Zakaariyaasi 12:3 - Kafa Linguistics Project

³ Ebiyooba Yerusaalemi aageteenaꞌo bullich xaqqo maggoommon bi maggemmoyich tuniyemmo taane. Biin tiijjiya qiiccemmo bulli mayemmone; showee toommeexi aageteenaꞌo bulli biin kocha woyemminaꞌone.

Zakaariyaasi 12:3 ပူးပေါင်းရင်းမြစ်များ

Isiyaasi 60:12

Neech maddeyaani aageteenaꞌonaa taatee showeenaꞌona aallemminaꞌone; ciroona hidaa aallemminaꞌone.

Abidiyi 1:18

Yaaqobichi kechi asheenaꞌo qaaqqoon, Yooseefichi kechi asheenaꞌo qaaqqee aaxxoon tunemminaꞌone. Esayichi kechi asheenaꞌo galloon tunemminaꞌone; galloon michoommon boonoshin michi aalliyemminaꞌone. Esayichi kechi asheenaꞌo daggoochee murici wodemmo daneyaachemmone” itone Doono Yeeri.

Mikiyaasi 5:15

Taach deꞌa gettemmon qajjiti aageteenaꞌo bulli toommoochoo ta kaaree shiixxoon kindiyoona nichoon kichemmo taane” iye.

Mikiyaasi 5:8

Aageteenaꞌo daggooch curo tuneꞌi echeti ebi Israꞌeeleenaꞌo, kubbi cooxinaꞌo daggooch giyiti daaheroommon, bageenaꞌo daggooch giyiꞌi neexxii yangixxiibeeti, bi kishoochee koniyoona dichoon hakkaani more daaheroommon tunemminaꞌone.

Imbaaqoomi 2:17

Libanoosi mixon qeccee ittoshi aalliyoommon qeccetaa aallemmo ittoshine. Arooch beeti cooxinaꞌon wuxii ittoshi aalliitoyich keqqemmo ittoshine. Ebiyoo meeti ashi damoon ittoshi ukkitoyich, wotta maaco manjiꞌi showee toommonaa katemoonooch beeti asheenaꞌo toommooch ittoshi tuniiti mooyoyichiye.

Sofoniyaasi 3:19

Ebi arooba, ittoshin neexxii hajjitinaꞌon naxemmo taane; baata sheqqeenaꞌon wodiyemmo taane; shacetinaꞌonoo kicemmo taane; boonoshi giishoon oog wochemmo taane; showee toommooch arichetinaꞌo tuniyemmo taane.

Haagi 2:22

showee toommooch beeti, taatittinee qeenon guuppa ii beeto taane; aagetee showee taatittinee giidoon aalliiya ii beeto taane; boonoshi gaarinaa gaarin yebbee beetinaꞌonon guuppa ii beeto taane. Boonoshi haresheenaꞌo qitemminaꞌone; yebbee beetinaꞌoo boonoshinaa boonoshina goraadoona qecceeree qitemminaꞌone.

Zakaariyaasi 12:11

Megidi gaddoochaa Hadaad Rimoonich bi eeppeyoommon ebiyooba Yerusaalemaa ooge eefo eeppeyemmone.

Zakaariyaasi 12:4

Ebiyooba hareshoo bullin keqqichemmo taane; hareshecho bullinoo geyiyemmo taane. Tunebaani Yihudee asheenaꞌon manjii ciini quyemmo taane. Aageteenaꞌochi haresheenaꞌon wolliyemmo taane.

Zakaariyaasi 12:6

“Ebiyooba Yihudichi iraasheenaꞌon michi gutee daggooch beeti qaaqqee bunoommon, wotta maayi qiree daggooch conjiibeeti qaaqqee aaxxoommon tuniyemmo taane. Yoochinaa qanninooch guudiree boonoshi guudoona beeti aageteenaꞌo bullin aalliyemminaꞌone. Ebiyee gubb, Yerusaalemi asheenaꞌo diggoona boonoshi xaaꞌooch beeyemminaꞌone.

Zakaariyaasi 13:1

“Ebiyooba Daawitichi kechi asheenaꞌonaa Yerusaalemi asheenaꞌonon axaaxoonaa eeꞌoonoochee xalliyemmi aachi xuupho qecheyemmone” iye.

Zakaariyaasi 14:13

Ebiyooba Doono Yeer waanee oogeti keqqoo boonoshi toommooch kindemmone. Asho bi ikkikkoona bi nuuchoo kishoona yeshiichi ikkoo baroon kochemmone.

Zakaariyaasi 14:6

Ebiyooba aqqoo woyee doshoo (caagibano) beetaachemmone.

Maatiyoosi 21:44

[Hini xaqqee toommooch dihimmo buricemmone; tunetaa hini xaqqo bi toommooch dihimmo bulli yiikkeyemmone]” iye.

Luqaasi 20:18

Are xaqqee toommooch dihimmo bulli buricemmone; tunetaa are xaqqo bi toommooch dihimmo bulli yiikkeyemmone” iye.

Yaaꞌoo 16:14

Eboshiyoo malletoon bekkiibeeti yinneenaꞌone; hini are yinneenaꞌo showee toommeexi taateenaꞌo bulli waan kechii beetinaꞌone; boonoshi kechiibeetoo, Beshe Hakkechi Yeerichi nallee ooge aabooba tunemmi ginee koyee xaaꞌooch boonoshin kicii deeboyichiye.