Zakaariyaasi 10:11 - Kafa Linguistics Project

¹¹ Iritee baharee daggoona beshemminaꞌone; aachi aayon yexxemmo taane. Abbaayi gejjo bulliyoo shuuqqemmone; Asooreenaꞌo geecoo shootemmone; Gibitsee showee taatittinee gumbo dihemmone.

Zakaariyaasi 10:11 ပူးပေါင်းရင်းမြစ်များ

Halloo 8:1

Yeeri Noohin, biinna tookkii markabooch beeti cooxinaꞌon, gijjeenaꞌo bulloshinoo gabiye. Yeeriyoo showooch taheeꞌi beeti aachi toommooch yongoon yongiihe. Aacoo shappii shappii hammiye.

2 Taateenaꞌo 2:14

Eliyaas waanee holliti iddimoon daammii, aacon yexxiꞌi, “Eliyaasichi Nuggishoo Doono Yeeri aaye?” iye. Aacon bi yexaa, okkinaa hachinon qoodeehe. Elisayiyoo kimmiye.

2 Taateenaꞌo 2:8

Aroochee Eliyaasi bi iddimoon shoottii qoddiꞌi aacon yexxiye; aacoo okkinaa hachinon qoodeehe. Boonoshi guttiyona shuuꞌi showoona kimmiyeete.

Iziri 6:22

Doono Yeeri boonoshin bi emirikkitoyich, Shittoo Giyaani Kochi Baaroon shabaatte qemon emiroona baariyeete. Ebiyoo Asooree taatoochi mulloon boonoshi waan wochiꞌi, Israꞌeelee Nuggishoochi kechi shuunoon bi gaachemmoyich bi tuniitoyichiye.

Shoddo 114:3

Baharo ebin beeggiꞌi woccii aallehe; Yoordaanoosiyoo gubb kishehe.

Shoddo 114:5

Baharoocho, woccaa ne aalleto amoon beeggaꞌaniye? Yoordaanooso, gubb ne wotteto amoon beeggaꞌaniye?

Isiyaasi 14:25

Asoorin ta showee toommoochaa aalliyemmo taane; ta guudi toommoochaanoo neexi kotemmo taane; bi waanjoo ta asheenaꞌo toommoochee tiyemmone; bi shaagoo boonoshi gogoochee kindemmone” iye.

Isiyaasi 19:16

Arooba Gibitseenaꞌo maacheen shaahemminaꞌone; Beshe Mawe Doono Yeeri boonoshi toommooch bi mochoon bi tiijjimmona shati qewemminaꞌone.

Isiyaasi 43:2

Aachi daggoona ne beshaa beegaata, ta neenna tookki tunemmo taane; ooge aachi daggoona ne beshaa beegaata, aacinaꞌo neen qooxaachemminaꞌone; qaaqqee daggoona ne beshaa beegaata, neen michaachemmone; qaaqqee aaxxo neen michaachemmone.

Isiyaasi 44:27

Aachi gejjeenaꞌon ‘Shuuꞌote; ittoshi aacinaꞌon takkemmo taane’ gettemmo taane.

Isiyaasi 51:10

Ne biishetinaꞌo beshemmoyich, baharo, ooge aachi duchoo, shuuqqemmoyich tuniito, aachi duchoochoo gommon geddeto ne toono neene?

Isiyaasi 51:9

Tibe, Doono Yeerichi mochoocho, tibe! Giidoon tahoochoommon tahebe; wonnee shiijjereenaꞌochi besheti yemeenooch ne tuniitoommon, tibe. Rahaabin muucmuucayito, dareboonoo kocheto, ne toono neene?

Hiziqeeli 30:13

“ ‘Nuggishoo Doono Yeeri ishichiye: Shahalleenaꞌon aalliyemmo taane; Memifisi beeti misileenaꞌon aalliyemmo taane; ebiyee bekk Gibitsee showooch iraashoo beetaachemmone; Gibitsee showoochoo shaton deejjemmo taane.

Sofoniyaasi 2:13

Doono Yeeri dambi-waan bi mochoon yaggiree Asooree showoon aalliyemmone. Nanawinoo ashaalli xafo, aachaalli barahoo tuniyemmone.

Yaaꞌoo 16:12

Shirittinnee maraakoo bi yechiti xoofoon ooge aaco Efiraaxisi toommooch ukkiye; aabi-keyo waanee woyemmi taateenaꞌoyich gommo qannemmoyich aaco tahiye.