Zakaariyaasi 12:5 - Kafa Linguistics Project

⁵ Ebiyooba Yihudee iraasheenaꞌo boonoshi mulloona, ‘Beshe Mawe Nuggishoo Doono Yeeri Yerusaalem beeti bi asheenaꞌoyich hakkoon immii beetone’ gettemminaꞌone.

Zakaariyaasi 12:5 ပူးပေါင်းရင်းမြစ်များ

Shoddo 144:1

Ginoon ta koyemmoyich ta kishoon, koyoon ta koyemmoyich ta mochoon dojjiti, ta Deebe Xaqqo Doono Yeeri galleteebe!

Shoddo 18:32

Taach giidoon immiibeeto, ta gommonoo taach kaachiibeeto, Yeerine.

Shoddo 18:39

Ginoochaa giidechon ta tunemmoyich, taan kupphiihine; ta toommooch tiyitinaꞌo ta baatooch goyinnemmoyich tuniihine.

Shoddo 46:1

Yeeri nooch deeboonaa giidoonane; xuuxee aabo bulliichoo no gaachoone.

Isiyaasi 1:10

Sodoomee iraasheenaꞌote, Doono Yeerichi qaaroon waayebote. Gomoori asheenaꞌote, no Nuggishoo dojjiibeeti doyoon ellebote.

Isiyaasi 1:23

Ne ukkireenaꞌo hukkechinaꞌonaa gaayeenaꞌochi nuucheenaꞌonane; boonoshi bulliyoo xuccoon shunniyeete; aafee ciichiyoonoo oogichii qaawiyeete; nihaalleenaꞌoyich neexeyaacheete; xuume maacheenaꞌo mooyon waayeyaacheete.

Isiyaasi 1:26

Ne woraaferasheenaꞌon wonneechooch, ne mikkirechinaꞌonoo aafichooch wochemmo taane; aroochee Cadiqee Katemee, Gibeneeti Katemee getaa ceekkemmi neene” iye.

Isiyaasi 28:5

Arooba Beshe Mawe Doono Yeeri, muriccii echeti bi asheenaꞌoyich oogee ukoon, malleteechi gubbichoon tunemmone.

Isiyaasi 28:6

Nallee gabberooch kotetoyich kaachii nallee ayaanoon, katemee uxeree kelloon ginoochee quyee beetinaꞌoyich hakkoon immemmone.

Isiyaasi 29:10

Doono Yeeri tokketee ayaanoon ittoshi toommooch minjitone; keemechinaꞌo aafoon kaappitone; yaaꞌoon beeggii beetinaꞌochi qelloon oppetone.

Isiyaasi 32:1

Taatoo cadiqoona iraasheenaꞌoo tatoona qeejjemminaꞌone.

Isiyaasi 45:24

“Asheenaꞌo ‘Cadiqoonaa giidoona danemmo Doono Yeer waanaa baachiye’ getiree taachon yibbaatemminaꞌone; ta toommooch tiyitinaꞌo bulli, ta waan waaree yeellemminaꞌone.

Isiyaasi 60:17

Tawoo gooshee keroon aachoon, xuuree keroon birewoon, michi keroon gooshoon, xaqqee keroon xuuroon, deebemmo taane. Diggoon ne ukkiroo, cadiqoonoo ne iraashoo, tuniyemmo taane.

Erimiyaasi 30:21

Boonoshi iraashoo boonoshi asho tunemmone; boonoshin qeejjemmo boonoshi daggoochee kechemmone; ta waan biin katichemmo taane; biyoo katinnemmone; ebi tuno qayigaata, kuppheree ta waan katinon hakkemmo kone?

Erimiyaasi 33:26

Yaaqobichi yareenaꞌonaa ta guuno Daawitichi yaroonon qajjesho taane; boonoshi bushiisheenaꞌoocheenoo Abrahamichi, Yisaaqichi, Yaaqobichi yareenaꞌo toommooch bi taatemmoyich kaacaachesho taane. Tunebaani boonoshi kecoon ta wochemmo, boonoshich ariqqemmo ta tunetoyichiye” iye.

Yoꞌeeli 3:16

Doono Yeeri Tsiyoonaa ciddiye; bi qaaroon oogichiꞌi cookiye. Yerusaalemaanoo gigehe. Shimaayoo, showoo shuuriye. Tunebaani Doono Yeeri bi asheenaꞌoyich shoobi xaaꞌoo tunemmone; Israꞌeeleenaꞌoyichoo mishigo tunemmone.

Zakaariyaasi 10:12

Doono Yeeri ta, boonoshin kupphiyemmo taane; ta shigoonoo giyi kechemminaꞌone” iye Doono Yeeri.

Zakaariyaasi 10:6

“Yihudee asheenaꞌon kupphiyemmo taane. Yooseefi yareenaꞌon wodiyemmo taane. Boonoshich ta ariqqetoyich, boonoshi xaaꞌooch wochi deebemmo taane. Boonoshin ta dufaani asheenaꞌoommon tunemminaꞌone. Ta, boonoshi Nuggishoo Doono Yeeri ta tunetoyich, boonoshi corootoon waayemmo taane.

Zakaariyaasi 12:4

Ebiyooba hareshoo bullin keqqichemmo taane; hareshecho bullinoo geyiyemmo taane. Tunebaani Yihudee asheenaꞌon manjii ciini quyemmo taane. Aageteenaꞌochi haresheenaꞌon wolliyemmo taane.

Zakaariyaasi 12:6

“Ebiyooba Yihudichi iraasheenaꞌon michi gutee daggooch beeti qaaqqee bunoommon, wotta maayi qiree daggooch conjiibeeti qaaqqee aaxxoommon tuniyemmo taane. Yoochinaa qanninooch guudiree boonoshi guudoona beeti aageteenaꞌo bullin aalliyemminaꞌone. Ebiyee gubb, Yerusaalemi asheenaꞌo diggoona boonoshi xaaꞌooch beeyemminaꞌone.

Zakaariyaasi 14:14

Yihudee asheenaꞌoo Yerusaalemaa koyemminaꞌone. Bi guudoona beeti aageteenaꞌo bullichi gaanno, dofee aachoo, birewoonaa tahoona kiceyemmone.

Woraaferasheenaꞌo 5:9

Ta mullo Israꞌeelee ginee iraasheenaꞌona tookkiiniye; boonoshi kashoon daaggiꞌi immiti asheenaꞌona tookkiiniye. Doono Yeeri galleteebe.