Zakaariyaasi 1:14 - Kafa Linguistics Project

¹⁴ “Aroochee taanna tookkii yibbaateebeeti maraakoo taach ishichiye: ‘Ebi Beshe Mawe Doono Yeeri gettiibeeti qaaroon awaajjibe: “Yerusaaleminaa Tsiyooninoyich oogichii qanaateto taane.

Zakaariyaasi 1:14 ပူးပေါင်းရင်းမြစ်များ

Isiyaasi 37:32

Yerusaalemee echetinaꞌo, Tsiyooni guudoochee muriccitinaꞌo kechemminaꞌone; Beshe Mawe Doono Yeeri bi qanaatoona ebin tuniyemmone.

Isiyaasi 38:22

Hiziqiyaasiyoo, “Doono Yeerichi yaafee kexooch hammemmo ta tunee malletoo amoone?” itone.

Isiyaasi 40:1

“Goggiibote; ta asheenaꞌon goggiibote” iye ittoshi Nuggishoo Yeeri.

Isiyaasi 40:2

“Bi guuchittinee yemeeno ciiroon, bi axaaxoo maareyoon, Doono Yeer waanee gutte kishoon, bi axaaxee sheeroon bi deꞌon, Yerusaalemich maanjoona getote; biich awaajjibote” iye.

Isiyaasi 40:6

Ikke qaaro “Cookibe” iye; tawoo “Ama getiree cookibote?” iyo; biyoo “Meeno taheti asho bulli mocoommone; bi malleto bulliyoo gaddeexi mocee bungoommone;

Isiyaasi 42:13

Doono Yeeri ginee anaamochoommon kechemmone; ginee anaamochoommon kaaroona shiixxii tiyitone; cookemmone; bi qaaroon oogichi bunnemmone; bi etteenaꞌo toommooch sharemmone.

Isiyaasi 59:17

Cadiqoon getee ginee tahoochoommon tahemmone; bi shimboochoo wodiyoon xuuree ukoochoommon ukemmone; nichee kichoon tahoochoommon tahemmone; qanaatoon xappee qoreddoochoommon xappemmone.

Isiyaasi 63:15

Doono Yeero, yaafoonaa oogee yiirechona tuneti ne beeyi xaaꞌoo, shimaayoochaa dugilla ciine; ne qanaatoonaa ne giidoona aaye? Noon ne sharaatoonaa ne ariqqoona noyee wokkitone.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Hiziqeeli 36:5

Ebich Nuggishoo Doono Yeeri ishichiye: Hoxoona tiyiꞌi oogeton emiriibee ta showoon bogona boonoshi hajjoon boono tuniitoyich, eche aageteenaꞌo bullinaa Edoomee asheenaꞌo bullinochi toommooch oogeti ta qanaatee qaaqqoon kindiyoona yibbaatemmo taane.’

Hosee'i 11:8

Efreemo, aabichiree neen duppehote? Israꞌeelo, aabichiree neen beshii immehote? Adiimaa ta tuniitoommon aabichiree ne toommooch tuniyehote? Tseboyimaa ta tuniitoommon aabichiree ne toommooch tuniyehote? Ta mullo ta maacoochaa qewetone; taanoo ariqqichitone.

Yoꞌeeli 2:18

Doono Yeeri bi showoyich qanaatehe; bi asheenaꞌonoo ariqqehe.

Naahoomi 1:2

Doono Yeeri qanaatechonaa nichoon kichechonane; Doono Yeeri nichoon kichechonaa naxechonane; Doono Yeeri bi etteenaꞌo toommooch nichoon kichii beetone; bi etteenaꞌo toommooch naxoon kindii beetone.

Zakaariyaasi 1:13

Doono Yeeriyoo taanna tookkii yibbaateebeeti maraakoyich emirikkiibeeti, goggiyee qaaroona wochiye.

Zakaariyaasi 1:17

“Wotta daakki ishichi awaajjibe: Beshe Mawe Doono Yeeri ishichiye: ‘Ta katemeenaꞌo wochinnoon gaannoon michemminaꞌone. Doono Yeeri ta wochinnoon Tsiyoonin goggiyemmo taane; Yerusaaleminoo kaaccemmo taane’ itone gete” iye.

Zakaariyaasi 1:9

“Tawoo ‘Ta doonocho, eboshi ameenaꞌone?’ iyo. “Taanna tookkii yibbaateebeeti maraakoo ‘Eboshi ameenaꞌo gaata neech bekkiyemmo taane’ iye.

Zakaariyaasi 4:1

Taanna tookkii yibbaateti maraakoo wottee waaꞌi, tokketeti ashoon tiijjoommon taan tiijjiye.