Gibeꞌooni, Geebi, Anaatootinaa Almooninane.

Woraaferasheenaꞌo 20:45

Boonoshi daggoochee echetinaꞌo barahoo waan beeti, Rimooni ooge xaqqooch wocciyeete. Gommoochaa uuche humeenaꞌo qitiyeete. Andoo Israꞌeeleenaꞌo echetinaꞌon Gidoom beddaahaa yookkiꞌi, gutte humoon wuxiyeete.

Woraaferasheenaꞌo 20:47

Tunebaani shiritte balle asheenaꞌo muricciꞌi, barahoo waan beeti, Rimooni ooge xaqqooch wocciyeete. Ebi arooch awudde agenoon koteheete.

Woraaferasheenaꞌo 21:13

Aroochee kiceeti iitoo bulli Rimooni ooge xaqqooch beeti Biiniyaameenaꞌoyich wochoon daachiiꞌi, ginee koyo ciiroon arichiiheete.