Zakaariyaasi 13:7 - Kafa Linguistics Project

⁷ Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Zakaariyaasi 13:7 ပူးပေါင်းရင်းမြစ်များ

Shoddo 2:2

Showee taateenaꞌo tiyiyeete; Doono Yeerinaa bi huuttiti taatoonochi toommooch, iraasheenaꞌoo ikkittinoona koceeheete; ishichiinoo iyeete:

Isiyaasi 1:25

Ta mochoon ne toommooch tiijjemmo taane; ne osheroonoo gaawichi machemmo taane; ne gondo bullinoo wokkiyemmo taane.

Isiyaasi 27:1

Arooba Doono Yeeri qingireebee awureebeeti Lewataanin, caaceebeeti dingeroon, manje ooge kupphe bi goraadoona kuxxemmone; baharee daggooch beeti dareboon wuxemmone.

Isiyaasi 40:11

Qiddoochoommon bi bageenaꞌon quyemmone; bagee bushiishoon ikkooch kicemmone; bi sheenooch tiqqeree daammemmone; bagee indeenaꞌonoo ariqqoona yaabemmone.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 47:6

“Ittoshiyoo, ‘Hini Doono Yeerichi goraadoocho, ne cikkiyaachemmo aati wottooniye? Ne gonenooch gibe; cikkishoo kashebe’ gettemmo ittoshine.

Hiziqeeli 21:28

“Ashi bushoocho, keemoon keembe; Nuggishoo Doono Yeeri ta Amooneenaꞌonaa boonoshi naagoochonon ta gettaa beeton ishichi gete: ‘Goraado guuroyich kaacceetone; aalliyoyich yoppheetone; xeeyoochoommon waccoyichoo yoppheetone.

Hiziqeeli 21:3

Israꞌeelee showoyichoo ‘Doono Yeeri ishichiye: Ebiyoche ne toommooch tiyeto taane; ta goraadoon bi gonenoochee kaaciree cadiqoonaa gonde ashoonon ne daggoochee aalliyemmo taane.

Hiziqeeli 37:24

“ ‘Ta guuno Daawiti boonoshi toommooch taatemmone; bullichona ikke qiddoo tunemmone; ta geteenaꞌon dabbemminaꞌone; ta qociyeenaꞌonoo gaawichi quyemminaꞌone.

Hiziqeeli 7:6

Ciiro waatone! Ciiro shaggitone! Ittoshi toommooch tiyitone; ebiyoche waatone!

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Mikiyaasi 5:4

Biyoo qiddoo bi bagoon quyoommon, Doono Yeerichi giidoona, bi Nuggishoo Doono Yeerichi oogee yiiroona, bi asheenaꞌon quye qeejjemmone. Bi oogo showee toommo bulliich aricheto bi tunetoyich, bi asheenaꞌo keqqaalloon beeyemminaꞌone.

Zakaariyaasi 11:11

Ebiyooba wogo happeehe. Ta tuniiton beeggiti, bageenaꞌon kemmii kemee beetinaꞌo ebi Doono Yeerichi qaaro bi tunoon ariiheete.

Zakaariyaasi 11:4

Ta Nuggishoo Doono Yeeri taach ishichiye: “Basheyemmi bageenaꞌon qiddebe.

Zakaariyaasi 11:7

Ebich kemmii kemee beetinaꞌochi, guureyemmi bageenaꞌon qiddeho. Gutte gumbeenaꞌon deebaa ikkoon Wojjoo wotta ohe ikkoon Ikkittino iyaꞌa shigiiho. Bageenaꞌonoo qiddeho.

Maatiyoosi 10:42

Koniyoona hini gishiisheenaꞌoochee ikkoo ta dabboo bi tunetoyich gare aaconona immiibeeto, iberoon ittoshich gettoye, wojjoon mucceyaachemmone” iye.

Maatiyoosi 11:27

Wotta Yesuusi asheenaꞌoyich, “Ta Nihoo bulli mooyon taach immitone. Nihoo Yeeriyee damba Yeerichi Bushoo taan ariibeeto aalloone; Yeerichi Bushoo tayee besh, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeerin ariibeeto aalloone.

Maatiyoosi 18:10

“Hini gishiisheenaꞌoochee ikkoonolla ittoshi hoxeyaachemmoyich, ittoshi qelloon quyebote. Shimaayooch beeti boonoshi maraakeenaꞌo shimaayooch beeti ta Nihoo aafooch bulli aaboon beetinaꞌone.

Maatiyoosi 18:14

Ebiyoommon hini gishiisheenaꞌoochee ikkolla bi aallemmoyich shimaayooch beeti ittoshi Nihoochi daaggoo toonoone” iye.

Maatiyoosi 26:31

Arooba Yesuusi bi dabbeenaꞌoyich ishichiye: “ ‘Yeeri “Qiddoon xoobbemmo taane; bageenaꞌo shacemminaꞌone” iꞌi gettitone’ getaa kooreetone; ebich hanaach xum ittoshi bulli taan qajjemmo ittoshine.

Maatiyoosi 26:56

Tunebaani ebi bulli bi tuneto, keemechinaꞌo kooriti Yaafe Macaafee qaaro bi ceennemmoyichiye” iye. Arooba bi dabbeenaꞌo bulli biin duppiichii aalleheete.

Maariqoosi 14:27

Arooba Yesuusi bi dabbeenaꞌoyich ishichiye: “ ‘Yeeri “Qiddoon xoobbemmo taane; bageenaꞌoo shacemminaꞌone” iꞌi gettitone’ getaa Yaafe Macaafooch kooreetone. Ebich [hanaach xum] ittoshi bulli taan qajjemmo ittoshine.

Maariqoosi 14:50

Arooba bi dabbeenaꞌo bulli biin duppiichii aalleheete.

Luqaasi 12:32

“Hini giisheche ta shiisheenaꞌote, shattaahote. Bi taatittineen ittoshich imoyich ittoshi Nihoo Yeeri oogichiꞌi emiritone.

Luqaasi 17:2

Are uro hini gishiisheenaꞌo daggoochee ikkoyichona xugo bi tunoyee, ooge yiikke xaqqoon bi qettooch tifaa baharee gejjooch bi duppeto gaata, biich gaawiye.

Yowannisi 1:29

Bi dechara Yowannisi bi waan Yesuusichi womon beeggiꞌi ishichiye: “Ebiyoche, alemee axaaxoon hidi wokkiyemmi Yeerichi Bago!

Yowannisi 10:30

Taannaa Nihoo Yeerina ikkoo noone” iye.

Yowannisi 10:38

Tunetaa ta shuunegaata, taanolla ittoshi iberiyoo qayigaata, Nihoo Yeeri taanna tookkii bi tunoon, tawoo Nihoo Yeerina tookkii ta tunoon xiishiree ittoshi ariyemmoyich, ta shuunoon iberiibote” iye.

Yowannisi 14:1

Yesuusi daakkiꞌi bi dabbeenaꞌoyich ishichiye: “Ayini xuuxeyaahote; ittoshi mulloon Yeeri toommooch tooꞌiibote; wotta ta toommoochoo tooꞌiibote.

Yowannisi 14:23

Yesuusi wochiꞌi biich ishichiye: “Taan shunniibeeto koniyoona bi beegaata, ta getteton ceechemmone; ta Nihoo biin shunnemmone; bi waanoo woyemmo noone; bi waanoo beeyemmo noone.

Yowannisi 16:15

Nihoo Yeerich beeto bulli taachone; ebich ‘Ta waanee bi waayeton ittoshich gettemmone’ iyoye” iye.

Yowannisi 16:32

Waayebote! Ittoshi qelli qelloona ta ikkeeton dufiichi ittoshi kexi kexooch ittoshi shacemmi aabo woyemmone; andoo shaggitone. Tunebaani Nihoo Yeeri taanna tookkii bi tunetoyich, ta ikkeeto toono taane.

Yowannisi 8:58

Yesuusiyoo “Iberoon ittoshich gettoye: Abrahami shiijjoyee aaf, ta beeto taane” iye.

Mishiraachechinaꞌo 2:23

Ebiyee Yeeri bi hajjee shalligoonaa bi ariyoona ittoshich beshiitaa bi ichemmoyich shiichiꞌi maaccitone; ittoshiyoo gonde asheenaꞌo kishoona yooddiiꞌi wuxiihote.

Roomi 8:32

Yeeri bi hajjee Bushoyich ariqqeyaanoon no bullicha iꞌi beshii immiye; ebich wotta biinna tookki bulli mooyon nooch wojjemmone.

2 Qorontoosi 5:21

Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.

Galaati 3:13

“Mixooch yooddeebeeto bulli uppetone” getaa kooreetone; ebich Kiristoosi noocha iꞌi uppeton tuneꞌi sheeroo no toommooch deebemmi ufoochee noon biishehe.

Filipphisiyoosi 2:6

Biyoo bi shuriyoona Nuggishoo tuneebee, Yeerina tookkii tato tuneꞌi echoon shunaanoone;

Hibireena'o 13:20

Ufeti bi damoona bulli yemeenee wogoon manjiiti, bi bageenaꞌochi ooge Qiddoo tuneti no Doono Yesuusin qitoochee tiijjiti Diggee Nuggishoo,

1 Pheexiroosi 3:18

Ebiyoommon Kiristoosi Yeer waan noon giddiyoyich, bi qelloona bi cadiqo tuneebee, hukkechinaꞌoyich ikke wottoon ashi axaaxee naboona xuuxoon beeggiꞌi qititone; meenona qitiye; tunebaani ayaanoona beeyechon tunehe.

1 Pheexiroosi 5:4

Ebi mooyinaꞌon ittoshi tuniigaata, Qiddeenaꞌochi Qiddoo bi waammi aabooba, aalleyaani oogee yiiree gubbichoon ittoshich immemmone.

1 Yowannisi 2:2

Biyoo Yeeri no axaaxoon nooch bi maariibeeti deejjoone; no axaaxoon baach tuneyaanoon ashoo bullichi axaaxoon bi maariibeeti deejjoone.

Yaaꞌoo 1:11

Taachoo ishichiye: “Ne beeggaa beeton macaafooch kooriree Efesooni, Semirineesi, Phergaamooni, Tiyaxirooni, Sarideesi, Filaadelifinaa Lodooqinooch beeti shabaatte kittinnee guuphinaꞌoyich woche daachiibe” iye.

Yaaꞌoo 1:17

Biin ta beegiyooba, qititi ashoommon shaahaꞌa bi baatooch dihiyo. Biyoo bi qanne kishoon ta toommooch kotiihe; ishichiinoo iye: “Shattaahine! Shiichoonaa Tacona taane.

Yaaꞌoo 1:8

“Ta Alfoonaa Oomeegoona, andoo beeti, aafoo beeti, gubboo beeyemmi, Beshe Hakkechi Nuggishoo taane” iye Doono Yeeri.

Yaaꞌoo 13:8

Showoonaa shimaayoona halleyaan beetaa guureeti Bagoochi kashee macaafooch boonoshi shigo kooreyaani, showee toommooch beeti asheenaꞌo bulli biich goyinnemminaꞌone.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.

Yaaꞌoo 21:6

Wotta taach ishichiye: “Illa mooyo bulli ceennitone. Alfoonaa Oomeegoona, Shiichoonaa Tacona taane; shachewetoyich kashee aachi xuuphoochee baad cikki immemmo taane.