Yowannisi 8:28 - Kafa Linguistics Project

²⁸ Ebich Yesuusi boonoshich “Ashi Bushoon kichii ittoshi yoodiyooba, ta aroo ta tunoon, wotta ta gettaabeeto ta Nihoo gettiton baachalli, ta qelloona amoonolla ta tuniyee qayon arooba ariyemmo ittoshine.

Yowannisi 8:28 ပူးပေါင်းရင်းမြစ်များ

Keyo 3:14

Yeeriyoo Muusich “Ta Halla Taane; ‘Halla Taane getteebeeto ittoshi waan taan wochee deejjitone’ gete” iye.

Maatiyoosi 24:5

Meetinaꞌo ‘Taane Kiristoosi’ getibee ta shigoona waaree meeti asheenaꞌon muriciyemminaꞌone.

Maariqoosi 13:6

Meetinaꞌo ‘Ta aroo taane’ getibee ta shigoona waaree meeti asheenaꞌon muriciyemminaꞌone.

Luqaasi 21:8

Yesuusi wochiꞌi boonoshich ishichiye: “Koniyoona ittoshin bi muriciyaachemmoyich ittoshi qelloon quyebote. Meetinaꞌo ‘Ta aroo taane’ wotta ‘Kiristoosi woyemmi yemeeno shaggitone’ getibee ta shigoona woyemminaꞌone; ebiyooba ishichimminaꞌon dabbiyaahote.

Yowannisi 11:42

Bulli aaboon ne waayoon ariibeeto taane; tunebaani taan ne deejjoon boonoshi iberiyemmoyich, hini ta guudoona neexeti asheenaꞌoyicha iyaꞌa ishin gettoye” iye.

Yowannisi 13:19

“Ebi tunehooba aroo ta tunoon ariiree ittoshi iberiyemmoyich hanaach mooyo waataan beetaa ittoshich getteto taane.

Yowannisi 16:10

Cadiqeechon, Nihoo Yeer waan ta hammaa beetoyich, ebiyee gubb, taan beegaachemmo ittoshi tunetoyichiye.

Yowannisi 18:32

Ebi bi tuneto, Yesuusi amoommi qitoon bi qitemmo gaata bekkiyoyich bi gettiti qaaro ceennemmoyichiye.

Yowannisi 19:18

Aroochaa biin masqalee toommooch yooddiyeete; biinna tookkii bare gutteenaꞌon qanninaa yoochinooch, Yesuusin daggooch tuniiꞌi yooddiyeete.

Yowannisi 3:11

Iberoon neech gettoye: No arii beeton gettehone; no beeggeton miixehone; tunebaani no miixeton iberiyaachote.

Yowannisi 3:14

Muusi barahoochaa dingeroon michi toommooch bi yoodoommon, Ashi Bushoo yooddeyoo biich qaawiihe.

Yowannisi 4:26

Yesuusiyoo “And neech gettaabeeto, aroo taane” iye.

Yowannisi 5:19

Ebich Yesuusi wochiꞌi boonoshich ishichiye, “Iberoon ittoshich gettoye: Nihoo Yeeri tuniibeeto bullin bi Bushoo wotta biichoommon tunii beetone; ebich Nihoo Yeeri tuniitaa bi beeggitonalli, Bushoo bi qelloona amoonolla shuunoon hakkaache.

Yowannisi 5:30

Yesuusi daakkiꞌi ishichiye: “Ta, ta qelloona ikke mooyonona tuniyoon hakkaano taane; Yeer waanee ta waayetoniye ta nallaabeeto. Taan deejjitochi daaggoonalli, ta daaggoon qaawaano ta tunetoyich, ta nalloo tatoone.

Yowannisi 8:24

Ittoshich ‘Ittoshi axaaxoona qitemmo ittoshine’ iyoye. Ebiyo, ta koni ta gaata ta tunoon ariiꞌi iberiyoo ittoshi qayigaata, ittoshi axaaxoona qitemmo ittoshi tunetoyichiye” iye.

Yowannisi 8:27

Arooba waayeti asheenaꞌo Nihoo Yeerichon boonoshich bi geton shalligaaneenaꞌone.

Yowannisi 8:58

Yesuusiyoo “Iberoon ittoshich gettoye: Abrahami shiijjoyee aaf, ta beeto taane” iye.

Mishiraachechinaꞌo 2:41

Aroochee Pheexiroosi gettiti yibbaatoon waayeꞌi, iberiitinaꞌo aacona afaalleeheete. Ebina keejje hum bede asheenaꞌo Yesuusichi asheenaꞌo toommooch daakkeeheete.

Mishiraachechinaꞌo 4:4

Tunebaani Yeerichi qaaroon waayetinaꞌo daggoochee meetinaꞌo boonoshi mulloon Yesuusi toommooch tooꞌiiheete. Yesuusi toommooch mulloon tooꞌiiti anaaminaꞌo aafichinaꞌona tookkii uuche hum bedoon tuneheete.

Yibbaatoo 18:18

Boonoshi maneenaꞌo daggoochee neenoommi keemechon tiijjemmo taane; bi gettemmi mooyonoo biich gettemmo taane. Biyoo biich ta getteto bullin asheenaꞌoyich gettemmone.