Zakaariyaasi 1:16 - Kafa Linguistics Project

¹⁶ “Ebich Doono Yeeri ishichiye: ‘Ta ariqqoona Yerusaalem wotteto taane. Ta yaafee kexo wochinnoon arooch hakkemmone. Yerusaalem qellayee woderoo geecheyemmone’ iye Beshe Mawe Doono Yeeri.

Zakaariyaasi 1:16 ပူးပေါင်းရင်းမြစ်များ

Iyoobi 38:5

Bi oogaa giishon, gabii kuxxito konine? Bi toommooch woderoon geechiꞌi qellayito konine? Eke ne ariyaabeeto gaata, gete.

Isiyaasi 12:1

Arooba ishichemmo neene: “Doono Yeero, neen galletehoye; taan ne kaaretaanona, and ne kaaroochee wotteto neene; taanoo goggiito neene.

Isiyaasi 34:11

Tunebaani gaceenaa caayona bullemminaꞌone; yuyeenaa kurechoona arooch beeyemminaꞌone; bi toommoochoo bi happeeyee woderoonaa aallee tumbina geecheyemmone.

Erimiyaasi 30:18

“Doono Yeeri ishichiye: Yaaqobichi duukkaanee kecoon wochemmo taane; bi beemi xaaꞌoyichoo ariqqemmo taane; katemoo wochinnoon bi xoobooch shuuneyemmone; taatee kexoo wonnee bi xaaꞌooch neexemmone.

Hiziqeeli 40:3

Arooch taan bi deebimmona ebiyoche gooshoommi malletechi uroo arooch beete; ebi uro bi kishooch muttee tuppoochee yexxeti woderoonaa qeellee yaaboonon yechiꞌi kellooch neexetone.

Hiziqeeli 47:3

Uro qeellee woderoon geechiꞌi aabi-keyo waan hammiye; hume hiroon hirehe; aachi daggoona taan beshiihe; aacoo baatee qullooch shaggiye.

Hiziqeeli 48:35

“Bi guude gawo aaraa shimitte hume hiroo tunemmone; are aaboochee tiijji ebi katemee shigo Doono Yeeri Arooch Beeti Katemoo getteyemmone” iye.

Haagi 1:14

Doono Yeeriyoo Shelateeli bushoo, Yihudee iraashoo Zerubabeelichi mullo, wotta Yehotsedeeqichi bushoo, qeeshee guudo Yaasichi mulloonaa echeti curo bullichi mulloona tiyemmoyich tuniihe. Boonoshiyoo taatoo Daariyoosi taateti guttinnee natooba, shirittinnee agenee hiyaa awuddinnee qemooba, boonoshi Nuggishoo Beshe Mawe Doono Yeerichi kexon hagooch giyiyeete.

Zakaariyaasi 10:6

“Yihudee asheenaꞌon kupphiyemmo taane. Yooseefi yareenaꞌon wodiyemmo taane. Boonoshich ta ariqqetoyich, boonoshi xaaꞌooch wochi deebemmo taane. Boonoshin ta dufaani asheenaꞌoommon tunemminaꞌone. Ta, boonoshi Nuggishoo Doono Yeeri ta tunetoyich, boonoshi corootoon waayemmo taane.

Zakaariyaasi 2:4

Biichoo ishichiye: “Woci hamiree qeellee woderoon yechiti ebi gurimaashoyich, ‘Bi daggooch beeti ashoonaa gijjoonochi meetoochee tiyitona Yerusaalemi uxeraalli katemoon tunemmine’ gete!

Zakaariyaasi 2:5

Doono Yeeri ‘Ebi katemee guudoona qaaqqee uxeroon tunemmo taane; ta oogee yiiroona bi daggooch beeyemmo taane’ itone” iye.

Zakaariyaasi 2:6

Doono Yeeri ishichiye: “Showee awudde kelloona ittoshin shacceto taane; tunebaani and dambi-waani showoochee tibote.

Zakaariyaasi 4:9

“Hini kechi hecoon heccito Zerubabeeline; biyoo hini kexon hagi qanniyemmone. Aroochee boonoshi waan neen wochee daachiito Beshe Mawe Doono Yeeri ta tunoon ta asheenaꞌo ariyemminaꞌone.

Zakaariyaasi 8:3

Doono Yeeri ishichiye: “Tsiyooni katemooch wottemmo taane; Yerusaalem beeyemmo taane; Yerusaalemiyoo Gibeneeti Katemee, getaa ceekkemmine. Beshe Mawe Doono Yeeri ta guudo Yaafeeti Guudo getaa ceekkemmone” iye.