Zakaariyaasi 12:8 - Kafa Linguistics Project

⁸ Ebiyooba Doono Yeeri ta, Yerusaalemi beetinaꞌoyich deebo tunemmo taane; boonoshi daggoochee hakka guutoo Daawitiyoommi kupphoon tunemmone. Daawitichi kechi asheenaꞌo Nuggishoommon woyee ta maraakoommon tuneree asheenaꞌon yaabi qeejjemminaꞌone.

Zakaariyaasi 12:8 ပူးပေါင်းရင်းမြစ်များ

Shoddo 8:5

Giishechoon maraakoyee biin shappiihine; oogoonaa oogee yiiroonochi gubbichoon biich ukiihine.

Shoddo 82:6

“Tawoo, ‘Ittoshi, nuggishoo ittoshine; ittoshi bulliyona Beshoo Yeerichi bushiishoo ittoshine’ iyoye.

Keyo 14:19

Aroochee Israꞌeeleenaꞌo bullichi aaf hammiibeeti Yeerichi maraakoo wotteꞌi, boonoshi gubb beshehe; ebiyoommon wotta giimboommi qubo boonoshi aafee guuddii besheꞌi boonoshi gubb neexehe.

Keyo 33:2

Maraakoon ne aaf shiichiiree, Kanaaneenaꞌon, Amooreenaꞌon, Hiteenaꞌon, Ferizeenaꞌon, Hiweenaꞌonaa Yebuseenaꞌonon yoohi kichemmo taane.

Isiyaasi 30:26

Doono Yeeri bi asheenaꞌochi tiishoon sheppheꞌi bi wodiihooba, bi naxo mayiiton bi wodiihooba, agene aabeechoommon aaxxemmine; aabee aaxxo aafichoyee shabaatte kishoon besho tunemmone; shabaatte qemi aabo ikkochee kechiton shaahiree bekkemmone.

Isiyaasi 31:4

Doono Yeeri taach ishichiye; “Daaheroo woyee more daaheroo gijjoon yechiichii gigee bi beetaa, meeti qiddeenaꞌo ceegeeꞌi bi waan boonoshi waataanolla, boonoshi cookoo biin shattii keqqichaache; ebiyoommon Beshe Mawe Doono Yeeri ta, Tsiyooni guudonaa bi geppoonoochaa koyeya kindemmo taane.

Isiyaasi 33:24

Tsiyoon beechi “Biiyeto taane” gettemmi ikke asholla beetaachemmone; axaaxecho bullich maaroo danemmone.

Isiyaasi 49:7

Israꞌeeleenaꞌochi Biishee Wodiyechonaa Yaafoona tuneti Doono Yeeri, asheenaꞌona oogichii hoxeeꞌi, ciigeeti, iraasheenaꞌochi guuno tunetoyich, ishichii beetone: “Taateenaꞌo neen beegiree neech tiyi neexemminaꞌone; taatee yareenaꞌo neech goyinnemminaꞌone; ebiyoo, gibeneeti Doono Yeeri, Israꞌeelee Yaafoo, neen bi kaaccitoyichiye” iye.

Isiyaasi 53:3

Biyoo ashoona shixxetonaa hoxeetonane; biiyoonaa xuuxoona biyee baraani ashoone; asho bi waanee aafoon badd wochiti, hoxeeti ashoone; nowoo biin oogiyaano noone.

Isiyaasi 63:9

Boonoshi xuuxoona xuuxehe; bi aafeexi maraakoo boonoshin wodiihe; bi shunoona, bi ariqqoonoo boonoshin biishehe; wonnee yemeeno bullin boonoshin tiijjii shaaggiye.

Erimiyaasi 27:10

Ebiyoo ittoshi showoochee kecaa wohi showooch ittoshi hammemmoyich, tawoo ittoshin ta yookkemmonaa ittoshi aallemmonoyich koote keemoon boonoshi keemmii beetoyichiye.

Hosee'i 1:7

Tunebaani Yihudee asheenaꞌoyich ariqqemmo taane; boonoshi Nuggishoo Doono Yeeri ta, boonoshin wodiyemmo taane. Boonoshin ta wodiyemmo maꞌoona woyee goraadoona woyee koyoona woyee haresheenaꞌona woyee hareshechinaꞌona toonoone” iye.

Hosee'i 12:3

Yaaqobi maacooch beechii bi manoochi shoqqoon yechiye; oogeechiinoo Yeerina tookkii qiiccehe.

Hosee'i 3:5

Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.

Yoꞌeeli 3:10

Ittoshi maaneshoo goraadoon ittoshi magaadoo ginoon bi tunemmoyich qicote! Yeexere ashoo “Ta kuppho taane” gete.

Leweenaꞌo 26:8

Ittoshi daggoochee uuchoo balloon, balloo aashire humoon koyi wochemmone. Ittoshi etteenaꞌon koyi wuxemmo ittoshine.

Mikiyaasi 5:8

Aageteenaꞌo daggooch curo tuneꞌi echeti ebi Israꞌeeleenaꞌo, kubbi cooxinaꞌo daggooch giyiti daaheroommon, bageenaꞌo daggooch giyiꞌi neexxii yangixxiibeeti, bi kishoochee koniyoona dichoon hakkaani more daaheroommon tunemminaꞌone.

Mikiyaasi 7:16

Aagetee asheenaꞌo giidechinaꞌo boonoshi tunetaanoona ebin beegiree yeellemminaꞌone. Boonoshi noonoon uppemminaꞌone; boonoshi waamonoo oppemminaꞌone.

Mikiyaasi 7:8

Ta ettoocho, taanna emiriyaahine! Ta dihitaanona tiyemmo taane; manderooch ta kotetaanona Doono Yeeri taach bekkoon bekkiyemmone.

Zakaariyaasi 10:7

Efreemeenaꞌo kupphe ginee anaamoommon tunemminaꞌone. Woyinee uyoon uchiti asho emiroommon emiremminaꞌone. Boonoshi bushiisheenaꞌo ebin beegiree emiremminaꞌone. Boonoshi mullo Doono Yeerina emiremmone.

Zakaariyaasi 2:5

Doono Yeeri ‘Ebi katemee guudoona qaaqqee uxeroon tunemmo taane; ta oogee yiiroona bi daggooch beeyemmo taane’ itone” iye.

Zakaariyaasi 9:14

Doono Yeeri boonoshi toommoochaa bekkemmone; bi shangoo xeeyoochoommon awureyemmone. Nuggishoo Doono Yeeri tiree qaaroon waayiyemmone; deshi-waani yubee yongoona hammemmone.

Zakaariyaasi 9:8

Ginee naayinaꞌo aroona okk hach boonoshi besheyaachemmoyich, ta showee guudoon quyemmo taane. Ta asheenaꞌo duꞌoon ta hajjee aafoona ta beeggetoyich, giidechinaꞌo ebiyee bekk boonoshin neexi hajjaachemminaꞌone” iye.

Milikiyaasi 3:1

“Ebiyoche, gommon ta aafooch qanniyemmi ta wocheyechon daachiyemmo taane. Ittoshi qaawiibeeti Doono diqqoona yaafee kexooch woyemmone. Ittoshi qaatiibeeti wocheyecho waaree ittoshina tookkaa ta giyeti wogoon ittoshich awaajjemmone” iye Beshe Mawe Doono Yeeri.

Roomi 9:5

Qaabbechinaꞌochi yareenaꞌone; eboshichi daggoochee Kiristoosi meenona shiijjeꞌi waahe; biyoo bulliyee beshoone; bulli yemeenoonoo diireeti Nuggishoone. Ameena.

1 Ximootiyoosi 3:16

Biich diireeti kittinnee qocoona beemichon Yeeri gaxxiti maacee mooyo worganikkiibeeti ooge mooyo bi tunoon koniyoona nookkeyaache; ebiyoo: Asho tuneꞌi bekketo, cadiqo bi tuno Yaafe Ayaanoona miixeeto, maraakeenaꞌoyich bekketo, aageteenaꞌo bulliich awaajjeeto, alemooch gibeneeto, oogee yiiroona shimaajj kechito, ii beetone.

Hibireena'o 11:34

qaaqqee giidoon aalliiheete; goraadoona qitoochee muricciyeete; hakka guuteenaꞌo boonoshi tunetaanoona kuppheheete; ginee koyoona kuppheenaꞌo tuneheete; bare showee ginee naayinaꞌon kochii yookkiyeete.

Yaasi 23:10

Ittoshi Nuggishoo Doono Yeeri ittoshich bi gibenikkiti gibenoommon, ittoshi qoodoon koyeebeeto bi tunetoyich, ittoshi daggoochee ikkoo humoon yookkemmone.

Yaaꞌoo 22:13

Alfoonaa Oomeegoona, Aafichonaa Gubbichona, Shiichoonaa Tacona taane” iye.

Yaaꞌoo 22:16

“Ta Yesuusi kittinnee guuphinaꞌo tuneti ittoshich ebi bullin bi gettemmoyich ta maraakoon wocheto taane. Daawitichi colloonaa yaroona taane; aaxxeebeeti haree xojjenoommo taane” iye.