Zakaariyaasi 12:4 - Kafa Linguistics Project

⁴ Ebiyooba hareshoo bullin keqqichemmo taane; hareshecho bullinoo geyiyemmo taane. Tunebaani Yihudee asheenaꞌon manjii ciini quyemmo taane. Aageteenaꞌochi haresheenaꞌon wolliyemmo taane.

Zakaariyaasi 12:4 ပူးပေါင်းရင်းမြစ်များ

1 Taateenaꞌo 8:29

‘Arooch ta shigo beeyemmone’ ne iti, hini kexon xumoonaa areddoonon manjii ciine; ne guuno ta hini xaaꞌoochaa ta corootaabeeti corootoon elle waayebe.

2 Taateenaꞌo 6:14

Biyoo arooch hareshoona, gaarinoo tuneꞌi koyee beetinaꞌonaa meeti ginee naayinaꞌonon daachiihe. Boonoshiyoo xumoona hammiꞌi katemoon giichiyeete.

2 Taateenaꞌo 6:18

Sooriyeenaꞌo bi waan boonoshi kindimmona Elisayi, “Hini asheenaꞌo aafoon ne daayiyemmoyich neen qollehoye” iꞌi Doono Yeer waan corootiye. Ebich Elisayi echetoommon, Doono Yeeri boonoshi aafoon daayiihe.

2 Kiinoo 6:20

‘Arooch ta shigo beeyemmone’ ne iti, hini kexo waan xumoonaa areddoonon manjii ciine; ne guuno ta hini xaaꞌoo waan wottaachaa ta corootaabeeti corootoon elle waayebe.

2 Kiinoo 6:40

“Andoo ta Nuggishoo Yeero, no waan ne ciinnemmoyich, hini xaaꞌoochaa corooteebeeti corootoonoo elle ne waayemmoyich neen qollehoye.

2 Kiinoo 7:15

And hini yaafee kexo waan ciinnemmo taane; hini xaaꞌoochaa corooteebeeti corootoonoo elle waayemmo taane.

Nehimi 1:6

ne guuno ta xumoonaa areddoonon, ne guuno tuneti Israꞌeeleenaꞌochon ne aafooch ta corootaabeeti corootoon elle waayebe; taanoo ciine. Israꞌeelee asho no, axaaxoon shuunoona neen no xuqqeti xuꞌoon aannaabeeto taane. Taannaa ta qaabbechinaꞌochi kechi asheenaꞌona neen xuqqeto noone.

Isiyaasi 24:21

Arooba Doono Yeeri shimaajji halleenaꞌon, showeexi iraasheenaꞌonoo naxemmone.

Isiyaasi 37:17

Doono Yeero, ne waamon no waan gaꞌiiree waayebe. Doono Yeero, ne aafoon gaxxiree ciine. Senakireebi beeyechi Yeeri neen naagoyich bi deejjiti qaaro bullin waayebe.

Erimiyaasi 24:6

Deꞌe mooyoyich ta aafoon boonoshi waan wochemmo taane; hini showooch boonoshin wochi deebemmo taane; boonoshin hagishalli ta gettemmo happaachemmo taane; boonoshin bechishalli ta gettemmo waaxaachemmo taane.

Hiziqeeli 38:4

Ne gammooch qamaaxiroon gediree neen, ne ginee naayinaꞌon, ne haresheenaꞌonaa ne hareshechinaꞌonon, koyooba taheebeeti tahoon tahetinaꞌo bullin, ooge gaachoonaa giishi gaachoonon yechiton, goraadoonoo yechito bullin gubb wochemmo taane.

Hiziqeeli 39:20

Ittoshi michimmi wottoon, ittoshich ta giddiiti madoochee hareshoonaa hareshechinaꞌonochi meenon, giidechinaꞌonaa ginee naayinaꞌo bullinochi meenon maayemmo ittoshine, iye Nuggishoo Doono Yeeri’ gete.

Daaneeli 9:18

Ta Nuggishoocho, ne waamon gaꞌiiree waayebe; ne aafoon gaxxiree no xuuxoonaa ne shigo beeti katemoonon ciine. Ebi qolloon ne aafooch no giddiibeeto, cadiqo no tunetoyich tuneyaanoon, ne maaree woddoyichiye.

Zakaariyaasi 10:5

Boonoshiyoo ikkotteree ginee naayochoommon, boonoshi etteenaꞌon gommeexi dengoochoommon kotemminaꞌone. Doono Yeeri ta, boonoshina tookkaa ta tunetoyich koyeree, hareshechinaꞌonolla koyi wochemminaꞌone.

Zakaariyaasi 12:11

Megidi gaddoochaa Hadaad Rimoonich bi eeppeyoommon ebiyooba Yerusaalemaa ooge eefo eeppeyemmone.

Zakaariyaasi 12:3

Ebiyooba Yerusaalemi aageteenaꞌo bullich xaqqo maggoommon bi maggemmoyich tuniyemmo taane. Biin tiijjiya qiiccemmo bulli mayemmone; showee toommeexi aageteenaꞌo bulli biin kocha woyemminaꞌone.

Zakaariyaasi 12:5

Ebiyooba Yihudee iraasheenaꞌo boonoshi mulloona, ‘Beshe Mawe Nuggishoo Doono Yeeri Yerusaalem beeti bi asheenaꞌoyich hakkoon immii beetone’ gettemminaꞌone.

Zakaariyaasi 12:6

“Ebiyooba Yihudichi iraasheenaꞌon michi gutee daggooch beeti qaaqqee bunoommon, wotta maayi qiree daggooch conjiibeeti qaaqqee aaxxoommon tuniyemmo taane. Yoochinaa qanninooch guudiree boonoshi guudoona beeti aageteenaꞌo bullin aalliyemminaꞌone. Ebiyee gubb, Yerusaalemi asheenaꞌo diggoona boonoshi xaaꞌooch beeyemminaꞌone.

Zakaariyaasi 14:15

Ebiyoommi naxo haresheenaꞌon, bicereenaꞌon, gaaleenaꞌon, kureenaꞌonaa kaambooch beeti gijjeenaꞌo bullinon yexxemmone.

Zakaariyaasi 9:8

Ginee naayinaꞌo aroona okk hach boonoshi besheyaachemmoyich, ta showee guudoon quyemmo taane. Ta asheenaꞌo duꞌoon ta hajjee aafoona ta beeggetoyich, giidechinaꞌo ebiyee bekk boonoshin neexi hajjaachemminaꞌone” iye.

Mishiraachechinaꞌo 17:30

Illa Yeeri besheti tuushee yemeenoon haddaanoon qajjitone; tunetaa and boonoshi kexi kexooch beeti asheenaꞌo bullin ‘Ittoshi gonde gommoochee ta waan wottebote’ iꞌi gettitone.

Yibbaatoo 28:28

Doono Yeeri neen geyiyemmone; ne aafoon wolliyemmone; ne mulloonoo baalliyemmone.