Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zakaariyaasi 13:2 - Kafa Linguistics Project

2 Beshe Mawe Doono Yeeri ishichiye: “Ebiyooba shahalleenaꞌochi shigoon showee toommoochee aalliyemmo taane. Aroyee gubb, ciroona shalligeyaachemminaꞌone. Koote keemechinaꞌonaa gonde ayaaneenaꞌonon showoochee aalliyemmo taane.

အခန်းကိုကြည့်ပါ။ ကော်ပီ




Zakaariyaasi 13:2
40 ပူးပေါင်းရင်းမြစ်များ  

“Doono Yeeriyoo biich, ‘Aabichireeshiye ne muriciyemmo?’ iye. “Biyoo, ‘Hamiree, bi keemechinaꞌo bulli kootoon keemmemmoyich tuniyemmo taane’ iye. “Doono Yeeriyoo, ‘Muriciyemmo neene; neechoo kaamemmone; hamiree, ebin tuniibe’ iye.


Bare nuggishoyich goyinnee beetinaꞌo beshe iritooch dihemminaꞌone; ta boonoshich damee deejjoon deejjaache; boonoshi shigoonoo ta noonoona ceegaache.


Cooxo yechii wuxito bi tunegaata miixoo bi tunemmoyich meeshoon giddiibe; ebina ebi qititi gijjoon qoccaaye.


“Ta getteto bullin manjiiree quyebe. Bare nuggisheenaꞌo waan corootiyaahine. Boonoshi shigoonona ceeggaahine.


Arooba asheenaꞌo, goyinneya boonoshi shuuneti birewoonaa aachoonoochee shuuneeti shahalleenaꞌon, ecceenaꞌonaa shakishakeenaꞌonoyich duppemminaꞌone.


Ebiyoo Israꞌeeleenaꞌo daggooch yeexeree mooyon boonoshi tuniitoyich, boonoshi giyeenaꞌochi mecheenaꞌona tookkii boonoshi shadditoyich, boonoshich ta getaani qaaroon ta shigoona kootoon boonoshi gettitoyichiye; ebinoo ta ariibeeto taane; miixoo taane” iye Doono Yeeri.


Ebiyoo, ebiyee bekk Israꞌeelee asheenaꞌo daggooch koote yaaꞌoo woyee muriciyechi qaaxo daneyaachemmo bi tunetoyichiye.


Ebiyee bekk koote yaaꞌoon beegaachemmo ittoshine; qaaxoonoo qaaxeyaachemmo ittoshine; ta asheenaꞌon ittoshi kishoochee wodiyemmo taane; ebiyooba Doono Yeeri ta tunoon ariyemmo ittoshine, itone’ gete” iye.


“Are keemecho dacheeꞌi bi wochigaata, are keemechon dachito Doono Yeeri taane; ta mochoon bi toommooch tiijjemmo taane; ta asheenaꞌo tuneti Israꞌeeleenaꞌo daggoochee biin aalliyemmo taane.


“ ‘Nuggishoo Doono Yeeri ishichiye: Shahalleenaꞌon aalliyemmo taane; Memifisi beeti misileenaꞌon aalliyemmo taane; ebiyee bekk Gibitsee showooch iraashoo beetaachemmone; Gibitsee showoochoo shaton deejjemmo taane.


Xalle aacon ittoshi toommooch wucemmo taane; ittoshiyoo xallemmo ittoshine; ittoshi eeꞌo bulliichee, ittoshi shahalloocheenoo ittoshin xalliyemmo taane.


Ittoshi eeꞌo bulliichee ittoshin wodiyemmo taane; maayo ittoshich bi woddemmoyich geto beshiyemmo taane; ebiyee bekk shaacoon ittoshi toommooch deebaachemmo taane.


Ebiyee bekk boonoshi nuggisheenaꞌona, ciigiiti boonoshi mooyona, boonoshi xuꞌoonoo boonoshi qelloon eeꞌiyaachemminaꞌone. Taan qayona boonoshi shuuneti axaaxoochee boonoshin wodiyemmo taane; boonoshin xalliyemmo taane; ta asheenaꞌon tunemminaꞌone; tawoo boonoshi Nuggishoon tunemmo taane.


Biyoo taach ishichiye: “Ashi bushoocho, Israꞌeelee macceenaꞌochi daggooch bulli aabooch ta kotemmi ta taatee qeenonaa ta neexemmi xaaꞌoona hinine; ebiyee bekk Israꞌeelee macceenaꞌonaa boonoshi taateenaꞌona yahoona, wottoo qititi boonoshi taateenaꞌoyich boonoshi tuniibeeti mooyona ta shigoon eeꞌiyaachemminaꞌone.


Ittoshi beeti katemeenaꞌo bulli happeyemminaꞌone; ittoshi goyinnee xaaꞌeenaꞌo aallemminaꞌone; ittoshi deejjee gudeenaꞌo happeeree aallemminaꞌone; ittoshi shahalleenaꞌo tiishaa aallemminaꞌone; ittoshi ixaanee deejjee gudo buricemmone; ittoshi shuuneenaꞌo hidaa aallemminaꞌone.


Efreemo, shahalleenaꞌoonaa taannon amo daniihe? Ne qolloon waayaabeeto, neenoo shiimaabeeto, taane; ta, waarwaariibeeti ciidee mixoommo taane; ne aafeebeeto taannane” iye.


“Bulli yemeenoon taach ne tunemmoyich, neen tippemmo taane; cadiqoonaa dayinnetoona, shoodoonaa ariqqoona, neen tippemmo taane.


“Kootoonaa dachechona tuneti asho waaꞌi, ‘Woyinoonaa mashiibeeti uyoona showoochee ittoshich xuupphemmone’ iꞌi bi keemigaata, hini asheenaꞌo shunniibeeti keemecho tunemmo biine.


Doono Yeeri boonoshin keqqichemmone; showee toommeexi nuggisheenaꞌon muujjiyemmone. Showee toommooch beeti aagetee asheenaꞌo bulli, boonoshi showi showooch beechi biich goyinnemminaꞌone.


Yesuusi aroochee daakkiꞌi ishichiye: “Yinno ashi toommoochee bi tiyitoyee gubb, bi kashemmi xaaꞌoon qaawiibee aachaalli showoona guuddiye; tunebaani daneyaanoon muccehe.


“Koote keemechinaꞌo waanee ittoshi qelloon quyebote. Bagoochoommon duuroo shaahibee ittoshi waan woyemminaꞌone; tunebaani boonoshi mullo kuxxii maabeeti okeroommone.


Tunebaani ta Yeerichi giidoona yinnoon yookkaabeeto ta tunegaata, illa Yeerichi taatittine ittoshi waan shaggetine.


Boonoshi deejjee gudoon happi bayote. Boonoshi goyinnee xaqqee giimboon tiishi buricote. Boonoshi nuggishee Asheeri misiloon qaaqqoona michibote. Boonoshi shahalloon kuxote. Boonoshi shigo are showoochee bi aallemmoyich tuniibote.


Tunebaani bi gettemmoyich biich ta getaani mooyon aafoon kuppheꞌi ta shigoona keemmiibeeti keemechon woyee bare nuggisheenaꞌochi shigoona keemmii beeton wuxibote’ itone.


Ittoshi daggooch echeꞌi beeti aageteenaꞌona tookki bacceyaahote; boonoshi goyinneebeeti nuggisheenaꞌochi shigoon ceeggaahote; boonoshina wogeyaahote; boonoshich goyinne maddeyaahote.


Oogeti qaaroona cookiibee, “Ooge katemee Baablooni dihitiyoche; dihitiyoche! Yinneenaꞌo bulli qeyi xaaꞌee tunetiyoche! Eeꞌeenaꞌonaa tiyaariitinaꞌona tuneti kafeenaꞌo [cooxinaꞌoo] kuppee xaaꞌee tunetiyoche!


Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ