Zakaariyaasi 1:2 - Kafa Linguistics Project

² Beshe Mawe Doono Yeeri Zakaariyaasi asheenaꞌoyich ishichi bi gettemmoyich gettiye: “Doono Yeeri ta, aafi ittoshi qaabbechinaꞌo toommooch oogichii kaareto taane.

Zakaariyaasi 1:2 ပူးပေါင်းရင်းမြစ်များ

2 Taateenaꞌo 22:19

hini xaaꞌoon uppeton, ashaalli xafoonoo tuniyemmo ta tunoon, ta getteti qaaroon waayaꞌa, ne mullo tiishetoyich, Doono Yeeri ta aafooch ne qelloon ne giishiitoyich, ne tahoon ne keexxetoyich, ta aafooch ne eeppetoyich, ne corootoon waayeto taane.

2 Taateenaꞌo 23:26

Tunebaani Yihudee taatoo Minaasi biin ippiyoyich tuniiti gonde mooyo bullichi naboona Yihudee showee toommooch cufiti, Doono Yeerichi shattiiti kaaro aqqeyaanoone.

Iziri 9:13

“Tunebaani no Nuggishoocho, no shuunee gondoonaa no axaaxee naboona ebi bulli tunetoyee gubb, no axaaxee woddoommon noon naxeyaano neene; ebiyoommi curoon nooch echiitine.

Shoddo 60:1

Yeero, noon duppetine; noon tiichetine; noon kaareto neene; noon wochiree wodiibe.

Erimiyaasi 32:23

boonoshiyoo giyiꞌi woraashiyeete. Tunebaani ne qaaroon waayeyaaneenaꞌone; ne sheeroona hamaaneenaꞌone; boonoshi tuniyemmoyich ne getteto bulliichee amoonolla tuniyaaneenaꞌone. Ebich ebi shaahe gonde mooyon boonoshi toommooch deebehine.

Erimiyaasi 44:6

Ebich ta neboonaa ta kaaroona kindiye; Yihudee katemeenaꞌonaa Yerusaalemi gomminaꞌonooch aaxxehe; hanaach ittoshi beeggii beetoommon happeetinaꞌone; shokkoonoo echetinaꞌone.

Shoosho 5:7

Axaaxoon shuunetinaꞌo no qaabbechinaꞌone; boonoshiyoo and aalleenaꞌone; tunebaani no boonoshi axaaxoon miꞌehone.

Hiziqeeli 22:31

Ebich ta kaaroon boonoshi toommooch kindiihoye; ta nebee qaaqqoona boonoshin aalliihoye; boonoshi shuunetoommon boonoshich shuunehoye” iye Nuggishoo Doono Yeeri.

Hiziqeeli 8:18

Ebich ta, kaaroona boonoshi waan woyemmo taane; boonoshich ayini ariqqeyaachemmo taane; qaaroon oogichiꞌi ta waan boonoshi cookitaa waayeyaachemmo taane” iye.

Zakaariyaasi 1:15

Tunebaani diggoona koteti aageteenaꞌo toommooch oogichii kaareto taane; giishechoon ta kaaremmona boonoshi ta asheenaꞌon woddoon duꞌiitinaꞌone” gete’ iye.

Zakaariyaasi 7:12

Boonoshi mulloon xaqqo tuniiꞌi, Beshe Mawe Doono Yeeri ta, ebiyee aafi ta keemechinaꞌona tunaꞌa, ta Ayaanoona ta deejjiti sheeroonaa qaaroonon waayemmon qajjiyeete. Ebich Beshe Mawe Doono Yeeri ta, oogichii kaarehoye.

Zakaariyaasi 8:14

Beshe Mawe Doono Yeeri ishichiye: “Ittoshi qaabbechinaꞌo taan oogichii boonoshi ippiihooba ikke amoonolla ayinaanoon boonoshi toommooch gondoon tuniiya maacceto taane.

Mishiraachechinaꞌo 7:52

Keemechinaꞌo daggoochee ittoshi qaabbechinaꞌo duꞌiyaano koniniye? ‘Cadiqo woyemmone’ iꞌi shiichii gettitinaꞌon wuxiyeete. Bi waatenoo, ittoshi and biin beshiiꞌi immiyote, wuxiihote.