Zakaariyaasi 1:6 - Kafa Linguistics Project

⁶ Ittoshi qaabbechinaꞌo ta maddechinaꞌo tuneti keemechinaꞌona ta getteti ta qaaroonaa ta qociyoonon quyo boonoshi qajjitoyich sheereetinaꞌone. “Boonoshiyoo boonoshi shuuneti gondoyich ayiniꞌi, ‘Beshe Mawe Doono Yeeri tuniiya bi gabitoommon, no gommoommonaa no shuunoommonon no toommooch bi tuniyoo tatoone’ itinaꞌone” iye.

Zakaariyaasi 1:6 ပူးပေါင်းရင်းမြစ်များ

2 Taateenaꞌo 15:12

Doono Yeeri Yehich, “Ne yareenaꞌo awudde shiijjerooch beddaahaa, Israꞌeelee taatee qeenooch kotemminaꞌone” iꞌi bi gettito, ebina ceenniye.

Iyoobi 6:29

Eke qayote; dayinnetaalloon yibbaateyaahote; cikki qayote; gondo ta toommooch aalloone.

Isiyaasi 21:17

Qedaari yaroochee shangoon awureebeeti ginee anaamo echemmo giishechoone; Israꞌeelee Nuggishoo Doono Yeeri ta, ebin getteto taane” iye.

Isiyaasi 44:26

tunebaani ta maddechinaꞌochi qaaroon kachiyemmo taane; ta wocheyechinaꞌochi ciicoon ceechemmo taane; Yerusaalemin ‘Ashi beemi xaaꞌoon tunemmine,’ Yihudee katemeenaꞌonoo ‘Wochinnoon shuuneyemminaꞌone,’ boonoshi buriceenaꞌonoo ‘Tiyemmo ittoshine,’ gettemmo taane.

Isiyaasi 55:1

“Shachewetinaꞌote, ittoshi bulli aacooch wobote; ittoshi kememmi gijjaalleenaꞌote, waaree keme mamote. Woyinoonaa ejjoonon gijjaalloon, gatiyaalloon kemebote.

Isiyaasi 55:11

ta noonoochee kechiibeeti qaaroo ebiyoommone; shokkoon ta waan wotteyaachemmone; ta gaboon tuniyemmone; ta wochoonoo ceechemmone.

Erimiyaasi 23:20

Doono Yeeri kaaro bi mullee gaboon shuunee bi ciichimmi wottoon wotteyaachemmone; ebin gubbi yemeenooch ceenoona ariyemmo ittoshine.

Erimiyaasi 26:15

Tunebaani ebi bulli qaaroon ittoshich ta gettemmoyich iberoochaa taan wocheto Doono Yeeri bi tunetoyich, taan ittoshi wuxigaata, xalle damee hiishoo ittoshi toommooch, hini katemee toommooch, arooch beetinaꞌo toommooch bi tunoon ariibote” iye.

Erimiyaasi 28:17

Hanaaniyi ebi are natooch, shabaattinnee agenooch qitiye.

Erimiyaasi 32:24

“Ebiyoche showoo guteetone; katemoon yeshoyich katemooch katinnitinaꞌone; goraado, shaacoonaa biiyoonoochee tiyitona katemoo biin kochiibeeti Baabloonee asheenaꞌo kishooch ichetone; ne beeggaa beetoommon ne getteto ceennitone.

Erimiyaasi 36:28

“Wochinnoon bare kooree natoon deebe; Yihudee taatoo Yoyaqiimi michiti qoddeti macaafooch beeti wonnee qaaro bullin kooribe.

Erimiyaasi 39:16

“Hamiree Topphiyee asho Ebeedmeleekich ishichi gete: ‘Israꞌeelee Nuggishoo, Beshe Mawe Doono Yeeri ishichiye: Hini katemee toommooch deꞌoon tuneyaanoon gondoon deebemmo taane; ebiyooba ne aafoochaa ebi mooyo ceennemmone.

Erimiyaasi 4:4

Yihudee asheenaꞌonaa Yerusaalemi beeyechinaꞌonote! Ittoshi gonde shuunoyich koniyoona takkoon hakkaachemmi ta kaaro qaaqqoochoommon aaxxemmo bi tunetoyich, ittoshi mulloon dokireeree, Doono Yeeri taach hajjeebote.

Erimiyaasi 44:2

“Israꞌeelee Nuggishoo, Beshe Mawe Doono Yeeri ishichiye: Yerusaaleminaa Yihudee katemeenaꞌonochi toommooch ta deebeti gonde mooyo bullin beeggito ittoshine; hanaach beddaahaa eboshi happeeꞌi echetinaꞌone; arooch kotemmo ikkolla aalloone.

Erimiyaasi 44:28

Goraadoochee muriciree Yihudee showooch wottemminaꞌo giishecheenaꞌone; arooch kotoyich Gibits giyiti Yihudee cureenaꞌo ta qaaroonaa boonoshi qaaroonoochee konicho ceennemmo gaata ariyemminaꞌone.

Erimiyaasi 44:29

“Ittoshi toommooch deebemmo taane ta ito ceennemmo bi tunoon ittoshi ariyemmoyich, hini xaaꞌoochaa ittoshin naxemmo ta tunoyich ebi ittoshich malletoo tunebe:

Erimiyaasi 44:6

Ebich ta neboonaa ta kaaroona kindiye; Yihudee katemeenaꞌonaa Yerusaalemi gomminaꞌonooch aaxxehe; hanaach ittoshi beeggii beetoommon happeetinaꞌone; shokkoonoo echetinaꞌone.

Erimiyaasi 5:14

Ebich Beshe Mawe Nuggishoo Doono Yeeri ishichiye: “Asheenaꞌo ebin boonoshi gettitoyich, ta qaaroon ne noonoochaa qaaqqoommon, hini asheenaꞌonoo mixoommon tuniyemmo taane; qaaqqoo boonoshin maayemmone.

Shoosho 1:18

“Bi qaaroyich deꞌa getaane ta tunetoyich, Doono Yeeri ebin tuniyoona cadiqoone. Bulli asheenaꞌote, waayebote; ta xuuxoonoo beegote; ta gidiideenaꞌonaa ta gurimaasheenaꞌona kecaa hammitinaꞌone.

Shoosho 2:17

Doono Yeeri bi gabiton tuniitone; wonnee yemeenooch bi gettitoommon ariqqaalloon ittoshin happiye; ittoshi etteenaꞌo ittoshi toommooch emiremmoyich tuniihe; ittoshi etteenaꞌochi hakkoon kupphiihe.

Shoosho 3:42

“Xuqqeto noone; hukkoon shuuneto noone; newoo noon maaraano neene.

Hiziqeeli 20:43

Aroochaa ittoshi eeꞌeti gomminaꞌonaa ittoshi shuunoo bullinon shalligemmo ittoshine; ittoshi shuuneti gondo bullich ittoshin wochi ciigemmo ittoshine.

Hiziqeeli 37:11

Biyoo taach ishichiye: “Ashi bushoocho, ebi shaawusheenaꞌo Israꞌeelee macceenaꞌo bulline; boonoshiyoo ‘Ebiyoche, no shaawusho shuuqqitone; gibenoon kuxxeto noone; ciroona aalleto noone’ itinaꞌone.

Daaneeli 4:28

Ebi mooyo bulli taatoo Nabukadinatsori toommooch shaggiye.

Hosee'i 5:9

Naxee aabooba Efreemi aallemmone; Israꞌeelee yoodeenaꞌo daggooch ceennemmi kashi mooyon awaajjito taane.

Hosee'i 9:15

Doono Yeeri ishichiye: “Galigalaa boonoshi shuuneti gondo bullich, tawoo aroobee aaboochee tiijjaꞌa boonoshin shixxehoye; boonoshi shuuneti axaaxoyich ta kexoochee boonoshin yookkemmo taane. Ebiyee bekk boonoshin shunaachemmo taane. Boonoshi ukkireenaꞌo bulliyoo hukkechinaꞌone.

Amootsi 9:10

‘Gonde mooyo noonna danemmoyich, no achooch bi shaggemmoyichoo Yeeri daaggaachemmone’ ii beeti, ta asheenaꞌo daggooch beeti axaaxechinaꞌo goraadoona qitemminaꞌone” iye.

Zakaariyaasi 1:7

Daariyoosi taateti guttinnee natooba, Shebaaxi getteebeeti aaraa ikkinnee agenee hiyaa awuddinnee qemooba, Doono Yeeri bi qaaroon Iidi bushoochi bushoo Beraakiyi bushoo keemechi Zakaariyaasich gettiye. Zakaariyaasiyoo ishichiye:

Milikiyaasi 3:18

Ebiyooba cadiqoonaa axaaxechonochi, Doono Yeeri taach maddeebeetonaa maddaanoonochi daggooch beeti barbarittinoon beeggemmo ittoshine” iye.

Haddoo 23:19

Kootoon bi koottemmoyich, Yeeri asho toonoone. ‘Amoyich ebin tuniitote’ bi gettemmoyich, ashi bushoo toonoone. Bi gettiton, aroon tuniihe; bi gibenikkiton, aroon ceechiye.

Haddoo 32:23

“Tunebaani ebin tuniyoo ittoshi qayigaata, Doono Yeerin xuqqemmo ittoshine. Ebi ittoshi axaaxoo ittoshin gawukkaachemmo bi tunoon ariibote.

Haddoo 33:56

Tawoo boonoshi toommooch tuniiya ta gabiton ittoshi toommooch tuniyemmo taane’ gete” iye.

Maatiyoosi 24:35

Showoonaa shimaayoona beshemmone; tunebaani ta qaaro besheyaachemmone” iye.

Yibbaatoo 28:15

Muusi Israꞌeeleenaꞌoyich ishichiye: “Tunebaani ne Nuggishoo Doono Yeerichi qaaroon waayoon ne qayigaata, hanaach neech ta gettaabeeti geteenaꞌonaa qociyeenaꞌonon manjii quyo ne qayigaatoo, ebi ufo bulli ne toommooch shaggemmone; neenoo yechemmone.

Yibbaatoo 28:2

Ne Nuggishoo Doono Yeerichi qaaroon ne waayegaata, ebi diireenaꞌo bulli neech tunemminaꞌone; neenoo yechemminaꞌone.

Yibbaatoo 28:20

“Doono Yeerin qajjaꞌa gonde mooyon ne shuunegaata, amoonolla shuuneya ne qiiccetaa, qaaꞌi mooyon ne toommooch deebiree neen betiyemmone; duꞌo neen yechemmone; kaateree ciroona aallemmo neene.

Yibbaatoo 28:45

“Ne Nuggishoo Doono Yeerichi qaaroon waayo ne qajjetoyich, wotta bi getoonaa bi qociyoonon ceechaa quyo ne qajjetoyich, neen bi aalliimmi wottoon, ebi ufo ne toommooch shaggemmone; neen yoohi dabbiree yechemmone.

1 Tasaloonqi 5:4

Tunebaani no maneenaꞌote! Ebi are aabo gaayo xumoona womoommon diqq shagiree ittoshin bi keqqichaachemmoyich, ittoshi manderee asho toono ittoshine;