Zakaariyaasi 11:10 - Kafa Linguistics Project

¹⁰ Aroochee aageteenaꞌo bullina tookkaa ta giyeti wogoon happoyich, Wojjoo iyaꞌa ta shigiiti gumboon daammaꞌa tiicheho.

Zakaariyaasi 11:10 ပူးပေါင်းရင်းမြစ်များ

Shoddo 50:2

Oogeti malletechi Tsiyooni katemoochaa Yeeri aaxxee bekkehe.

Shoddo 89:39

Ne guunona tookkaa ne giyeti wogoon biichehine; bi gubbichoonoo showooch duppaꞌa eeꞌiihine.

Shoddo 90:17

No Doono, no Nuggishoocho, ne ariqqo no toommooch tunebe; no shuunoon nooch kaachibe; eeha, no shuunoon nooch kaachibe.

Erimiyaasi 14:21

Ne shigoyicha geti noon hoxeyaahine; ne oogee qeenon cooniyaahine; noonna tookkii ne giyeti wogoon gabiballi happiyaahine.

Hiziqeeli 24:21

‘Israꞌeelee macceenaꞌoyich, Nuggishoo Doono Yeeri ishichiye: Ittoshi yebeneebeeti, kashkuxoon ittoshi shunniibeeti, wottoo ittoshi mullee emiroo tuneti ta yaafee kexo eeꞌemmoyich tuniyemmo taane; Yerusaalem echeti ittoshi anaami bushiisheenaꞌonaa maache bushiisheenaꞌona goraadoona dihemminaꞌone.

Daaneeli 9:26

Shichaa gutte kaallee shabaatte natoyee gubb, Huutteton wuxemminaꞌone; amolla biich echeyaachemmone. Woyemmi taatoochi ginee naayinaꞌo are katemoonaa yaafee kexonon aalliyemminaꞌone. Bi ciiroo ambamboochoommon diqqoona woyemmone; Yeeri gettiti ginoonaa aalloona ciirooch beddaahaa tunemmone.

Hosee'i 1:9

Aroochee Doono Yeeri “Ta asheenaꞌo tuno ittoshi qajjitoyich, tawoo ittoshi Nuggishoo tuno ta qajjetoyich, bushoon Lo Ami geti shigiibe!

Zakaariyaasi 11:7

Ebich kemmii kemee beetinaꞌochi, guureyemmi bageenaꞌon qiddeho. Gutte gumbeenaꞌon deebaa ikkoon Wojjoo wotta ohe ikkoon Ikkittino iyaꞌa shigiiho. Bageenaꞌonoo qiddeho.

Haddoo 14:34

Aabbe qemon, showoon ittoshi qiidditi haddoommon, ikke qemoyich ikke naton tuniitaa aabbe naton xuuxemmo ittoshine; ta kaaroonoo ariyemmo ittoshine.

Luqaasi 21:32

“Iberoon ittoshich gettoye: Hini mooyo bulli tuneyaanoon hini shiijjeroo besheyaachemmone.

1 Saameeli 2:30

“ ‘Israꞌeelee Nuggishoo Doono Yeeri ta, ne kechi asheenaꞌonaa ne nihoochi kechi asheenaꞌona bulli yemeenoon taach boonoshi maddemmoyich ebiyee aaf gibenikkito taane. Tunebaani and illa ebin tuniyaachemmo taane. Taan oogii beetinaꞌon oogiyemmo taane. Taan qallayii beetinaꞌo giishemminaꞌone.