Yowannisi 8:44 - Kafa Linguistics Project

⁴⁴ Ittoshiyoo, ittoshi nihoo daabiloosichi bushiishoo ittoshine; ittoshi nihoochi qaatoon ceechoon shunniyote. Biyoo shiichiꞌi kashee kichechone; iberoo bi maacooch bi aalletoyich, iberee gommooch neexeyaanoone. Biyoo kootecho, kooto bullichi nihoone; ebich kootoon bi gettii beegaata, bi mullooch beeton gettiye.

Yowannisi 8:44 ပူးပေါင်းရင်းမြစ်များ

Halloo 3:15

Neennaa ureena daggooch, ne yaroonaa bi yaroona daggoochoo kaaroon geddemmo taane; biyoo ne qelloon pharixxemmone; newoo bi shoqqoon baniyemmo neene” iye.

1 Taateenaꞌo 22:22

“Doono Yeeriyoo biich, ‘Aabichireeshiye ne muriciyemmo?’ iye. “Biyoo, ‘Hamiree, bi keemechinaꞌo bulli kootoon keemmemmoyich tuniyemmo taane’ iye. “Doono Yeeriyoo, ‘Muriciyemmo neene; neechoo kaamemmone; hamiree, ebin tuniibe’ iye.

1 Kiinoo 21:1

Sheexaanoo Israꞌeeleenaꞌo toommooch tiyiꞌi, Daawiti Israꞌeeleenaꞌon haddiyemmoyich tuniihe.

Iyoobi 1:11

Eke ne kishoon tiijjiree biich beeto bullin aalliibe; biyoo ne aafoochaa, neen naaggemmone” iye.

Maatiyoosi 12:34

Hini xekeree bushiisheenaꞌote, ittoshi gondo tuneechi tiyi aabichiree deꞌe yibbaatoon yibbaato hakkehote? Asho bi gettiibeeto bi mullooch ceenniti mooyoocheeniye.

Maatiyoosi 13:15

Boonoshi aafoona boonoshi ciinaachemmoyich, boonoshi waamona boonoshi waayeyaachemmoyich, boonoshi mulloona boonoshi shalligaachemmoyich, ta waan boonoshi wottetaa boonoshin ta wodiyaachemmoyich, boonoshi mulloon muumiitinaꞌone; boonoshi waamon ulliitinaꞌone; boonoshi aafoonoo oppetinaꞌone’ iꞌi bi keemmiti keemo boonoshi toommooch ceennitone.

Maatiyoosi 13:38

budoo alemoone. Deꞌe yaroo Yeerichi taatittinee bushiisheenaꞌone; dadaddoo gondoochi nihoo bushiisheenaꞌone.

Yowannisi 6:70

Yesuusi boonoshich “Ta, aaraa guttoo ittoshin kaacaachote? Tunetaa ittoshi daggeexi ikkoo daabiloosine” iꞌi wochiye.

Yowannisi 7:17

Koniyoona Yeeri shunniton tuniyoyich bi qaawigaata, aroo hini ta doyoo Yeer waanee bi tunoon woyee ta, ta qelloona ta geton ariyemmone.

Yowannisi 8:38

Ta, ta Nihoo waanee ta beeggeton gettoye; ittoshiyoo wotta ittoshi nihoo waanee ittoshi waayeton tuniihote” iye.

Yowannisi 8:41

Ittoshi, ittoshi nihoo shuunetoommon shuuneebeeto ittoshine” iye. Boonoshiyoo “No aricheyaani nihoona shiijjeyaano noone. Ikke Nihoo baachiye nooch beeto; aroo Yeerine” iyeete.

Yowannisi 8:55

Biin ariyaano ittoshine; tunetaa ta ariibeeto taane. ‘Biin ariyaano taane’ ta getigaata, ittoshichoommon kootecho tunesho taane; tunebaani biin ariibeeto taane; bi gettitonoo ceechaabeeto taane.

Mishiraachechinaꞌo 13:10

“Aconaa gonde mooyona ne mullooch ceenniti hini daabiloosichi bushoochoo, tato tuneti mooyon shunaanoocho, kaamoo tuneti, Doono Yesuusichi gommon xummiyoochee kasheyaachenne?

Mishiraachechinaꞌo 24:9

Ayihudeenaꞌo wotta “Hini mooyo iberoone” iꞌi ceechiyeete.

Mishiraachechinaꞌo 5:3

Tunetaa Pheexiroosi ishichiye: “Hanaano, Yaafe Ayaanoyich kootiree showoon ne kemmeti gijjoochee ne qellich ne echiyemmoyich Sheexaanoon ne mullooch aakka giijjinne?

2 Qorontoosi 11:3

Tunebaani dingero bi acona Hewaanin bi dawushoommon, diqqich ittoshi gaboo duubetaa Kiristoosich beeti ibere xalle ittoshi shunoon qajjemmo ittoshine iyaꞌa shattaabeeto taane.

1 Pheexiroosi 5:8

Ittoshi qelloon quyoona beebote; qaallibote. Ittoshi shixecho tuneti daabiloosi bi qooxxemmon qaawiꞌi, ciddiibeeti daaheroochoommon guuddii beetone.

2 Pheexiroosi 2:4

Yeeriyoo axaaxoon shuuneti maraakeenaꞌoyich ariqqeyaanoon, shiweree qaaqqooch duppiꞌi hoone manderooch tuneree nallee aabooch beddaahaa boonoshi quyeyemmoyich bi tuniitoyee;

1 Yowannisi 1:8

“Axaaxoo nooch aalloone” no getigaata, wochaa no qellooniye no dawushaa beeto; iberoo no mullooch aalloone.

1 Yowannisi 2:21

Iberoon ittoshi arii beetonaa ibere mooyoochee amee koote mooyolla danee bi qayon ittoshi arii beetonoyichalli, “Iberoon ariyaachote” iyaꞌa ittoshich kooraano taane.

1 Yowannisi 2:4

“Yeerin ariibeeto taane” iibee Yeerichi getoon ceechaani asho bi beegaata, koottitone; iberoo bi mullooch aalloone.

1 Yowannisi 3:12

Qayeeliyoommon tunaayone; aroo gondoochi nihoo magechone; aroo bi hajjee manoon wuxiye. Amoyichiye bi wuxito? Bi hajjee shuunoo gondo, bi manoochi shuunoo cadiqo bi tunetoyichiye.

1 Yowannisi 3:15

Bi manoon shixxiibeeto bulli ashoon wuxitoommone; ashoon wuxito bulli, bulli yemeenee kasho biich aallo bi tunoon ariibeeto ittoshine.

Yihudi 1:6

Ebiyoommon wotta boonoshich icheti ukkirittinoon qajjiꞌi boonoshi beeyi xaaꞌoochee kechiti maraakeenaꞌon dechi manderooch bulli yemeenoon sansalatoona cuchiꞌi, ooge nallee aabooba boonoshi toommooch bi nallimmi wottoon boonoshin quyee beetone.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.

Yaaꞌoo 13:14

Aafi cooxo aafooch bi bekkiyemmoyich daaggeeti malletoona showee toommeexi asheenaꞌo bullin muricciihe; goraadoona bi mayetaanona, batt kashoona beeti cooxoyich bi shahalloon boonoshi shuunemmoyich showee toommooch beeti asheenaꞌoyich gettiye.

Yaaꞌoo 2:10

Ne toommooch shaggemmi iritoon shattaahine; ebiyoche, Yeeri toommooch mulloon ittoshi tooꞌiyoo iberoo bi tunoonaa tunee qayona bi bekkemmoyich, daabiloosi ittoshi daggoochee ikkikkeenaꞌon cuyee kexooch gedda ii beetone; aashire qemi duꞌoon beeggemmo ittoshine. Qitooch beddaahaa taach gibeneeton tunebe; kashee gubbichoon neech immemmo taane.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.

Yaaꞌoo 9:11

Boonoshichoo taatoo beetone; are taatoo oppee hoonee maraakoone; bi shigoo Hibiree noonoona Abaadooni, Giriikee noonoona Apholiyooni getteehe.