Zakaariyaasi 1:5 - Kafa Linguistics Project

⁵ Ittoshi qaabbechinaꞌo and aayeete? Keemechinaꞌoo bulli yemeenoon beeyeheete?

Zakaariyaasi 1:5 ပူးပေါင်းရင်းမြစ်များ

2 Taateenaꞌo 13:14

Elisayi biin qitooch bechiti biiyoon biiyeꞌi bi beetaa, Israꞌeelee taatoo Yehoꞌashi bi waan desh waahe. Yehoꞌashiyoo bi aafoochaa eeppiibee, “Ye ta aabbo! Ye ta aabbo! Ye Israꞌeeleenaꞌochi gaarinaꞌonaa hareshechinaꞌonote!” iye.

2 Taateenaꞌo 13:20

Elisayi qitiꞌi duukkehe. Aroochee Moꞌabee ginee naayinaꞌo nati natooch naawooba, boonoshin kocha Israꞌeelee showooch waa beeheete.

Shoddo 90:10

No eeno shabe natone; no kupphegaatoo shinne natone; halla ebiyoo aayonaa xuuxoona ceennitone; no eeno kaateree ciiremmone; nowoo beshemmo noone.

Dojjecho 1:4

Shiijjeroo beshehe; shiijjeroo kereehe; tunebaani showoo bulli yemeenoon bi arooch beehe.

Dojjecho 12:5

asheenaꞌo geppoon boonoshi shataan beetaa, gommon shaꞌo shattiyaan beetaa, luuzee mixo bungaan beetaa, gechoo ginneyaan beetaa, amee mooyonona qaatoo ne waanee wohaan beetaa, neen Halliton gabibe! Ashoo bulli bi beemi kexooch hamaa, eeppechinaꞌo gommona yixemminaꞌone.

Dojjecho 12:7

showoo bi showa wotteyaan beetaa, kashe biin halliti Nuggishoo Yeer waan wotteyaan beetaa, neen Halliton gabibe!

Erimiyaasi 36:28

“Wochinnoon bare kooree natoon deebe; Yihudee taatoo Yoyaqiimi michiti qoddeti macaafooch beeti wonnee qaaro bullin kooribe.

Shoosho 5:7

Axaaxoon shuunetinaꞌo no qaabbechinaꞌone; boonoshiyoo and aalleenaꞌone; tunebaani no boonoshi axaaxoon miꞌehone.

Yowannisi 8:52

Ayihudeenaꞌo “And ne toommooch yinno beemon xiishaa ariito noone. Abrahami qititone; wotta keemechinaꞌoo qititinaꞌone. Tunetaa ne ‘Ta gettaa beeton ceechiibeeto koniyoona bi beegaata, cir qitaachemmone’ ii beetine.

Mishiraachechinaꞌo 13:36

Wotta Daawiti bi yemeenooch Yeerichi daaggoon bi ceechitoyee gubb, qitiꞌi bi qaabbechinaꞌo maashooch duukketone; bi meenoo oqqitone.

Hibireena'o 9:27

Ikke wottoon qitemmo bi tuno asho bullich echeyaani mooyone; aroyee gubb Yeeri boonoshi toommooch nallemmone.

1 Saameeli 25:1

Saameeli qitiye. Israꞌeeleenaꞌo bulli kiceeꞌi biich eeppiyeete. Bi kexo beeti Raama biin duukkiyeete. Aroochee Daawiti tiyiꞌi desh Faraani barahooch hammiye.