Zakaariyaasi 11:8 - Kafa Linguistics Project

⁸ Ikke agenee daggooch keejje qiddeenaꞌon yookkeho. Boonoshiyoo taan shixxiyeete; tawoo boonoshin sheeneho.

Zakaariyaasi 11:8 ပူးပေါင်းရင်းမြစ်များ

1 Taateenaꞌo 11:25

Hadaadi deebiti iritoyee baroo, Rezooni Solomooni kashoona beeti yemeeno bulliich Israꞌeeleenaꞌochi etto tunehe. Sooriyee showooch taatehe; Israꞌeeleenaꞌonoo tiyaarehe.

Shoddo 106:40

Ebich Doono Yeeri kaaro bi asheenaꞌo toommooch aaxxehe; bi hajjee asheenaꞌonoo tiyaarehe.

Shoddo 5:5

Geecechinaꞌo ne aafooch neexeyaacheete; gondoon shuunechinaꞌo bullin shixxehine.

Shoddo 78:9

Efreemichi bushiisheenaꞌo maꞌoon yechitinaꞌo boonoshi tunetaanoona, koyee aabooba gubb wotteheete.

Isiyaasi 49:7

Israꞌeeleenaꞌochi Biishee Wodiyechonaa Yaafoona tuneti Doono Yeeri, asheenaꞌona oogichii hoxeeꞌi, ciigeeti, iraasheenaꞌochi guuno tunetoyich, ishichii beetone: “Taateenaꞌo neen beegiree neech tiyi neexemminaꞌone; taatee yareenaꞌo neech goyinnemminaꞌone; ebiyoo, gibeneeti Doono Yeeri, Israꞌeelee Yaafoo, neen bi kaaccitoyichiye” iye.

Erimiyaasi 12:8

Ta hajjee asheenaꞌo kubbooch beeti daaheroommon taach tunetinaꞌone; ta toommooch tiyiꞌi ciddiyeete; ebich boonoshin shixxeto taane.

Erimiyaasi 14:21

Ne shigoyicha geti noon hoxeyaahine; ne oogee qeenon cooniyaahine; noonna tookkii ne giyeti wogoon gabiballi happiyaahine.

Erimiyaasi 6:30

Doono Yeeri boonoshin bi qajjitoyich Duppeti Birewoo getaa ceekkemminaꞌone” iye.

Hiziqeeli 14:5

Ebiyoo shahallee naboona boonoshi mulloon ta waanee bariiti, Israꞌeelee maccoo bullichi mulloon ta waan wochoyichiye.

Hiziqeeli 16:45

Ne, bi kenoonaa bi bushiishoonon shixxeti ne indeechi bushee neene; ne, boonoshi keneenaꞌonaa bushiisheenaꞌonon shixxiti ne maache maneenaꞌochi manee neene. Ne indee Hitee asheene; ne nihoo Amooree ashoone.

Hosee'i 4:6

Ta asheenaꞌo ariyee muccoochee tiyitona aalletinaꞌone. Ariyoon qaawoo ittoshi qajjitoyich, tawoo taach qeeshoo ittoshi tuneyaachemmoyich ittoshin qajjoye. Ittoshi Nuggishoo ta sheeroon ittoshi battetoyich tawoo wotta ittoshi bushiisheenaꞌon battemmo taane.

Hosee'i 5:7

Doono Yeerich gibeneyaano tunetinaꞌone; gaajjiꞌi bushoon shiyitinaꞌone. Ebich hini batti batti agenee keyooch boonoshinaa boonoshi showoona aallemmone.

Hosee'i 9:15

Doono Yeeri ishichiye: “Galigalaa boonoshi shuuneti gondo bullich, tawoo aroobee aaboochee tiijjaꞌa boonoshin shixxehoye; boonoshi shuuneti axaaxoyich ta kexoochee boonoshin yookkemmo taane. Ebiyee bekk boonoshin shunaachemmo taane. Boonoshi ukkireenaꞌo bulliyoo hukkechinaꞌone.

Leweenaꞌo 26:11

Ta beeyi xaaꞌoon ittoshi daggooch tuniyemmo taane; tawoo ittoshin tiyaareyaachemmo taane.

Leweenaꞌo 26:30

Guudi toommeexi ittoshi goyinnee xaaꞌoon happemmo taane; ixaanoon ittoshi giddiibeeti deejjee gudoon happi bajjemmo taane; ittoshi dubenoonoo dubenoochoommon dihiti ittoshi shahalleenaꞌo toommooch duppemmo taane; tawoo ittoshin tiyaaremmo taane.

Leweenaꞌo 26:44

Tunebaani ebi bulli bi tunetaanoona, boonoshi etteenaꞌo showooch boonoshi beetaa, boonoshina tookkaa ta giyeti wogoon biishona, boonoshin ta aalliimmi wottoon, boonoshin dufaachemmo taane; boonoshinoo tiyaareyaachemmo taane. Ebiyoo ta, boonoshi Nuggishoo Doono Yeeri ta tunetoyichiye.

Luqaasi 12:50

Tunebaani ta afaalleyemmi xuuxee afaalleyoo beetone; are afaalleyoo beshemmi wottoon ta kasheyich kashe xaaꞌoo aalloone.

Luqaasi 19:14

“Tunebaani are showee asheenaꞌo biin boonoshi shixxitoyich, ‘Hini uro no toommooch bi taatoon shunnaachone’ iꞌi bi hillooch biin taatiyemmo waan wochoon daachiiheete.

Yowannisi 15:18

“Alemo ittoshin bi shixigaata ittoshiyee aaf taan bi shixon ariibote.

Yowannisi 7:7

Alemo ittoshin bi shixxemmi naboo aalloone; tunetaa bi shuunoo gondo bi tunoon ta miixaa beetoyich, taan shixxiye.

Yibbaatoo 32:19

“Doono Yeerichi bushiishoo ittoshine; tunebaani bi ippemmoyich tuniihote. Biin qajjiꞌi gubb ittoshi wottoon beeggiꞌi, biyoo ittoshin qajjiye.

Hibireena'o 10:38

Tunebaani ta toommooch mulloon tooꞌiyoona cadiqiti ta asho, kashecho tuneree beeyemmone. Tunetaa gubb bi shokigaata biinna emiraache” itone.