Zakaariyaasi 10:3 - Kafa Linguistics Project

³ Doono Yeeri ishichiye: “Ta kaaro qiddeenaꞌo toommooch aaxxetone; boonoshin sheeremmo taane. Beshe Mawe Doono Yeeri ta, ta bago tuneti Yihudee asheenaꞌon aaxxii ciinnaabeeto taane. Boonoshinoo koyoochaa nagixiibeeti ta hareshoommon tuniyemmo taane.

Zakaariyaasi 10:3 ပူးပေါင်းရင်းမြစ်များ

Iyoobi 39:25

Tiroo hukkegaata ‘Usha’ iye; wohooch beechii gino beemon shiiqqee ariihe; ginee iraashoo cookoona bi ginee naayinaꞌoyich bi gettii beeton ariihe.

Keyo 4:31

Boonoshiyoo iberiiheete. Doono Yeeri boonoshich qaakkeebeeto bi tunoonaa boonoshi xuuxoon beeggito bi tunoonon waayeꞌi, Doono Yeerich yittiꞌi goyinneheete.

Shaahiyoo 21:31

Koyoobich hareshoo qanniye; tunebaani wudoon immiibeeto Doono Yeerine.

Solomooni 1:9

Ta shiiqqe, Faroonichi gaarinaꞌon geechiibeeti baarayeenaꞌochoommon, mallet gaawee neene.

Isiyaasi 10:12

Doono, Tsiyooni guudonaa Yerusaaleminochi toommooch tuniiya bi gabito bullin tunii bi ciichitoyee gubb, Asooree taatoon bi mullee geecoonaa cunnennoonoyich naxemmone.

Isiyaasi 24:21

Arooba Doono Yeeri shimaajji halleenaꞌon, showeexi iraasheenaꞌonoo naxemmone.

Erimiyaasi 10:21

Qiddeenaꞌo miimeenaꞌo boonoshi tunetoyich, Doono Yeerin echeyaaneenaꞌone; ebich boonoshich kaameyaanoone; boonoshi gijjeenaꞌo bulla shacetinaꞌone.

Erimiyaasi 11:22

Boonoshin naxemmo taane; boonoshi gurimaasheenaꞌo goraadoona qitemminaꞌone; boonoshi anaami bushiisheenaꞌonaa maache bushiisheenaꞌona shaacoona qitemminaꞌone;

Erimiyaasi 25:12

“ ‘Shabe nato ciiretoyee gubb, Baabloonee taatoonaa are aagetoonon, boonoshi axaaxoyich sheeremmo taane; Baabloonee showoonoo bulli aabooch shokkoon echiyemmo taane’ iye Doono Yeeri.

Erimiyaasi 25:34

Qiddeenaꞌote, eefote; cookishoo getote; hini bageenaꞌochi dooninaꞌote, tullooch gederebote; ebiyoo ittoshi guureyemmi aabo bi shaggitoyich, macecikkiti nuuqqee qiico buricoommon dihi buricemmo ittoshi tunetoyichiye.

Erimiyaasi 50:6

“Ta asho aalleti bagoommon tunetone; boonoshi qiddeenaꞌo boonoshin muriciitinaꞌone; guudinaꞌo toommooch boonoshi yallyallimmemmoyich tuniiheete. Guudinaꞌoochee geppeenaꞌooch hammiyeete; boonoshi dogoonoo batteheete.

Hiziqeeli 34:11

“ ‘Ebich Nuggishoo Doono Yeeri ta ishichiyoye: Ta, ta qelloona ta bageenaꞌon qaawemmo taane; quyemmo taane.

Hiziqeeli 34:12

Qiddoo bi bageenaꞌo daggoochee aalletinaꞌon bi qaawoommon ta bageenaꞌon qaawemmo taane; quboobinaa dunne manderoobina boonoshi aalleti xaaꞌoochee boonoshin wodiyemmo taane.

Hiziqeeli 34:2

“Ashi bushoocho, keemoon keembe; Israꞌeelee qiddeenaꞌochi toommooch keemoon keembe; boonoshichoo ishichibe: ‘Nuggishoo Doono Yeeri ishichiye: Bageenaꞌon shiimee yeshon qajjiichii boonoshi qelloon shiimeebeeti qiddeenaꞌoyich woowo! Qiddeenaꞌo bagoon shiim bedaacheete?

Daaneeli 11:32

Biyoo Yeerich goyinnoon qajjiti asheenaꞌon maroona bi waan tuniyemmone; tunebaani boonoshi Nuggishoon ariibeeti asheenaꞌo manji neexeree, biinna koyemminaꞌone.

Sofoniyaasi 1:8

Doono Yeeri ishichitone: “Ebi deejjee aabooba, iraasheenaꞌon, taatoochi bushiisheenaꞌonaa bare showee ashi doyoon dabbii beetinaꞌonon naxemmo taane.

Sofoniyaasi 2:7

Curo tuneꞌi echeti Yihudee asheenaꞌo ittoshi showoon hajjemminaꞌone; boonoshi bagoonoo arooch quyemminaꞌone; Ashiqeloona beeti kexooch giyiree arooch qeyemminaꞌone. Boonoshi Nuggishoo Doono Yeeri boonoshina tookki tunemmone; beemon boonoshich mashaamiyemmone.

Zakaariyaasi 11:17

Bi bagoon duppiti, yeexere qiddoyich woowo! Goraado bi mochoonaa bi qanne aafoonon koye. Bi mochoo wogibe; bi qanne aafoo tuchimmi dooge” iye.

Luqaasi 1:68

“Israꞌeelee Nuggishoo Doono Yeeri galleteebe! Wonna yaafeeti keemechinaꞌochi noonoona bi gettitoommon, bi aagetoon wodiyoyich waaꞌi boonoshi qoodoon qocciichii biishetone; biich maddeebeeti Daawiti yaroochee giidechi wodiyechon nooch tiijjitone.

1 Pheexiroosi 2:12

Yeerin ariyaani asheenaꞌo ittoshin, “Gondoon shuunee beetinaꞌone” iꞌi boonoshi oonniteenona, ittoshi gaawe shuunoon beegiree, Yeeri nalloyich bi waammi aabooba biin boonoshi oogiyemmoyich, boonoshi daggooch ittoshi beemi qoco gaaweto tunebe.

Ruuti 1:6

Naꞌoomi Moꞌabee showooch beechaa, Doono Yeeri bi asheenaꞌon maayoon immiꞌi diirito bi tunoon waayahan; ebich Israꞌeelee showooch wotteree hamma bi gutte naamecheenaꞌona tookkaa tiyahan.