Zakaariyaasi 1:8 - Kafa Linguistics Project

⁸ “Ikke asho ceelle hareshoon yebbeꞌi bi beetaa xumi yaaꞌoon beeggeho. Biyoo bambooch, hadaasee michi daggooch neexeꞌiniye bi beeto. Bi gubb ceelle hareshoo, daashe hareshoonaa nacce hareshoona beetone.

Zakaariyaasi 1:8 ပူးပေါင်းရင်းမြစ်များ

Halloo 20:3

Ikke xumoon Yeeri gumona daneꞌi, Abimeleekich ishichiye: “Waayebe; ebi ne daammeti ure kenechine; qitito neene” iye.

Halloo 46:2

Yeeri yaaꞌoona Israꞌeelich xum bekkeꞌi, “Yaaqobo, Yaaqobo” iye. Biyoo eekkehe.

1 Taateenaꞌo 3:5

Gibeꞌoonaa Doono Yeeri Solomoonina xumi gumona danehe. Yeeriyoo “Neech ta immemmoyich ne qaawaabeeto amo gaata, taach gete” iye.

Nehimi 8:15

wottoo boonoshi katemi katemoonaa Yerusaaleminooch ebi qaaroon awaajjiree boonoshi bechemmoyich, ishicheeꞌi kooreeton daneheete: “Geppee toommooch keyote; zayitee mixonaa yahee mixonoochee, hadaasee mixoochee, yeebboonaa wodde waajjechi bare mixonoochee kuxi deebote; sheerooch bi kooreetoommon, basheenaꞌon bashibote” ii beetone.

Iyoobi 4:13

Ikke xumoon, magge tokketee toommooch beechaa, gonde gumon gummehoye;

Solomooni 2:16

Shiiqqi taachone; tawoo biichi taane; biyoo naddee bungee daggooch gijjeenaꞌon quyee beetone.

Solomooni 6:2

Ta shiiqqi bi bageenaꞌon quyoyich, naddee bungeenaꞌon macoyich, qimaame bechoo beeti tagooch, bi bechee michi budooch kinditone.

Isiyaasi 41:19

Shuuꞌi showooch, yigee mixo, geellee mixo, hadaasee mixonaa zayitee mixona, barahooch, ciido, naddee mixonaa yahoona, ceenniti kubboon colliyemmo taane.

Isiyaasi 55:13

Angichi keroon ciidee mixo, guccini keroon hadaasee mixo, collemmone; ebiyoo Doono Yeeri ta shalligeyemmo tunemmone; bulli aabooch aalleyaani malletoo tunemmone” iye.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Daaneeli 2:19

Aroobee xum ebi aacheeti mooyo yaaꞌoona Daaneelich bekkehe. Biyoo shimaajji Nuggishoon galletehe;

Daaneeli 7:13

Ebi yaaꞌoona xum ashi bushoon shaahoo shimaayee quboona bi waa beetaa beeggeho. Wonnee Wonneecho waan waahe; biinoo bi aafooch giddiiheete.

Zakaariyaasi 1:10

“Aroochee hadaasee michi daggooch neexeꞌi beeti uro ‘Eboshi showoo bulliich boonoshi guuddemmoyich Doono Yeeri deejjitinaꞌone’ iye.

Zakaariyaasi 1:11

“Boonoshiyoo hadaasee michi daggooch neexeꞌi beeti Doono Yeerichi maraakoyich ‘Showoo bullin guuddeto noone; showoo bulli shashewimiꞌi kotetone’ iyeete.

Zakaariyaasi 1:7

Daariyoosi taateti guttinnee natooba, Shebaaxi getteebeeti aaraa ikkinnee agenee hiyaa awuddinnee qemooba, Doono Yeeri bi qaaroon Iidi bushoochi bushoo Beraakiyi bushoo keemechi Zakaariyaasich gettiye. Zakaariyaasiyoo ishichiye:

Zakaariyaasi 13:7

Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Haddoo 12:6

Ishichiinoo iye: “Ta gettaa beeton waayebote. Ittoshi daggooch keemecho bi beegaata, Doono Yeeri ta, yaaꞌoona biich bekkaabeeto taane; gumonoo biich gettaabeeto taane.

Yaasi 5:13

Yaasi Yaariki katinooch beechii, kaama ciinniꞌi, goraadoon kaaccii yechiti, bi aafooch neexeebeeti ikke uroon beeggiye. Yaasiyoo uro waan giddeꞌi, “No daggeexo neenashi, no etteenaꞌo daggeexo neene?” iꞌi echehe.

Yaaꞌoo 2:1

“Efesooni kittinnee guuphi maraakoyich ishichi kooribe: Shabaatte xojjeneenaꞌon bi qanne kishoona yechito, aachoochee shuuneeti shabaatte maqirajjeenaꞌo daggoona shaꞌeebeeto ishichiye:

Yaaꞌoo 6:2

Beeggaanoo iyo; areegaata nacce hareshoon beeggeho; aroon yebbeto kishooch maꞌo beetone; biichoo gubbichoo ichehe; kochii wochechon tuneꞌi bi shixechinaꞌon koyi wochiya shimaajji taatee xaaꞌoochee kechii hammiye.

Yaaꞌoo 6:4

Bare hareshoo kechiye; biyoo ceelloone; aroon yebbetoyich, asheenaꞌo boonoshinaa boonoshina ikkoo baroon wuxemmonaa diggoon showee toommoochee bi aalliyemmonoyich hakkoo ichehe; wotta ooge goraado biich ichehe.