Zakaariyaasi 11:16 - Kafa Linguistics Project

¹⁶ Ta bageenaꞌon qiddemmon hini showooch tiijjemmo taane. Biyoo aalletoyich aaxxiyaachemmone; shaceton qaawaachemmone. Baata tiisheenaꞌon shepphe wodiyaachemmone; wodoonoo shiimeyaachemmone. Tunebaani awujjitochi meenon maayemmone; bi shanekkoonoo qecciqeccaayemmone.

Zakaariyaasi 11:16 ပူးပေါင်းရင်းမြစ်များ

Halloo 31:38

“Hiye naton neenna tookkaa koteto taane. Ebichi daggooch ne bageenaꞌonaa ne emmisheenaꞌona shooraaneenaꞌone; ikke bagee baaddoonona bashaa maataano taane.

Halloo 33:13

Tunebaani Yaaqobi ishichiye: “Ta doonocho, ebi ne beeggaa beetoommon, ta bushiisheenaꞌo batt kuppheyaaneenaꞌone. Xaachiibeeti bagee indeenaꞌonaa miinji indeenaꞌonon shiimeebee daamo taach qaawiihe. Gijjeenaꞌo ikke areddoonona afaafinikkaa boonoshi gasheegaata, bulli qiti ciiremminaꞌone.

Isiyaasi 40:11

Qiddoochoommon bi bageenaꞌon quyemmone; bagee bushiishoon ikkooch kicemmone; bi sheenooch tiqqeree daammemmone; bagee indeenaꞌonoo ariqqoona yaabemmone.

Erimiyaasi 23:2

Ebich Israꞌeelee Nuggishoo Doono Yeeri bi asheenaꞌon qiddeebeeti qiddeenaꞌoyich ishichiye: “Ta bageenaꞌon gaawichii quyoon qajjiichii shaccito ittoshine; yookkiinoo aalliito ittoshine; tawoo ebi ittoshi gondoyich ittoshin sheeremmo taane” iye Doono Yeeri.

Erimiyaasi 23:22

Tunebaani ta iitooch boonoshi neexeto gaata, ta asheenaꞌoyich ta qaaroon awaajjeshinaꞌone; boonoshi gonde gommonaa boonoshi gonde shuunoonoochee boonoshin wocheshinaꞌone” iye.

Hiziqeeli 34:10

Nuggishoo Doono Yeeri ta ishichiyoye: Ebiyoche ta qiddeenaꞌo toommooch tiyeto taane. Ta bageenaꞌon boonoshi kishoochee qaawemmo taane; wochinnoon boonoshi shiimemmoyich tuniyaachemmo taane; qiddeenaꞌo boonoshi qelloon wochi boonoshi shiimeyaachemmoyich tuniyemmo taane; boonoshich maayoon boonoshi tuneyaachemmoyich, ta bageenaꞌon boonoshi kookkoochee wodiyemmo taane.

Hiziqeeli 34:16

Aalletinaꞌon qaawemmo taane; yallyallimitinaꞌon wochemmo taane; tiishetinaꞌon guuccemmo taane; hakka guuteenaꞌon kupphiyemmo taane; awujjitinaꞌonaa giidetinaꞌonon aalliyemmo taane; dayinnetoona bageenaꞌon qiddemmo taane.

Hiziqeeli 34:21

Hakka guute bageenaꞌon ittoshi naaboona wottoo ittoshi gogoona ittoshi xuqqii beetoyich, hakka guuteenaꞌon ittoshi qareenaꞌona ittoshi kochii beetoyich, boonoshinoo ittoshi shaccii beetoyich,

Daaneeli 11:36

“Ebi Sooriyee taatoo bi shunniton shuunemmone; nuggisheenaꞌoyee damba bi qelloon oogiyemmone; nuggisheenaꞌochi Nuggishoo toommooch naagee yibbaatoon yibbaatemmone. Yeeri gabito bulli tuno echeyaano bi tunetoyich, Yeerichi kaaree yemeeno tunemmi wottoon ebin tunii beeyemmone.

Yowannisi 10:1

“Iberoon ittoshich gettoye: Bageenaꞌochi maggooch kelloona giyaano, bare gommona capphiꞌi giyimmo, aroo gaayoonaa bokkoonane.