Zakaariyaasi 13:3 - Kafa Linguistics Project

³ Koniyoona keemoon bi keemigaata, bi indeenaa bi nihoona, ‘Doono Yeerichi shigoona kootoon keemmeto neene; ebich qitemmo neene’ gettemminaꞌone. Keemoon bi keemi gaatoo, biin shiyiti bi nihoonaa bi indeena biin kochemminaꞌone.

Zakaariyaasi 13:3 ပူးပေါင်းရင်းမြစ်များ

Erimiyaasi 23:25

“ ‘Gummeto taane; gummeto taane’ iibee ta shigoona koote keemoon keemmiibeeti keemechinaꞌo mooyon waayeto taane.

Erimiyaasi 23:34

Keemecho woyee qeeshoo woyee asheenaꞌoochee ikkoo ‘Doono Yeerichi shaago’ bi getigaata biinnaa bi kechi asheenaꞌonon naxemmo taane.

Erimiyaasi 28:15

Tawoo ebin Hanaaniyich ishichaꞌa getteho: “Hanaaniyo, waayebe: Neen Doono Yeeri wocheyaanoone; ne hini asho bulli koote mooyon bi gibenemmoyich tuniito neene.

Hiziqeeli 13:23

Ebiyee bekk koote yaaꞌoon beegaachemmo ittoshine; qaaxoonoo qaaxeyaachemmo ittoshine; ta asheenaꞌon ittoshi kishoochee wodiyemmo taane; ebiyooba Doono Yeeri ta tunoon ariyemmo ittoshine, itone’ gete” iye.

Hiziqeeli 14:9

“Are keemecho dacheeꞌi bi wochigaata, are keemechon dachito Doono Yeeri taane; ta mochoon bi toommooch tiijjemmo taane; ta asheenaꞌo tuneti Israꞌeeleenaꞌo daggoochee biin aalliyemmo taane.

Hiziqeeli 43:7

Biyoo taach ishichiye: “Ashi bushoocho, Israꞌeelee macceenaꞌochi daggooch bulli aabooch ta kotemmi ta taatee qeenonaa ta neexemmi xaaꞌoona hinine; ebiyee bekk Israꞌeelee macceenaꞌonaa boonoshi taateenaꞌona yahoona, wottoo qititi boonoshi taateenaꞌoyich boonoshi tuniibeeti mooyona ta shigoon eeꞌiyaachemminaꞌone.

Maatiyoosi 10:37

“Tayee beshiiꞌi bi nihoon woyee bi indeen shunniibeeto taacho tunoon hakkaache; ebiyoommon tayee beshiiꞌi bi bushoon woyee bi busheen shunniibeeto taacho tunoon hakkaache.

Luqaasi 14:26

“Ta waan woyemmo koniyoona bi beegaata, bi nihoonaa bi indeenoyee, bi mecheenaa bi bushiisheenaꞌonoyee, bi anaami maneenaꞌonaa bi maache maneenaꞌonoyee, bi hajjee kashoyeenolla beshiiꞌi taan shuno bi qayigaata, taan dabboon hakkaache.

2 Qorontoosi 5:16

Illa ebiyee bekk koninolla ashi shalligoommona ciinaachone; ebiyee aaf Kiristoosin ashi shalligoommona ciinnaabee echeto noone; tunebaani illa and ebiyoommon tuniiꞌa ciinaachone.

Yibbaatoo 18:20

Tunebaani bi gettemmoyich biich ta getaani mooyon aafoon kuppheꞌi ta shigoona keemmiibeeti keemechon woyee bare nuggisheenaꞌochi shigoona keemmii beeton wuxibote’ itone.

Yibbaatoo 33:9

Boonoshi niheenaꞌoyich, indeenaꞌoyich, maneenaꞌonaa bushiisheenaꞌonoyich boonoshi gibeneetoyee beshoon, neech oogeton gibeneetinaꞌo tunetinaꞌone. Ne qaaroyich deꞌa itinaꞌone. Neenna tookkii boonoshi giyiti wogoonoo quyetinaꞌone.