Zakaariyaasi 11:11 - Kafa Linguistics Project

¹¹ Ebiyooba wogo happeehe. Ta tuniiton beeggiti, bageenaꞌon kemmii kemee beetinaꞌo ebi Doono Yeerichi qaaro bi tunoon ariiheete.

Zakaariyaasi 11:11 ပူးပေါင်းရင်းမြစ်များ

Shoddo 69:33

Ebiyoo Doono Yeeri iriteetinaꞌochi cookoon bi waayee beetoyich, cuyooch beeti bi asheenaꞌon hoxeyaano bi tunetoyichiye.

Isiyaasi 14:32

Aageteenaꞌo waanee waabeeti wocheyechinaꞌoyich ama getiree wochibona? Doono Yeeri Tsiyoonin wochinnoon bi shuunoon, iriteeti bi asheenaꞌoo shoobon arooch boonoshi danoon gettemmo noone.

Isiyaasi 40:31

Tunebaani Doono Yeerin gibenoona quyee beetinaꞌo, boonoshi giidoo andiremmone; booyochoommon qoshoona yoobbemminaꞌone; woccemminaꞌone, taahachemminaꞌone; hammemminaꞌone, maraateyaachemminaꞌone.

Isiyaasi 8:17

Bi aafoon Yaaqobichi yareenaꞌo waanee bi wochitaanona, Doono Yeerin quyemmo taane; biinoo gibenemmo taane.

Erimiyaasi 32:8

Doono Yeeri bi qaaroona bi gettitoommon, ta niheeshoochi bushoo Hanameeli ta beeti kellechinaꞌochi addibaabooch waaꞌi taan “Biiniyaamee showooch, Anaatoot beeti ta budon ne kemebe; ebiyoo biishi bedo, wottoo hajja bedo ne tunetoyich neech kemebe” iye. Ebiyooba ta waayeto Doono Yeerichi qaaro bi tunoon ariiho.

Mikiyaasi 7:7

Tunebaani ta, Doono Yeerin gibenemmo taane; taan wodiyechi Yeerin quye beeyemmo taane. Ta Nuggishoo ta qolloon waayemmone.

Sofoniyaasi 3:12

Ittoshi daggooch boonoshi qelloon yittiibeeti gaꞌi deꞌe asheenaꞌon echiyemmo taane; boonoshiyoo ta shoobooch giyemminaꞌone.

Luqaasi 19:48

Tunetaa dofee asho bulli ottiꞌi bi gettiibeeti mooyon boonoshi ellee beetoyich, boonoshi hallemmi mooyon mucceheete.

Luqaasi 2:25

Arooba are Yerusaalem Simooni getteebeeti ikke uro beehe; aroo Yeeri Israꞌeeleenaꞌon bi goggiyemmi aaboon quyee beehe; biyoo cadiqo tuneꞌi Yeerich qeyiibeeti uroone; wotta Yaafe Ayaanechone.

Luqaasi 2:38

Bekkech areegaata Yooseefinaa Maariyamina waan waaꞌa Yeerin galletahan; aroochee Yeeri Yerusaalem beeti asheenaꞌon xuuxoochee biisheree bi wodiyemmi aaboon quyee beetinaꞌo bullich are gaggere bushoochi mooyon gettahan.

Luqaasi 23:51

Are uro nallechinaꞌochi koceyoonaa boonoshi shuunoonooch bacceyaani ashoone; biyoo Arimaati getteebeeti Ayihudeenaꞌochi katemeexi ashoone; aroo Yeerichi taatittinoon quyeebeeti uroone.

Luqaasi 7:22

Yesuusi are wocheetinaꞌoyich wochiꞌi, “Hamiree ittoshi beeggiton, ittoshi waayetonoo Yowannisich getote. Aaf doogeenaꞌo ciinnii beetinaꞌone; baata yesheenaꞌo shaꞌee beetinaꞌone; qeddee shaddee biiyoona biiyetinaꞌo wodii beetinaꞌone; ulleenaꞌo waayee beetinaꞌone; qititinaꞌo tiyii beetinaꞌone; girechinaꞌoyichoo Yeerichi mishiraachee qaaro gettee beetone.

Yibbaatoo 31:21

Meeti gonde mooyonaa iritoona boonoshi toommooch waahooba, ebi shoddoon shalligiree, boonoshin sheeraabeeto ta tunoon ariyemminaꞌone. Boonoshi shiijjereenaꞌo mulloochee batteyaachemmone. Boonoshich imma ta wogeti showooch boonoshin batt giijjaan ta beetaa, and boonoshi gabiibeeti gaboo amo gaata ariibeeto taane” iye.

Yibbaatoo 31:29

Ta qititoyee gubb ciroona duubemmo, ittoshich ta getteti gommonoo qayi wottemmo ittoshi tunoon ariibeeto taane. Doono Yeeri aafooch gonde mooyon tuniyemmo ittoshi tunetoyich, ittoshi shuuneebeeti shuunoona biin ippiyemmo ittoshi tunetoyich, waabeeti yemeenooch gonde mooyo ittoshi toommooch shaggemmone” iye.