Yowannisi 9:22 - Kafa Linguistics Project

²² Biin shiyitinaꞌo ishichito, Ayihudee ukkireenaꞌon boonoshi shattitoyichiye. Ebiyoo Ayihudee ukkireenaꞌo “Yesuusi aroo Kiristoosine” iꞌi miixemmo bi danegaata, aroon Ayihudeenaꞌo kiceebeeti kexoochee boonoshi yookkemmoyich echee boonoshi itoyichiye.

Yowannisi 9:22 ပူးပေါင်းရင်းမြစ်များ

Shaahiyoo 29:25

Ashoon shato shaachooch yechoone; tunebaani Doono Yeerin gibeneebeeto, diggoona beeyemmone.

Isiyaasi 51:12

Doono Yeeri ishichiye: “Ittoshin goggiyemmo ta qelloona taane; qitemmi ashich, mocoo shoolloommon shoollemmi ashi bushiishoyich, ittoshi shattiibeeto amoyichiye?

Isiyaasi 51:7

“Tate mooyon ariyaa beetinaꞌote, ta sheeroo ittoshi mullooch beeti asheenaꞌote, ta waanee waayebote: Ashi miichoon shattaahote; boonoshi naagoyichoo keqqiyaahote.

Isiyaasi 57:11

“Taan shalligoon, ta mooyonoo gaboon qajjiꞌi ittoshi koottito konin shattii keqqiꞌiniye? Taach shato ittoshi qajjito wodde yemeenoon cikkaa ta qajjetoyich toone?

Luqaasi 6:22

Asheenaꞌo Ashi Bushoo naboyich ittoshin shixxiteenoo, boonoshi shiqqiiteenoo, boonoshi naaggiteenoo, ittoshi shigoon tiijjoo ciigeꞌi boonoshi sheeneteenoo, diireeto ittoshine.

Yowannisi 1:19

Yerusaalem beeti Ayihudee ukkireenaꞌo qeesheenaꞌonaa Leweenaꞌonon “Hamiree Yowannisin ‘Ne koni neene?’ getiree echebote” iꞌi wocheheete. Arooba wocheetinaꞌoyich Yowannisi ishichiꞌi miixehalli,

Yowannisi 16:2

Ayihudeenaꞌo kiceebeeti kexoochee ittoshin yookkemminaꞌone; ebiyeenoo wotta ittoshin wuxemminaꞌo bullich boonoshi shuunoo Yeerich gaacheebeeto bi shaahemmi aabo woyemmone.

Yowannisi 19:38

Ebiyee gubb, Ayihudee ukkireenaꞌon bi shattitoyich aashoona Yesuusichi dabboo tuneti Arimaatechi Yooseefi Yesuusichi cahoon daamma Phelaaxoosin qollehe; Phelaaxoosiyoo Yooseefich daaggiye. Ebich Yesuusichi cahoon hammii kindiiꞌi daammiye.

Yowannisi 20:19

Ebi are shabaattee batti batti aaboobee xum, Yesuusichi dabbeenaꞌo Ayihudee ukkireenaꞌon boonoshi shattitoyich, kelloon tuggeechii kiceeꞌi boonoshi beetaa, Yesuusi giyii boonoshi daggooch neexeꞌi, “Diggoo ittoshich tunebe” iye.

Yowannisi 7:13

Tunetaa Ayihudee ukkireenaꞌon boonoshi shattitoyich, koniyoona biichon xalla kichii yibbaateyaanoone.

Yowannisi 9:18

Ayihudee ukkireenaꞌo bi nihoonaa bi indeenon boonoshi ceeggimmi wottoon, and ciinniibeeti uro aaf doogo tuneꞌi beebee echeto bi tunoon iberiyaaneenaꞌone.

Yowannisi 9:21

Tunebaani and aabichiꞌi bi ciinnito gaata, wotta bi aafoon koni ciichiito gaata ariyaano noone. Biin echebote; aroo ooge uroone; aroo bi qellichon geton mawiyaachemmone” iyeete.

Yowannisi 9:34

Boonoshiyoo wochiꞌi, “Hini axaaxoona qoqqaanneeꞌa shiijjetocho, nooch dojjiya qaawaa beetine?” iyeete. Aroochee Ayihudeenaꞌo kiceebeeti kexoochee biin kichiyeete.

Yowannisi 9:35

Yesuusiyoo uroon Ayihudeenaꞌo kiceebeeti kexoochee boonoshi kichoon waayehe. Biin daneꞌi, “Ashi Bushoo toommooch ne mulloon tooꞌiyenne?” iꞌi echehe.

Mishiraachechinaꞌo 4:18

Ebiyee gubb, Pheexiroosinaa Yowannisinon ceekkiiꞌi, “Guttinnoon Yesuusichi shigoon tiijjiree yibbaateyaahote; ashichoo dojjiyaahote” iꞌi miicheheete.

Mishiraachechinaꞌo 5:13

Boonoshi waan wotteyaaneenaꞌo daggoochee koniyoona boonoshi daggooch gimoyich aafoon kuppheto aalloone. Tunetaa asheenaꞌo boonoshin oogii beeheete.

Mishiraachechinaꞌo 5:40

aree hillooch mishiraachechinaꞌon boonoshi waan ceekkiiꞌi, arengoona xoobbiyeete. “Yesuusichi shigoona guttinnoon yibbaateyaahote” iꞌi gawukkiyeete.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.