Zakaariyaasi 11:6 - Kafa Linguistics Project

⁶ Doono Yeeri ishichiye: “Ebiyee bekk hini showooch beeti asheenaꞌoyich ariqqeyaachemmo taane. Asho bullin bi nuuchoonaa bi taatoonoyich beshiiree immemmo taane. Boonoshiyoo showoon duꞌiyemminaꞌone. Tawoo boonoshi kishoochee wodiyaachemmo taane” iye.

Zakaariyaasi 11:6 ပူးပေါင်းရင်းမြစ်များ

Shoddo 50:22

“Ebich Yeerin batteebeeti ittoshi bulli ebin shalligibote; ebi tuno qayigaata, ittoshin aalliyemmo taane; ittoshin wodiyemmo aalloone.

Isiyaasi 27:11

Michi ateenaꞌo boonoshi shuuꞌiyooba tiisheheete; maacheenaꞌo qaaqqooch shookka maciyeete; shalligaalli asheenaꞌo boonoshi tunetoyich, boonoshin Hallito boonoshich ariqqeyaachemmone; boonoshin Hallito boonoshin gaawe aafoona ciinaachemmone.

Isiyaasi 3:5

Asho biinnaa biinna ikkoo baroon neexi hajjemmone; asho bulli bi nuuchoo toommooch, asho bulli biinoommi bi manoo toommooch tiyemmone; bushoo oogoon hoxemmone; gaacaalli asho moogeeti ashi toommooch tiyemmone.

Erimiyaasi 13:14

Ikkoonaa ikkoonon, niheenaꞌonaa bushiisheenaꞌonon qiciyemmo taane; boonoshin aalliishalli ta gettemmo ariqqeyaachemmo taane; aayinaachemmo taane; maaraachemmo taane’ itone Doono Yeeri, gete” iye.

Shoosho 2:21

“Gurimaashoonaa geenoona gommeexi buttooch dihiyeete; gurimaashe maacheenaꞌonaa anaaminaꞌona, goraadoona dihitinaꞌone; ne kaaree aabooba boonoshin wuxihine; boonoshich ariqqeyaanoon guurihine.

Shoosho 5:8

Guuninaꞌo no toommooch taateheete; boonoshi kishoochee noon wodiyemmo aalloone.

Hiziqeeli 8:18

Ebich ta, kaaroona boonoshi waan woyemmo taane; boonoshich ayini ariqqeyaachemmo taane; qaaroon oogichiꞌi ta waan boonoshi cookitaa waayeyaachemmo taane” iye.

Hiziqeeli 9:10

Tawoo boonoshich ayini ariqqeyaachemmo taane; boonoshi tuniitoommon boonoshi toommooch tuniyemmo taane” iye.

Hosee'i 1:6

Gomeeri wochinnoon xifaꞌa maache busheen shiyahan. Doono Yeeriyoo Hoseeꞌich ishichiye: “Ebiyee bekk Israꞌeeleenaꞌon ariqqeyaachemmo, ciroonoo maaraachemmo ta tunetoyich bi shigoon Lo Ruhaami geti shigiibe!

Hosee'i 2:10

Bi shunechinaꞌo aafoochaa shokkoon biin echiyemmo taane. Ta kishoochee biin wodiyemmo koniyoona aalloone.

Mikiyaasi 5:8

Aageteenaꞌo daggooch curo tuneꞌi echeti ebi Israꞌeeleenaꞌo, kubbi cooxinaꞌo daggooch giyiti daaheroommon, bageenaꞌo daggooch giyiꞌi neexxii yangixxiibeeti, bi kishoochee koniyoona dichoon hakkaani more daaheroommon tunemminaꞌone.

Mikiyaasi 6:14

Maayoon maayemmo ittoshine; tunebaani miyaachemmo ittoshine; ittoshi shaacoo tooꞌaachemmone. Kicemmo ittoshine; tunebaani ittoshi kiciton wodiyoon hakkaachemmo ittoshine; ettoon daachiiree, ittoshi kotiiton bi aalliyemmoyich tuniyemmo taane.

Haagi 2:22

showee toommooch beeti, taatittinee qeenon guuppa ii beeto taane; aagetee showee taatittinee giidoon aalliiya ii beeto taane; boonoshi gaarinaa gaarin yebbee beetinaꞌonon guuppa ii beeto taane. Boonoshi haresheenaꞌo qitemminaꞌone; yebbee beetinaꞌoo boonoshinaa boonoshina goraadoona qecceeree qitemminaꞌone.

Zakaariyaasi 11:14

Yihudee asheenaꞌonaa Israꞌeeleenaꞌonochi daggooch beeti manaamanittinoon happaꞌa, Ikkittino getteeti guttinnee gumboon tiicheho.

Zakaariyaasi 11:5

Kemetinaꞌo ebi bageenaꞌon boonoshi guuritoyich sheereyaaneenaꞌone. Bageenaꞌon kemmitinaꞌoo, ‘Gaanneto noone; Doono Yeeri galleteebe’ gettemminaꞌone. Boonoshi qiddeenaꞌoo boonoshich ariqqeyaachemminaꞌone” iye.

Zakaariyaasi 11:9

Tawoo bageenaꞌoyich, “Ebiyee gubb ittoshi qiddoon tuneyaachemmo taane; qitemminaꞌo qitibeete; aallemminaꞌo aallebeete; echetinaꞌoo ikkoo baroon maataa boonoshinaa boonoshina ciirebeete” iyo.

Zakaariyaasi 14:13

Ebiyooba Doono Yeer waanee oogeti keqqoo boonoshi toommooch kindemmone. Asho bi ikkikkoona bi nuuchoo kishoona yeshiichi ikkoo baroon kochemmone.

Zakaariyaasi 8:10

Ebi aroyee aaf ashich shumaayoo, gijjoyichoo kiraayoo qocheyaanoone. Asho bulli ikkoo baroo toommooch bi tiyemmoyich ta tuniitoyich, kechii beetonaa giyii beetona konichona diggoo aalloone.

Milikiyaasi 4:6

Ta waaree showoon ufona ta aalliyaachemmoyich Eliyaasi, niheenaꞌo mulloon bushiisheenaꞌo waan, bushiisheenaꞌo mulloon niheenaꞌo waan wochemmone” iye.

Maatiyoosi 10:21

“Arooba manoo bi manoon, nihoo bi bushoon wuxemmoyich beshiiree immemmone; wotta bushiisheenaꞌo boonoshi niheenaꞌonaa indeenaꞌonochi toommooch tiyiree wuxiyemminaꞌone.

Maatiyoosi 22:7

Taatoo ebin waayeꞌi oogichii kaarehe; bi naayinaꞌon daachiiꞌi are wuxitinaꞌon wuxiihe; boonoshi katemoonoo michiihe.

Maatiyoosi 24:10

Arooba meetinaꞌo taan qajjemminaꞌone; boonoshinaa boonoshina ikkoo ikkoon beshiiree immemmone; boonoshinaa boonoshina shixeyemminaꞌone.

Yowannisi 19:15

Tunetaa boonoshi “Wokkiibe! Wokkiibe! Yoode!” iibee cookeeheete. Phelaaxoosi “Ittoshi taatoon yoodote?” iye. Qeeshee ukkireenaꞌo “Qesaariyee damba bare taatoo nooch aalloone” iꞌi wochiyeete.

1 Tasaloonqi 2:16

Aageteenaꞌo waayeree wodemmi Yeerichi qaaroon no getaachemmoyich bajja qiicceheete. Ebin tuniyoona bulli aaboon boonoshi shuuneebeeti axaaxee toommooch wotta hinin daakkiyeete. And ciiroochaa Yeerichi kaaree shiixxoo boonoshi toommooch shaggitone.

Hibireena'o 2:3

Ebich nowochi, ebiyoommi worganikkiti wodoon no qayenegaata, aabichiree muricon hakkehone? Ebi wodeechon shiichiꞌi gettito Doono Yesuusine; waayetinaꞌoo ebi iberoo bi tunoon nooch manjiitinaꞌone.

Yaaqobi 2:13

Yeeri bi nallemmi aabooba ashoon maaraani ashi toommooch maaraalli nalloon nallemmone; maaroo nallee toommooch giidemmone.