Zakaariyaasi 13:9 - Kafa Linguistics Project

⁹ Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.

Zakaariyaasi 13:9 ပူးပေါင်းရင်းမြစ်များ

2 Saameeli 7:24

Ne asheenaꞌo tuneti Israꞌeeleenaꞌon bulli yemeenoon ne hajjee asheenaꞌo boonoshi tunemmoyich manjiito neene. Doono Yeero, newoo boonoshich Nuggishoon tunehine.

Iyoobi 23:10

Tunetaa bi ta shaaddoon ariihe; taan bi phiretoyee gubb, aachoochoommon aaxxemmo taane.

Iyoobi 28:1

“Iberoochaa xure birewoo iiyaa kechiibeeti, aachoo ukkeebeeti xaaꞌoo beetone.

Shoddo 144:15

Ebi diiroon daneebeeti maccoo diireetone; Doono Yeeri bi Nuggishoo tuneti asho diireetone.

Shoddo 43:4

Aroochee Yeerichi deejjee gudooch, taan oogichiꞌi emirikkiti Yeer waan, hammemmo taane. Yeeri ta Nuggishoocho, ooge ximboona neen galletemmo taane.

Shoddo 50:15

Ne xuuxee aabooba taan ceege; ta neen wodiyemmo taane; newoo taach oogoon immemmo neene” iye.

Shoddo 91:15

Taan bi ceegiyooba waayemmo taane; bi xuuxee aabooba biinna tookki tunemmo taane; biin wodiyemmo taane; biin oogiyemmo taane.

Shaahiyoo 17:3

Aachoonaa birewoonon qaaqqoo haattiye; Doono Yeeri ashi mulloon haattiye.

Solomooni 2:16

Shiiqqi taachone; tawoo biichi taane; biyoo naddee bungee daggooch gijjeenaꞌon quyee beetone.

Isiyaasi 43:2

Aachi daggoona ne beshaa beegaata, ta neenna tookki tunemmo taane; ooge aachi daggoona ne beshaa beegaata, aacinaꞌo neen qooxaachemminaꞌone; qaaqqee daggoona ne beshaa beegaata, neen michaachemmone; qaaqqee aaxxo neen michaachemmone.

Isiyaasi 48:10

Birewoon ukkoommon tuneyaanoon, iritee qaaqqoona ittoshin haattito taane; xuuxee sheelloona ittoshin haattito taane.

Isiyaasi 58:9

Aroochee ittoshi ceegaa, Doono Yeeri ta eekkemmo taane; cookemmo ittoshine; tawoo ‘Hini tawoche’ gettemmo taane. Ittoshiyoo xuꞌee waanjoon ittoshi wokkiigaata, ashoon kishoona koyonaa gonde yibbaatoonon ittoshi qayigaata,

Erimiyaasi 24:5

“Israꞌeelee Nuggishoo Doono Yeeri ishichiye: Ebi gaawe balaasechoommon hini boonoshi hajjee showoochee Baabloonee showooch ta yookketi Yihudee kecoon deꞌoona gabemmo taane.

Erimiyaasi 30:22

Ittoshi ta ashoon tunemmo ittoshine; ta ittoshi Nuggishoon tunemmo taane” iye.

Erimiyaasi 31:33

“Tunebaani ebi are yemeenoyee gubb Israꞌeelee macceenaꞌona tookki ta giyemmi wogo ebine” iye Doono Yeeri. “Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

Erimiyaasi 32:38

Boonoshiyoo ta asheenaꞌon tunemminaꞌone; tawoo boonoshich Nuggishoon tunemmo taane.

Erimiyaasi 9:6

Xuꞌee toommooch xuꞌoon, maree toommooch maroon, daakkiyeete; taan ariyemmonoo qajjiyeete” iye Doono Yeeri.

Hiziqeeli 11:20

Ebich ta qociyoommona shaaddemminaꞌone; ta getonoo quyemminaꞌone; aroyichoo deꞌa gettemminaꞌone; boonoshiyoo ta asheenaꞌon tunemminaꞌone; tawoo boonoshi Nuggishoon tunemmo taane.

Hiziqeeli 14:11

Ebiyoo Israꞌeelee macceenaꞌo wotta tayee wohiree boonoshi muricaachemmonaa boonoshi axaaxoo bullina boonoshi eeꞌeyaachemmonoyichiye. Ebiyoo, boonoshiyoo taach maccoo boono tunemmoyich, tawoo boonoshich Nuggishoo ta tunemmoyichiye” iye Nuggishoo Doono Yeeri.

Hiziqeeli 20:38

Ittoshi daggoochee hukkechinaꞌonaa taan xuqqitinaꞌonon wokkiyemmo taane; boonoshi beeti showoochee boonoshin kichemmo taane; tunebaani Israꞌeelee showooch giyaachemminaꞌone. Ebiyooba Doono Yeeri ta tunoon ariyemmo ittoshine.

Hiziqeeli 36:28

Ittoshi qaabbechinaꞌoyich ta immeti showooch beeyemmo ittoshine; ta ashoon tunemmo ittoshine; tawoo ittoshi Nuggishoo tunemmo taane.

Hiziqeeli 37:27

Ta beeyi xaaꞌoo boonoshina tookki tunemmone; ta boonoshi Nuggishoon tunemmo taane; boonoshiyoo taach ta asheenaꞌon tunemminaꞌone.

Daaneeli 11:35

Ebi yiiteenaꞌo daggoochee ikkikkeenaꞌo tepheeree dihemminaꞌone. Ebiichee tiyitona asheenaꞌo xalleenaꞌo, haattee kechitinaꞌonaa muricaalleenaꞌona tunemminaꞌone. Ebi mooyo bi tunemmo, Yeeri maacciti ciireexi yemeeno shaggimmi wottooniye.

Daaneeli 12:10

Meeti asheenaꞌo boonoshi qelloon xalliyemminaꞌone; haattee kechitinaꞌonaa muricaalleenaꞌona tunemminaꞌone. Tunebaani gondeenaꞌo ebi mooyon shalligaaneenaꞌon tuneree, gondoon shuune beeyemminaꞌone. Tunetaa yiiteenaꞌo baach shalligemminaꞌone.

Yoꞌeeli 2:32

Doono Yeerichi shigoon ceeggiibeeto bulli wodemmone. Doono Yeeri gettitoommon Tsiyooni guudonaa Yerusaaleminoochaa wodoo danemmone; Doono Yeeri gettitoommon, ebi woditinaꞌo bi ceeggitinaꞌone” iye.

Leweenaꞌo 26:12

Ittoshi daggooch beeyemmo taane; ittoshichoo Nuggishoo tunemmo taane; ittoshiyoo ta asho tunemmo ittoshine.

Zakaariyaasi 10:6

“Yihudee asheenaꞌon kupphiyemmo taane. Yooseefi yareenaꞌon wodiyemmo taane. Boonoshich ta ariqqetoyich, boonoshi xaaꞌooch wochi deebemmo taane. Boonoshin ta dufaani asheenaꞌoommon tunemminaꞌone. Ta, boonoshi Nuggishoo Doono Yeeri ta tunetoyich, boonoshi corootoon waayemmo taane.

Zakaariyaasi 12:10

“Daawitichi yareenaꞌonaa Yerusaalem beetinaꞌonochi toommooch ariqqee ayaanoonaa corootee ayaanoonon ta ukkaa, boonoshi kochiton boonoshi beegiyooba, ikke mixxe bi bushoyich asho eefoommon biich eeppemminaꞌone. Bi gutenee bushoyich asho tiittee eefoommon biich eeppemminaꞌone.

Zakaariyaasi 8:8

Yerusaalem boonoshi beeyemmoyich boonoshin wochi deebemmo taane. Boonoshiyoo ta asheenaꞌo tunemminaꞌone; tawoo gibeneeti, cadiqe boonoshi Nuggishoo tunemmo taane” iye.

Mishiraachechinaꞌo 2:21

Doonochi shigoon ceeggimmo bulli wodemmone” itone’ iye.

Hibireena'o 8:10

Ebi are yemeenoyee gubb Israꞌeelee macceenaꞌona tookki ta giyemmi wogo ebine, iye Doono Yeeri: Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

Yaaqobi 1:12

Iritoo bi toommooch shagiyooba haaꞌiibeeti asho diireetone; iritoon haaꞌiyoona bi beshiitoyee gubb, Yeeri biin shunnii beetinaꞌoyich bi gibenikkiti bulli yemeenee kashee gubbichoon danemmone.

1 Pheexiroosi 4:12

Ta shunechinaꞌote! Kiristoosi toommooch ittoshi mullee tooꞌiyoo iberoo bi tuno xiisheyemmi, qaaqqoommo tuneꞌi ittoshi toommooch shaggiibeeti xuuxoyich “Dallaawe mooyo no toommooch waatone” getiree keqqiyaahote.

Yaaꞌoo 21:7

Gondoochi giidoon kochii wochito ebin woraashemmone; biich Nuggishoon tunemmo taane; biyoo ta bushoon tunemmone.

Yaaꞌoo 8:10

Keejjinnee maraakoo tiroon huggiye; qaaqqee conjoochoommon micciibeeti ooge xojjeno shimaayoochee kindiꞌi aacinaꞌochi keejje beereexi ikke beeroonaa aachi xuupheenaꞌonochi toommooch holliye.

Yaaꞌoo 8:11

Ebi are xojjeno shigoo Caamo getteehe; aacinaꞌochi keejje beereexi ikke beeroo caammiye; aaco caamo bi tunetoyich, ebi are caame aachi naboona meeti asheenaꞌo qitiyeete.

Yaaꞌoo 8:12

Awuddinnee maraakoo tiroon huggiye; aabee keejje beereexi ikke beeroo, agenee keejje beereexi ikke beeroo, xojjeneenaꞌochi keejje beereexi ikke beeroo yexxehe; eboshichi keejje beereexi ikke beeroo manderehe; areddee keejje beereexi ikke beerooch, xumee keejje beereexi ikke beerooch bekko aallehe.

Yaaꞌoo 8:7

Batti batti maraakoo tiroon huggiye. Damoo bacceeti baderoonaa qaaqqoona tunehe; ebi aroo showooch duppehe; showee keejje beereexi ikke beeroo micciye; mixinaꞌochi keejje beereexi ikke beeroo micciye; cammiti mocoo bulliyoo miccii aallehe.

Yaaꞌoo 8:8

Guttinnee maraakoo tiroon huggiye; micciibeeti ooge guudon shaahiibeeti mooyo baharooch duppehe; baharee keejje beereexi ikke beeroo damoon tunehe.

Yaaꞌoo 8:9

Are baharooch beeti kashechi halleenaꞌoochee keejje beereexi ikke beeroo qitiye; markabeenaꞌochi keejje beereexi ikke beeroo aallehe.