Zakaariyaasi 10:2 - Kafa Linguistics Project

² Terafimo gaacaalloone; qaaxechinaꞌoo beeggiibeeto koote yaaꞌoone; gummechinaꞌo koote gumon maaccii beetinaꞌone; duube goggiyoonoo goggii beetinaꞌone. Ebina asheenaꞌo bagoochoommon yallyallimiyeete; qiddoonoo mucceꞌi xuuxeheete.

Zakaariyaasi 10:2 ပူးပေါင်းရင်းမြစ်များ

Halloo 31:19

Bi bageenaꞌo eexon cagga Labaani hammiichaa, Raaheeli bi nihoo terafimeenaꞌon gaajjahan.

1 Taateenaꞌo 22:17

Mikiyaasiyoo, “Israꞌeelee asheenaꞌo bulli qiddaalli bagoochoommon guudinaꞌo toommooch boonoshi shacee beetaa beeggoye. Doono Yeeriyoo, ‘Eboshich qiddoo aalloone. Diggoona boonoshi kexi kexooch wottebeete’ itone” iye.

Iyoobi 13:4

Tunebaani ittoshi iberoon kootoona qerito ittoshine; ittoshi bulli wodiyoon hakkaani aakumo ittoshine.

Iyoobi 21:34

“Illa ebich, gaacaalli ittoshi yibbaatoo, taan goggiyoon aabichi hakkehe? Ittoshi yibbaatoochee, kootoyee besh, danemmi mooyo amolla aalloone” iye.

Isiyaasi 41:29

Ebiyoche, ebi nuggisheenaꞌo bulli gaacaalleenaꞌone; amoonolla tuniyoon hakkaaneenaꞌone; boonoshi misileenaꞌoo shokke yongeenaꞌone” iye.

Isiyaasi 44:25

Koote keemechinaꞌochi keemoon, qaaxechinaꞌochi qaaxoonoo, duubo tuniyemmo taane; yiiteenaꞌochi ariyoon guuppemmo taane; boonoshi ariyoon tuushittino tuniyemmo taane;

Isiyaasi 44:9

Shahalleenaꞌon shuunee beetinaꞌo bulli duubeenaꞌone; boonoshi aaxxiibeeti mooyinaꞌoo gaacaalleenaꞌone; boonoshi miixeenaꞌo ciinaacheete; amoonolla ariyaacheete; ebich yeellemminaꞌone.

Isiyaasi 46:5

“Taan konina shaahiihote? Koninoo tachiyote? No shaaheyemmoyich konina taan toyiihote?

Erimiyaasi 10:8

Mullaalleenaꞌonaa dookkeenaꞌona tuneꞌinalli, shahalloochee amo doyoo hakkeyehe?

Erimiyaasi 14:13

Aroochee tawoo ishichiyo “Nuggishoo Doono Yeero, keemechinaꞌo ‘Iberoochaa hini xaaꞌoochaa ittoshich ta immemmo diggoonalli goraadoon beegaachemmo ittoshine; shaacoo ittoshin yeshaachemmone’ itinaꞌone” iyo.

Erimiyaasi 14:22

Iberoochaa aagetee nuggisheenaꞌo daggooch, amiyon dichoon hakkemmo danehe? Woyee shimaayoo amiyon dichoon hakkehe? No Nuggishoo Doono Yeeri ne toono neene? Ebi bullin tuniibeeto ne tunetoyich, no gibenaabeeto neeniye.

Erimiyaasi 23:17

Doono Yeeri ta qaaroon hoxee beetinaꞌoyich wochii wochiꞌi ‘Ittoshich diggoo tunemmone’ iyeete; babbereꞌi boonoshi hajjee gaboo waan wottee beetinaꞌo bullich ‘Gonde mooyo ittoshi toommooch shagaachemmone’ iyeete” iye.

Erimiyaasi 23:32

“Koote gumon gummii maacciibee keemmiibeeti, aafee kupphoona kootoon keemmiibee ta asheenaꞌon muricooch yaabiibeeti keemechinaꞌo toommooch tiyeto taane” iye Doono Yeeri. “Boonoshin wocheyaano taane; boonoshin ukkiriyaano taane; ebi asheenaꞌoyich boonoshi gaaccemmo amolla aalloone” iye Doono Yeeri.

Erimiyaasi 27:10

Ebiyoo ittoshi showoochee kecaa wohi showooch ittoshi hammemmoyich, tawoo ittoshin ta yookkemmonaa ittoshi aallemmonoyich koote keemoon boonoshi keemmii beetoyichiye.

Erimiyaasi 27:14

Koote keemoon boonoshi keemmii beetoyich, ‘Baabloonee taatoyich maddaachemmo ittoshine’ ii beeti keemechinaꞌon waayeyaahote.

Erimiyaasi 27:9

Ebich “Baabloonee taatoyich hajjeyaachemmo ittoshine” ii beeti ittoshi keemechinaꞌon, kaayechinaꞌon, gumon maaccechinaꞌon, qaaxechinaꞌonaa mareccee maaccechinaꞌonon waayeyaahote.

Erimiyaasi 28:15

Tawoo ebin Hanaaniyich ishichaꞌa getteho: “Hanaaniyo, waayebe: Neen Doono Yeeri wocheyaanoone; ne hini asho bulli koote mooyon bi gibenemmoyich tuniito neene.

Erimiyaasi 29:8

Ebich Israꞌeelee Nuggishoo Beshe Mawe Doono Yeeri ishichiye: “Ittoshi daggooch beeti keemechinaꞌonaa kaayechinaꞌona ittoshin dawushaayeete; boonoshi gummiibeeti gumonoo waayeyaahote;

Erimiyaasi 37:19

‘Baabloonee taatoo neenoo hini showoonoo koyoyich waataachemmone’ iꞌi keemoon neech keemmiti ne keemechinaꞌo aayeete?

Erimiyaasi 50:17

“Israꞌeelee asheenaꞌo daaheroo yookkiti bageenaꞌone. Batti batt Asooree taatoo boonoshin maahe; ciiroochaanoo Baabloonee taatoo Nabukadinatsori boonoshi shaawushoon billbillayiye” iye.

Erimiyaasi 51:23

neenna qiddoonaa bi gijjoonon tiichoye; neenna goyechonaa bi gattoonon tiichoye; neenna ukkiroonaa iraashoonon tiichoye” iye.

Erimiyaasi 6:14

Ta asheenaꞌochi mayon kettii ciiniyeetalli bi wodemmoyich tuniyaaneenaꞌone; diggoo aalloon ‘Diggoo, diggoone’ iyeete.

Erimiyaasi 8:11

Ta asheenaꞌochi tiishoon kettii ciinniyeetalli bi wodemmoyich tuniyaaneenaꞌone; diggoo aalloon ‘Diggoo, diggoone’ iyeete.

Shoosho 2:14

Ittoshi keemechinaꞌochi yaaꞌoo kootoonaa maroonane; boonoshiyoo, ittoshi kecoon wochoyich, ittoshi xuꞌoon gaxxii beekkiyaaneenaꞌone; tunebaani muricoonaa kootoona tuneti yaaꞌoon, ittoshich beeggiyeete.

Hiziqeeli 21:21

Baabloonee taatoo gommi gutte kaattooch neexeechi bi hammemmi gommon xiishoyich shangeenaꞌon tiikkiibee, terafimeenaꞌon echiibee, mareccoon maacibee, qaaxemmone.

Hiziqeeli 21:29

“ ‘Neech boonoshi beeggiti koote yaaꞌoo, neech getteeti kaayoo bi beetaanona, boonoshi xoofoo ceenniti, boonoshi aabo shaggiti, yaafeyaani gonde asheenaꞌochi qettooch ebi goraado tunemmone.

Hiziqeeli 34:5

Qiddoo boonoshich bi aalletoyich shaceheete; boonoshi shacoona showee toommeexi cooxinaꞌo bullich maayoon tuneheete.

Hiziqeeli 34:8

Nuggishoo Doono Yeeri ta ishichaabeeto taane; beeyecho ta tunoona wogehoye; ta bageenaꞌoyich qiddoo aalletoyich, ta qiddeenaꞌo ta bageenaꞌon qaawoo boonoshi qajjitoyich, qiddeenaꞌo ta bageenaꞌon shiimee yesho qajjiichii boonoshi qelloon boonoshi shiimetoyich, kubbi cooxona kayeetinaꞌone; boonoshichoo maayo tunetinaꞌone.

Hosee'i 3:4

Ebiyoo Israꞌeeleenaꞌo taataalloon, ukkiraalloon, deejjaalloon, goyinnee xaqqee giimbaalloon, efoodaalloon, shahalleenaꞌochi terafimaalloon, wodde aaboon kotemminaꞌo boonoshi tunetoyichiye.

Mikiyaasi 2:12

“Curo tunee echeti Israꞌeeleenaꞌote, bago bi dogooch, bageenaꞌoo gaddooch kiceyoommon ittoshin ikkooch kicemmo taane. Ittoshi showooch wochinnoon asho ceennemmone” iye.

Imbaaqoomi 2:18

Shahallee gaaco amoone? Ashi kishoona shuuneeti mooyo toone? Kootoyee besh bi waanee amolla daneyaache. Biin shuuneti asho, ebi noona miime mooyon bi gibeneebeeto amoyichiye?

Zakaariyaasi 11:17

Bi bagoon duppiti, yeexere qiddoyich woowo! Goraado bi mochoonaa bi qanne aafoonon koye. Bi mochoo wogibe; bi qanne aafoo tuchimmi dooge” iye.

Maatiyoosi 9:36

Dofee asheenaꞌo qiddaalli bagoochoommon dego mucceꞌi boonoshi iriteyoon beeggiꞌi bi maacoona miccii ayiniye.

Maariqoosi 6:34

Yesuusi markabeechee kindiibee dofee asheenaꞌon beeggiꞌi, qiddaalli bagoommo boonoshi tunetoyich bi maacoona micciꞌi ayiniye. Boonoshichoo meeti mooyon dojjooch giyiye.

Yibbaatoo 13:2

ebi bi gettiti malletoo woyee gaakkechi mooyo tunegaata, biyoo ne ariyaani bare nuggisheenaꞌoyich ‘Ne waataa hamiree goyinne maddebone’ bi getigaata,

Woraaferasheenaꞌo 18:14

Layishi katemee guudoona beeti showoon qiidooch hammiti uuche asheenaꞌo boonoshi maneenaꞌoyich “Ebi kexinaꞌo daggoochee ikkooch efoodo, terafimeenaꞌo, qiicaa shuuneeti shahalloonaa qaaqqooch wociitaa shuuneeti shahalloona beeto bi tunoon arii beetote? Ebin aabichi ittoshi gettemmo gaata gabibote” iyeete.