Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zakaariyaasi 12:10 - Kafa Linguistics Project

10 “Daawitichi yareenaꞌonaa Yerusaalem beetinaꞌonochi toommooch ariqqee ayaanoonaa corootee ayaanoonon ta ukkaa, boonoshi kochiton boonoshi beegiyooba, ikke mixxe bi bushoyich asho eefoommon biich eeppemminaꞌone. Bi gutenee bushoyich asho tiittee eefoommon biich eeppemminaꞌone.

အခန်းကိုကြည့်ပါ။ ကော်ပီ




Zakaariyaasi 12:10
39 ပူးပေါင်းရင်းမြစ်များ  

Arooba Yooseefi bi gaꞌooch beeti asheenaꞌo aafooch haaꞌii tooꞌon bi mawiitoyich, bi qaaroon oogichiꞌi, “Ebi asheenaꞌo bullin ta aafoochee kichibote” iye. Ebich Yooseefi bi qelloon bi maneenaꞌoyich bi arichii bee goora, bare asho koniyoona biinna tookkii aalloone.


Yooseefi bi qaaroon oogichiꞌi bi eeppitoyich, Gibitsee asheenaꞌo waayeheete. Ebi mooyon Farooni kexeexi asheenaꞌo wotta waayeheete.


Taan ne wodiihooba ne emirikkoommon, andoo taan emirikkibe; neech deꞌa ii beeti ayaanoon taach imbe.


Ta ciicoon waayebe; ta ayaanoon ittoshich ukkemmi taane; ta qaaroonoo ittoshi ariyemmoyich tuniyemmi taane.


Ta nihoo kexooch batt dellidellaa ta beehooba, ta indeyichoo ikke mixxe bushoo ta beehooba,


Ebi tunemmo, dambee no toommooch Ayaano ufemmi wottoon, barahoo qeemi showoon tunemmi wottoon, qeemi showoo shaaroon shaahimmi wottooniye.


“Nuggishoo ta baachalli baroo aallo bi tunetoyich, showee tuggo bulliich beetinaꞌote, ta waan wotteree wodibote.


Neyee wokkaa ta hammetoyee gubb, gondoochee wottehoye; ta ariitoyee guboo ta qelloon tappehoye; bushaa ta beehooba axaaxoon ta shuunetoyich yeellehoye; cooneehoye’ ii beetone.


Eefona woyemminaꞌone; boonoshin goggiyoona yaabemmo taane; aachi gashoona, boonoshi tephaachemmi kaame gommona, boonoshi hammemmoyich tuniyemmo taane; ebiyoo Israꞌeelich nihoo ta tunetoyich, Efreemiyoo taach gutenee bushoo bi tunetonoyichiye.


Doono Yeeri ishichiye: “Ebiyoobee yemeenoonaa ebiyoobee aaboonooch Israꞌeelee asheenaꞌonaa Yihudee asheenaꞌona tookki woyemminaꞌone; eefibee woyemminaꞌone; boonoshi Nuggishoo Doono Yeer waan wottemminaꞌone.


Ta asheenaꞌote, dookoon tahebote; tulloochoo gederebote; aalliyecho diqqoona ittoshi toommooch woyemmo bi tunetoyich, ikke mixxe bushoyich eeppeyoommon caame eefon eefote.


Aroochaa ittoshi eeꞌeti gomminaꞌonaa ittoshi shuunoo bullinon shalligemmo ittoshine; ittoshi shuuneti gondo bullich ittoshin wochi ciigemmo ittoshine.


Ta Ayaanoon ittoshi kashooch kotiyemmo taane; ittoshiyoo kashoona beeyemmo ittoshine; ittoshi hajjee showooch ittoshi beeyemmoyich tuniyemmo taane; ebin getteto, ebinoo tuniito ta tunoon ariyemmo ittoshine; Doono Yeeri ta, ebin getteto taane’ itone gete” iye.


Ta Ayaanoon Israꞌeelee macceenaꞌochi toommooch ta woniitoyich, ebiyee bekk ta aafoon boonoshiyee badd wochaachemmo taane; Nuggishoo Doono Yeeri ebin getteto taane” iye.


Ittoshi emiree baaroon eefooch, ittoshi duubonoo shooshooch wochemmo taane. Qelloon cakkeree dookoon ittoshi tahemmoyich tuniyemmo taane. Ikke mixxe boonoshi bushoyich nihoonaa indeena eefoommon eeppeebeeti aabo tunemmone. Ebi arooba mooyo bulli ciirooch beddaahaa, caammito tunemmone” itone.


Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.


Muusiyoo dingeroon gooshoochee shuuneꞌi mixooch yooddiye. Dingero qoppiti asho bulli ebi gooshoochee shuuneeti dingeroon ciinniꞌi wodii beehe.


“Arooba Ashi Bushoo malletoo shimaayoochaa bekkemmone; arooba showooch beeti ashi yareenaꞌo bulli ‘Woowo!’ gettemminaꞌone. Ashi Bushoo giidoonaa oogee yiiroona shimaajji quboona waataa beeggemminaꞌone.


Pheexiroosi “Baakkoo kuukkaahaa, keejje wottoon taan nookkemmo neene” Yesuusi iti qaaroon gabiꞌi maaxooch kechii tiittee eeppiye.


Bi dechara Yowannisi bi waan Yesuusichi womon beeggiꞌi ishichiye: “Ebiyoche, alemee axaaxoon hidi wokkiyemmi Yeerichi Bago!


Pheexiroosina tookkii waati, boonoshi mulloon Yesuusi toommooch tooꞌiiti Ayihudeenaꞌo, Yeerichi wojjoo tuneti Yaafe Ayaano Aageteenaꞌo toommooch bi kindoon beeggiꞌi worganeheete.


“Aree hillooch batt yibbaatooch ta giyemmona, Yaafe Ayaano shiichiꞌi no toommooch bi kindoommon boonoshi toommooch kindiye.


‘Yeeri ishichii beetone: “Yemeenee ciirooba ebiyoommon tunemmone: Meeno taheti asho bulli toommooch ta Ayaanoon woniyemmo taane. Ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi gurimaasheenaꞌo yaaꞌoon beeggemminaꞌone; geeneenaꞌoo gumon gummemminaꞌone.


Andoo Yeerichi qanne badd oogoona koteꞌi bi Nihoo Yeeri gibenikkiti Yaafe Ayaanoon bi waanee deqqiꞌi, hini and ittoshi beeggii beetonaa waayee beetonon ukkiye.


Asheenaꞌo ishin waayeꞌi, boonoshi mulloona xeejjii miijjiyeete. Pheexiroosinaa bare mishiraachechinaꞌonon “No maneenaꞌote, ebich and aabichibona?” iꞌi echeheete.


Ittoshin bi bushoo tuniiti Ayaanoon ittoshich immiyalli, wochinnoon ittoshi shattemmoyich guuchittinee ayaanoon ittoshich imaanoone; ebich ebi are Ayaano noon yaabaa, Yeerin “Taabbo, ta Nihoocho!” iyaꞌa ceeggaabeeto noone.


Ebiyoommon wotta Yeerichi Ayaano no maraatoon gaachee beetone; aabichiree no corootemmo gaata ariyaano noone; tunebaani Yeerichi Ayaano bi qelloona ebine getaa getteyoo hakkeyaani qaaroona gaashilliibee no qoodoon Yeerin nooch qollee beetone.


Yeerin qollebee bulli aaboon Yaafe Ayaano immiibeeti hakkoona corootibote. Ebi gaboonoo yaafeenaꞌo bullich Yeerin qollebee qaalliree corootoona kupphebote.


Tunebaani ta shunechinaꞌote! Ittoshiyoo bulliyee beshoon yaafeeti gommona Yeeri toommooch mullee tooꞌiyoona dico ittoshich bi daakkeyemmoyich, ittoshinaa ittoshina gaacheyoona kupphebote; Yaafe Ayaanoona yaabeeree corootibote.


Ebiyoche, quboona woyemmone; asho bulli, biin kochitinaꞌooch beddaahaa, biin beeggemminaꞌone; showee toommooch beeti yoodeenaꞌo bulliyoo bi naboona woowo, geti eeppemminaꞌone. Tuneba! Ameena.


Taabooto Qiriyaat Yeꞌariim bi kotetoochee tiijjiꞌi meeti yemeeno beshehe. Aroochoo hiye naton kotehe. Aroobee yemeenooch Israꞌeeleenaꞌo bulli ayinii tuummiꞌi Doono Yeer waan wotteheete.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ