Zakaariyaasi 10:1 - Kafa Linguistics Project

¹ Naawee amiyon ittoshich bi immemmoyich Doono Yeerin qollebote; amichechi quboon immiibeeto Doono Yeerine. Biyoo ashich bede amiyon, bi ikkikkoyichoo budeexi bechoon immemmone.

Zakaariyaasi 10:1 ပူးပေါင်းရင်းမြစ်များ

1 Taateenaꞌo 17:1

Arooba Gilaadee showooch beeti, Tishibee asho Eliyaasi Akaabich “Biich ta maddaabeeti, beeyechi Israꞌeelee Nuggishoo Doono Yeeri beege! Amiyo dihemmoyich ta gettemmi wottoon, waabeeti natinaꞌooch amiyo woyee doshoo (caagibano) beetaachemmone” iye.

Iyoobi 29:23

Naawoobee amiyon quyoommon, ta yibbaatoon waayoyich quyee beeheete.

Shoddo 104:13

Gumoochee amiyon guudinaꞌooch dichihine; ne kishee shuunoona showoo michiye.

Shoddo 135:7

Showee tuggoochee quboon qubiihe; amiyoo dihiyooba xeeyoon xeejjiihe; yongoon bi gotoochee kichiye.

Shoddo 65:9

Amiyon dichoona showeyich aaxxiyaabeeto ne tunoon bekkiihine; oogeton bi gaannemmoyich tuniihine; Doono Yeero, showee maayoon bi immemmoyich tuniyoyich, aacinaꞌo shappii ariyaaneenaꞌone; ebiyoommo bi tunemmoyich tuniihine.

Shoddo 72:6

Taatoo, mocoo gacceeti gaddooch dihiibeeti amiyoommon, showoon shuxiibeeti amichi kuchoommon, tunebe.

Shaahiyoo 16:15

Taatoochi aafee birooch kasho beetone; biinna shuchoo naawoobee amiyon deebiibeeti quboommone.

Isiyaasi 30:23

Showooch ittoshi shookkiti yaroyich amiyon dichemmone; showoochee daneebeeti aafo gaawetonaa beshaa beshoona tunemmone; ebiyooba ittoshi gijjeenaꞌo gamini gaddooch maayemminaꞌone.

Isiyaasi 44:3

Shacheweti showooch aacon, woniyemmo taane; shuuqqiti showoochoo aachi xuuphoon kichemmo taane; ta Ayaanoon ne shiijjereenaꞌo toommooch, ta diiroonoo ne yareenaꞌo toommooch, ukkemmo taane.

Isiyaasi 5:6

Shokkoon echiyemmo taane; qepheyaachemmone; showoo ucheyaachemmone; guccinonaa angixona collemmone; amiyo dihaachemmoyich qubeenaꞌoyich gettemmo taane.

Erimiyaasi 10:13

Bi qaaroon bi waayiimmona aacinaꞌo gumoyee dambaa gugiyeete; biyoo showee tuggoochee qubo qubemmoyich tuniihe; amiyo dihiyooboo xeeyoon xeejjiihe; yongoonoo bi kicee xaaꞌoochee kichiye.

Erimiyaasi 14:22

Iberoochaa aagetee nuggisheenaꞌo daggooch, amiyon dichoon hakkemmo danehe? Woyee shimaayoo amiyon dichoon hakkehe? No Nuggishoo Doono Yeeri ne toono neene? Ebi bullin tuniibeeto ne tunetoyich, no gibenaabeeto neeniye.

Erimiyaasi 5:24

“Ittoshiyoo ‘Batti batti amiyonaa digeni amiyonon nooch dichiibeeti, marehoon bi gooroona nooch deebiibeeti, no Nuggishoo Doono Yeerin shatone’ getaano ittoshine.

Erimiyaasi 51:16

Bi qaaroon bi waayiimmona aacinaꞌo gumoyee dambaa gugiyeete; biyoo showee tuggoochee qubo qubemmoyich tuniihe; amiyo dihiyooboo xeeyoon xeejjiihe; yongoonoo bi kicee xaaꞌoochee kichiye.

Hiziqeeli 34:26

Boonoshinaa ta geppee guudooch beeti xaaꞌeenaꞌonon diiremmo taane; amiyon bi goori gooroona dichemmo taane; ebiyoo diiree amiyon boonoshich tunemmone.

Hiziqeeli 36:37

“Nuggishoo Doono Yeeri ishichiye: Israꞌeelee macceenaꞌo ashoon gaddeexi bagoochoommon ta woddiyemmoyich qollemminaꞌone; tawoo ebin tuniyemmo taane.

Hosee'i 10:12

Ittoshi qellich cadiqoon shoohote; shoodeyee aafoon qecote; gocheyaani showoon goyote. Ebiyoo ta waaꞌa cadiqoon ittoshi toommooch amiyochoommon ta dichimmi wottoon Doono Yeeri ta waan ittoshi wottemmi aabo bi tunetoyichiye.

Hosee'i 6:3

Biin ariibone; biin no ariyemmoyichoo Doono Yeerin dabbibone. Iberoochaa maaddee aaboochoommon bekkemmone. Showoon shuxiibeeti naawee amiyochoommon no waan woyemmone” iyeete.

Amootsi 4:7

“Ittoshi maayo qecceyoyich batt keejje ageno echeechaa, amiyo dihaachemmoyich tuniihoye. Ikke katemooch bi dihemmoyich tuniichaa bare katemoochee aalliihoye. Ikke showooch dihiye; tunebaani dihaanoon bi qajjiti showoo shuuqqiye.

Mikiyaasi 5:7

Curo tuneꞌi echeti Israꞌeeleenaꞌo meeti aageteenaꞌo daggooch, dicciibeeti mocee toommooch Doono Yeer waanee kindiibeeti doshoommon (caagibanoommon), kucheebeeti amiyoommon tunemminaꞌone. Boonoshiyoo boonoshi gibenemmo Yeerinalli ashoon toonoone.

Yowannisi 16:23

Arooba amoonolla taan echeyaachemmo ittoshine. Iberoon ittoshich gettoye: Nihoo Yeeri ta shigoona ittoshi qollemmo bullin ittoshich immemmone.

1 Qorontoosi 3:6

Yaroon ta shookketaa, aacon Aphiloosi kittii bi uchitaa, shookketi yaroon colliiꞌi kaama eenniito Yeerine.

Yaaqobi 5:7

Illa ta maneenaꞌote! Doono Yesuusi waammi wottoon haaꞌiibote. Eke goyechon ciinote; biyoo qaabbe amiyonaa gubbi amiyona dihimmi wottoon haaꞌiibee showoochee daneebeeti, aaxxoo tuneti maayi aafoon quyee beetone.