Zakaariyaasi 10:7 - Kafa Linguistics Project

⁷ Efreemeenaꞌo kupphe ginee anaamoommon tunemminaꞌone. Woyinee uyoon uchiti asho emiroommon emiremminaꞌone. Boonoshi bushiisheenaꞌo ebin beegiree emiremminaꞌone. Boonoshi mullo Doono Yeerina emiremmone.

Zakaariyaasi 10:7 ပူးပေါင်းရင်းမြစ်များ

Halloo 18:19

Kaamoonaa tate mooyonon tuniyoona ta gommon boonoshi quyemmoyich, bi bushiisheenaꞌonaa biyee gubbi shiijjereenaꞌona taach deꞌa ii beetinaꞌon bi tuniyemmoyich, biin kaacceto taane; bi bushiisheenaꞌo ebin boonoshi tuniigaata, biich ta getteti mooyo bullin tuniyemmo taane” iye.

Halloo 43:34

Yooseefi bi madeexi maayoochee boonoshi qoodi qoodoo ichemmoyich gettiye. Ebiyooba Biiniyaamich icheto, bareenaꞌo bullichoyee uuche kishoon beshoone. Boonoshiyoo boonoshi qettee wottoon maa uchiyeete. Ebiyoommi gommona Yooseefina tookkii emiriyeete.

Shoddo 102:28

Ne maddechinaꞌochi bushiisheenaꞌo diggoona beeyemminaꞌone; boonoshi shiijjeroo ne aafooch manjiree beeyemmone” iyo.

Shoddo 104:15

Ashi mulloon emirikkiibeeti woyinoon, achoon pherphelliibeeti huutoon, kupphiibeeti maayoon qanniihe.

Shoddo 13:5

Tunebaani ta, ne shoodoon gibenehoye; ta mullo ne wodiyoona emiriye.

Shoddo 28:7

Doono Yeeri ta hakkoonaa ta gaachoonane; ta mullo biin gibenehe; biinna gaacheehoye; ta mullo emiriye; shoddoona biin galletehoye.

Shoddo 33:21

No mullo biinna emiriye; ebiyoo yaafe bi shigoon no gibenetoyichiye.

Shoddo 90:16

Giidechi ne shuunoo ne guuno nooch, ne oogoo no bushiisheenaꞌoyich, bekkebe.

Isiyaasi 25:9

Ebi ceeniyooba, asheenaꞌo bulli, “Ebi no Nuggishoone; biin no gibenetoyich, noon wodiitone; ebi Doono Yeerine; biin gibeneto noone; bi wodiyoona emiribone; emiroonoo wucwucone” gettemminaꞌone.

Isiyaasi 38:19

Hanaach ta tuniyaa beetoommon, neen galletemminaꞌo kashechinaꞌone; niheenaꞌo boonoshi bushiisheenaꞌoyich, gibeneeto ne tunoon arichiiheete.

Isiyaasi 54:13

Ne bushiisheenaꞌo Doono Yeer waanee doyitinaꞌon tunemminaꞌone; ne bushiisheenaꞌochi diggoo woddemmone.

Isiyaasi 66:14

Ebin ittoshi beegiyooba ittoshi mullo emiremmone; ittoshi shaawusho mocoochoommon nollemmone; Doono Yeerichi kishoo bi guuninaꞌona tookkii tuno arichemmone; bi kaaro bi etteenaꞌo toommooch tunemmone.

Erimiyaasi 32:39

Boonoshichoo boonoshiyee gubbi boonoshi bushiisheenaꞌoyichoo bi gaawemmoyich, bulli aaboochoo taan boonoshi shattemmoyich, ikke mulloonaa ikke gommonon immemmo taane.

Hiziqeeli 37:25

Boonoshi qaabbechinaꞌo beebee echeti, ta guuno Yaaqobich ta immeti showooch kotemminaꞌone; boonoshi, boonoshi bushiisheenaꞌonaa bushaa bushiisheenaꞌona bulli aaboon arooch beeyemminaꞌone; ta guuno Daawiti bulli aaboon boonoshi toommooch taatemmone.

Yoꞌeeli 2:23

Tsiyoonee asheenaꞌote, emiribote! Ittoshi Nuggishoo Doono Yeeri taanna oogichi emiribote! Marehee amiyon, cadiqoona ittoshich immeto taane. Marehee amiyonaa naawee amiyonon, woddii ittoshich dichito taane.

Imbaaqoomi 3:18

ebi bulli tunetaanoona ta, Doono Yeerina, taan wodiyechi ta Nuggishoona, emiremmo taane.

Sofoniyaasi 3:14

Israꞌeeleenaꞌote, emiroona shodde ililibote! Yerusaalemi asheenaꞌote, mulloochee tiijjiree, oogichi emiribote!

Zakaariyaasi 12:8

Ebiyooba Doono Yeeri ta, Yerusaalemi beetinaꞌoyich deebo tunemmo taane; boonoshi daggoochee hakka guutoo Daawitiyoommi kupphoon tunemmone. Daawitichi kechi asheenaꞌo Nuggishoommon woyee ta maraakoommon tuneree asheenaꞌon yaabi qeejjemminaꞌone.

Zakaariyaasi 9:15

Beshe Mawe Doono Yeeri boonoshin quyemmone. Boonoshi etteenaꞌonoo aalliyemminaꞌone. Etteenaꞌochi xeppellee xaqqoon neexxemminaꞌone; woyinee uyoon uchii masheti ashichoommon cookemminaꞌone. Boonoshi etteenaꞌochi damoo, deejjee damoo saanooch ceenniꞌi ufoommon ufemmone.

Zakaariyaasi 9:17

Am shaahoon malletee gaaweheete! Arooch beeti maayoonaa woyinee uyoona, gurimaashe anaaminaꞌonaa maacheenaꞌonon uummiyemmone.

Luqaasi 1:47

taan wodiyechi Yeeri hoxeeti bi gonnee taan ciinniꞌi ta ayaanoon oogichiꞌi emirikkitone. Ooge Giidecho ta toommooch worganikkiti shuunoon tuniitone; bi shigoo yaafoone. Ebich hanaachina ikka getiree shiijjeroo bulli taan, ‘Yeeri diiritine’ gettemmone.

Yowannisi 16:22

Illa ittoshi and ayiniibeeto ittoshine; tunebaani wochinnoon ittoshin beeggemmo taane; arooba emiroona wucwuccemmo ittoshine; ittoshi emiroonoo boggemmo aalloone.

Mishiraachechinaꞌo 13:33

Guttinnee yaafe shoddoochaa ‘Ne, ta Bushoo neene; hanaach neen shiyeto taane’ getaa bi kooreetoommon, Yeeri qitoochee Yesuusin tiijjiꞌi, hini bi gibenikkiti gibenoon boonoshi bushiishoo nooch ceechitone.

Mishiraachechinaꞌo 2:26

Ebich ta mullo emiriye; ta heciyoo oogeti emiroona yibbaatehe. Siꞌooloochee taan kichemmo ne tunetoyich, ne yaafoo taan oꞌe getiree daaggaachemmo ne tunetoyich, hini qitemmi ta meeno wotta gibenoona beeyemmone.

Mishiraachechinaꞌo 2:39

Gibenikkeeti gibeno ittoshinaa ittoshi bushiishoonoyich, no Doono Yeeriyoo bi waan bi ceeggiibeeti, wohooch beetinaꞌonoyichiye” iye.

Filipphisiyoosi 4:4

Bulli aaboon Doono Yesuusina emiribote; daakkaꞌa gettoye, emiribote!

1 Pheexiroosi 1:8

Biin aafoona beegaano ittoshi tunetaanoona, shunniibeeto ittoshine; and biin beegaano ittoshi tunetaanoona, ittoshi mulloon bi toommooch tooꞌiito ittoshine. Ebich qaaroona ebine getaa getteyoo hakkeyaani, oogichii worganikkiti emiroon emiriibeeto ittoshine.

1 Saameeli 2:1

Haanni ishichaꞌa corootiyan: “Ta mullo Doono Yeerina oogichii emiritone; Doono Yeerina kaama ciixeti taane. Taan bi wodiyoona oogichaa ta emiritoyich, ta etteenaꞌo toommooch miicceti taane.