Zakaariyaasi 1:17 - Kafa Linguistics Project

¹⁷ “Wotta daakki ishichi awaajjibe: Beshe Mawe Doono Yeeri ishichiye: ‘Ta katemeenaꞌo wochinnoon gaannoon michemminaꞌone. Doono Yeeri ta wochinnoon Tsiyoonin goggiyemmo taane; Yerusaaleminoo kaaccemmo taane’ itone gete” iye.

Zakaariyaasi 1:17 ပူးပေါင်းရင်းမြစ်များ

Nehimi 11:20

Echeti Israꞌeeleenaꞌo, qeesheenaꞌonaa Leweenaꞌona Yihudee showooch beeti katemeenaꞌo bulliich, boonoshi woraashiti showi showooch koteheete;

Nehimi 11:3

Israꞌeeleenaꞌo, qeesheenaꞌo, Leweenaꞌo, yaafee kechi maddechinaꞌonaa Solomoonichi maddechinaꞌochi yareenaꞌoochee ikkikkeenaꞌo Yihudee showooch beeti katemeenaꞌooch koteheete; eboshi boonoshi hajjee kexonaa boonoshi katemoonooch kotemmona, woraaferasheenaꞌo Yerusaalem koteheete.

Shoddo 69:35

Ebiyoo, Yeeri Tsiyoonin wodiyemmo bi tunetoyich, Yihudee katemeenaꞌon wochi shuunemmo bi tunetoyichiye. Bi asheenaꞌoo arooch kotemminaꞌone; showoonoo hajjemminaꞌone.

Isiyaasi 14:1

Doono Yeeri Yaaqobich ariqqemmone; Israꞌeelinoo wochinnoon kaaccemmone; boonoshi hajjee showooch boonoshi beeyemmoyich tuniyemmone. Shiqqeenaꞌo boonoshi waan waaree, Yaaqobichi yareenaꞌona tookki ikkottemminaꞌone.

Isiyaasi 44:26

tunebaani ta maddechinaꞌochi qaaroon kachiyemmo taane; ta wocheyechinaꞌochi ciicoon ceechemmo taane; Yerusaalemin ‘Ashi beemi xaaꞌoon tunemmine,’ Yihudee katemeenaꞌonoo ‘Wochinnoon shuuneyemminaꞌone,’ boonoshi buriceenaꞌonoo ‘Tiyemmo ittoshine,’ gettemmo taane.

Isiyaasi 49:13

Doono Yeeri bi asheenaꞌon goggiyemmo bi tunetoyich, iritechinaꞌoyichoo ariqqemmo bi tunetoyich, shimaayoocho, emiroona shoddebe; showeene, emiribe; guudinaꞌote, ililibote.

Isiyaasi 51:12

Doono Yeeri ishichiye: “Ittoshin goggiyemmo ta qelloona taane; qitemmi ashich, mocoo shoolloommon shoollemmi ashi bushiishoyich, ittoshi shattiibeeto amoyichiye?

Isiyaasi 51:3

Doono Yeeri ta, Tsiyoonin, shokkoon echeti bi xaaꞌoonoo, goggiyemmo taane; bi barahoon Edeniyoommon, Doono Yeerichi bechee mixinaꞌo beeti xaaꞌoommonoo, tuniyemmo taane; bi waan emiroonaa wucwucona danemmone; galletee shoddo bi waanaa shoddeyemmone.

Isiyaasi 52:9

Yerusaalemi buriceenaꞌote, Doono Yeeri bi asheenaꞌon bi goggiitoyich, Yerusaalemin bi biishetoyich, ikkittinoona emiroona shoddebote.

Isiyaasi 54:8

Oogichii kaaroona giisheche aaboon, ne waanee ta aafoon bara wochito taane; tunebaani bulli yemeenee shunoona neech ariqqemmo taane” iye neen Biishechi Doono Yeeri.

Isiyaasi 66:13

Indee bi bushoon bi goggiyoommon ittoshin goggiyemmo taane; Yerusaalemaa goggemmo ittoshine.

Erimiyaasi 31:13

Aroochee gidiideenaꞌo emiroona duuttemminaꞌone; gurimaasheenaꞌo, geeneenaꞌoo boonoshichoommon emiremminaꞌone; boonoshi eefon emirooch wochemmo taane; boonoshin goggiyemmo taane; boonoshi ayinoon emiroona shaddemmo taane.

Erimiyaasi 33:13

Geppe showeexi katemeenaꞌoochaa, geppee gaadeexi katemeenaꞌoochaa, Negeebi katemeenaꞌoochaa, Biiniyaamee showoochaa, Yerusaalemi guudoona beeti gafeenaꞌoochaa, Yihudee katemeenaꞌoochaa, qiddeenaꞌo wochinnoon boonoshi bageenaꞌon haddemminaꞌone” iye Doono Yeeri.

Erimiyaasi 33:9

Yerusaalemi, biich ta tuniyemmi gaawe mooyo bullin waayemmi, showee toommeexi aageteenaꞌo bulli aafooch, taach oogee yiiroon, galletoonaa oogoonon tunemmine; ebi are aageteenaꞌo biich ta qanniiti gaawe mooyo bullinaa diggoo bullinochi naboona shattemminaꞌone, qeweshoo gettemminaꞌone” iye.

Hiziqeeli 36:33

“Nuggishoo Doono Yeeri ishichiye: Ittoshi axaaxoo bulliichee ittoshin ta xalliimmi aabooba, katemeenaꞌooch asheenaꞌon kotiyemmo taane; shokkoon echeti katemeenaꞌo wochinnoon shuuneyemminaꞌone.

Amootsi 9:14

Ta asheenaꞌo tuneti Israꞌeeleenaꞌon boonoshi showooch wochiree deebemmo taane; boonoshiyoo tiisheti katemeenaꞌon wochinnoon hagiree arooch kotemminaꞌone; woyinoon bechiree woyinee uyoon uchemminaꞌone; maayoon bechiree bi aafoon maayemminaꞌone.

Abidiyi 1:20

Dambi-waani Israꞌeelee showoochee kecaa hammitinaꞌo, Tsarefaati katemooch beddaahaa beeti Kanaanee showoon yechemminaꞌone; Yerusaalemee Sefaraad kecaa hammitinaꞌo, Negeeb beeti katemeenaꞌon yechemminaꞌone.

Zakaariyaasi 1:14

“Aroochee taanna tookkii yibbaateebeeti maraakoo taach ishichiye: ‘Ebi Beshe Mawe Doono Yeeri gettiibeeti qaaroon awaajjibe: “Yerusaaleminaa Tsiyooninoyich oogichii qanaateto taane.

Zakaariyaasi 1:18

Bare yaaꞌoona kaama ciinnaꞌa, awudde qaroon beeggeho.

Zakaariyaasi 2:12

Doono Yeeriyoo yaafeeti showoochaa Yihudin bi hajjoon tuniyemmone. Yerusaalemin wochinnoon kaaccemmone.

Zakaariyaasi 2:4

Biichoo ishichiye: “Woci hamiree qeellee woderoon yechiti ebi gurimaashoyich, ‘Bi daggooch beeti ashoonaa gijjoonochi meetoochee tiyitona Yerusaalemi uxeraalli katemoon tunemmine’ gete!

Zakaariyaasi 3:2

Doono Yeerichi maraakoo Sheexaanoon “Sheexaanoocho, Doono Yeeri neen kaarebe; Yerusaalemin kaacciti Doono Yeeri neen kaarebe. Hini uro qaaqqoochee kechiti ciifoommo toone?” iye.

Efesooni 1:4

Alemo halleyaan beetaa, bi aafooch yaafoonaa bachaalloonon no tunemmoyich Kiristoosina noon kaacciye; Yeeri noon bi shunnitoyich,