Yowannisi 7:39 - Kafa Linguistics Project

³⁹ Ishin bi gettito, boonoshi mulloon bi toommooch tooꞌiitinaꞌo boonoshi danemmi Yaafe Ayaaneechoniye; Yaafe Ayaano batt kindaan beetone; ebiyoo Yesuusi oogoyich batt shimaajj keyaan beeto bi tunetoyichiye.

Yowannisi 7:39 ပူးပေါင်းရင်းမြစ်များ

Shoddo 68:18

Damba ne keyiyooba, neenna tookkii kecoon daammehine; hukkechinaꞌo waaneenolla echiyaanoon asheenaꞌo waanee wojjoon deqqehine; Nuggishoo Doono Yeeri ne, arooch beeyemmo neene.

Shaahiyoo 1:23

Ta ciicoon waayebe; ta ayaanoon ittoshich ukkemmi taane; ta qaaroonoo ittoshi ariyemmoyich tuniyemmi taane.

Isiyaasi 12:3

Wodee xuuphoochee aacon emiroona kittemmo ittoshine.

Isiyaasi 32:15

Ebi tunemmo, dambee no toommooch Ayaano ufemmi wottoon, barahoo qeemi showoon tunemmi wottoon, qeemi showoo shaaroon shaahimmi wottooniye.

Isiyaasi 44:3

Shacheweti showooch aacon, woniyemmo taane; shuuqqiti showoochoo aachi xuuphoon kichemmo taane; ta Ayaanoon ne shiijjereenaꞌo toommooch, ta diiroonoo ne yareenaꞌo toommooch, ukkemmo taane.

Yoꞌeeli 2:28

Doono Yeeri ishichiye: “Ebiyee bekk, ta Ayaanoon meeno taheti asho bulli toommooch woniyemmo taane; ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi geeneenaꞌo gumon gummemminaꞌone; gurimaasheenaꞌoo yaaꞌoon beeggemminaꞌone.

Maatiyoosi 16:14

Boonoshiyoo “Ikkikkeenaꞌo ‘Hini Aacona Afaallechi Yowannisine’, echeenaꞌo ‘Eliyaasine’, echeenaꞌo wotta ‘Erimiyaasine woyee wonna Yeerichi qaaroon keemmii beetinaꞌoochee ikkoone’ ii beetinaꞌone” iyeete.

Maatiyoosi 21:11

Dofee asheenaꞌoo “Hini Galiilee showooch beeti Naazireeti katemoochee waati keemechi Yesuusine” iyeete.

Luqaasi 24:49

Illa ebiyoche, ta Nihoo Yeeri gibenikkiti gibenoon ta ittoshich deejjemmo taane; ebich damba Yeer waanee giidoo ittoshi toommooch bi kindimmi wottoon Yerusaalem quyebote” iye.

Luqaasi 3:16

Yowannisi tiyiꞌi bullich “Tawoo aacona ittoshin afaallaabeeto taane. Tunebaani bi caammee cuyoon biich ta bedaani tayee beshe kuppho waa beetone; aroo Yaafe Ayaanoonaa qaaqqoona ittoshin afaallemmone.

Luqaasi 7:16

Asheenaꞌo bulli oogichii shattiꞌi boonoshinaa boonoshina “Yeeri ooge keemechon no daggoochee kaacciꞌi neechitone” iyeete. Wotta “Yeeri bi asheenaꞌon ciinnitone” iibee Yeerin galleteheete.

Yowannisi 1:21

“Ishigaata, ne koni neene? Eliyaasi neene?” iꞌi echeheete. “Ta Eliyaasi toono taane” iye. “ ‘Woyemmone’ getteebeeti Keemecho neene?” iꞌi echeheete. “Toono taane” iꞌi wochiye.

Yowannisi 1:25

“Ishigaata, ne Kiristoosi woyee Eliyaasi woyee ‘Woyemmone’ getteebeeti keemecho ne toonee gaata, amoyichiye asheenaꞌon aacona ne afaallaabeeto?” iꞌi echeheete.

Yowannisi 1:33

Tawoo koni bi gaata arooba ariyaan beeto taane; tunebaani aacona ta afaallemmoyich shiichiꞌi taan deejjiti aroo ‘Ayaano kindiree bi toommooch bi kotetaa ne beeggemmo, Yaafe Ayaanoona afaallemmo aroone’ iꞌi taach gettiye.

Yowannisi 12:16

Yesuusichi dabbeenaꞌo arooba ebin shalligaaneenaꞌone; tunebaani kooreeti bi mooyonaa biich boonoshi tuniitonon boonoshi shalligito Yesuusi oogoona shimaayooch bi kechitoyee gubbiye.

Yowannisi 12:23

Yesuusiyoo ishichiꞌi boonoshich wochiye: “Ashi Bushoo oogoon bi danemmi saato shaggitone.

Yowannisi 14:13

Bi Bushoo tawoo, Nihoo Yeerichi oogee yiiroon asheenaꞌoyich ta bekkiyemmoyich, ta shigoona ittoshi qolleebeeto bullin tuniyemmo taane.

Yowannisi 14:26

Tunebaani Nihoo Yeeri ta shigoona bi deejjemmi Yaafe Ayaano tuneti Kupphiyecho, aroo bulli mooyon ittoshich dojjemmone; ittoshich ta getteto bullin ittoshich shalligichemmone.

Yowannisi 16:14

Aroo ta waanee bi waayeton ittoshich gettemmone; ebina taan oogiyemmone.

Yowannisi 16:7

Tunetaa iberoon ittoshich gettoye: Ta hamo qayigaata, Kupphiyecho ittoshi waan waataachemmone; ebich ta hamo ittoshich gaawiye. Ta hamigaata, biin ittoshich deejjemmo taane.

Yowannisi 17:1

Yesuusiyoo bi dabbeenaꞌoyich ebi bullin bi gettitoyee gubb, kaama shimaajj ciinniꞌi ishichiye: “Ta Nihoocho, saato shaggitone; ne Bushoo ta neen oogiyemmoyich taan oogiibe.

Yowannisi 17:5

Ta Nihoocho, alemo halleyaan beetaa, neenna tookkaa ta beehooba taan ne oogiyoommon andoo ne beetoochaa taan oogiibe.

Yowannisi 20:22

Ishin bi gettitoyee gubb boonoshi toommooch kachiichii, ishichiye: “Yaafe Ayaanoon deꞌote;

Yowannisi 6:14

Arooch beeti asheenaꞌo Yesuusi tuniiti malletoon beeggiꞌi, “Iberoon hini uro ‘Alemooch woyemmone’ getteeti Keemechone” iyeete.

Yowannisi 7:12

Dofee asheenaꞌo daggoochee ikkikkeenaꞌo bi toommooch oogichii guruuxii beeheete. Ikkikkeenaꞌo “Gaawe uroone” iyeete; tunebaani bareenaꞌo wotta “Gaaweyaanoone; asheenaꞌon muricii beetone” ii beeheete.

Yowannisi 8:54

Yesuusi ishichiꞌi boonoshich wochiye: “Ta, ta qelloon ta oogiigaata ta oogo duuboone. Taan oogiibeeto, ittoshi ‘No Nuggishoone’ ii beeti ta Nihoone.

Mishiraachechinaꞌo 19:2

Boonoshinoo “Mulloon Yesuusi toommooch ittoshi tooꞌiihooba, Yaafe Ayaano ittoshi toommooch kindite?” iꞌi echehe. Boonoshi wochiꞌi, “No toommooch kindaanoone; Yaafe Ayaanee beemonolla waayeyaano noone” iyeete.

Mishiraachechinaꞌo 2:17

‘Yeeri ishichii beetone: “Yemeenee ciirooba ebiyoommon tunemmone: Meeno taheti asho bulli toommooch ta Ayaanoon woniyemmo taane. Ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi gurimaasheenaꞌo yaaꞌoon beeggemminaꞌone; geeneenaꞌoo gumon gummemminaꞌone.

Mishiraachechinaꞌo 2:33

Andoo Yeerichi qanne badd oogoona koteꞌi bi Nihoo Yeeri gibenikkiti Yaafe Ayaanoon bi waanee deqqiꞌi, hini and ittoshi beeggii beetonaa waayee beetonon ukkiye.

Mishiraachechinaꞌo 2:38

Pheexiroosi wochiꞌi, “Axaaxee gommoochee Yeer waan wottebote. Yeeri ittoshi axaaxoon bi maaremmoyich, ittoshi ikkikkoona Yesuus Kiristoosichi shigoona aacona afaalleebote; Yaafe Ayaanee wojjoon deqqemmo ittoshine.

Mishiraachechinaꞌo 2:4

Boonoshi bulli Yaafe Ayaanoona ceenniyeete; bekkech Yaafe Ayaano boonoshich hakkoon imaa boonoshi ariyaani noonoona yibbaateheete.

Mishiraachechinaꞌo 3:13

Abrahami, Yisaaqinaa Yaaqobinochi Nuggishoo, biyoo no qaabbechinaꞌochi Nuggishoo, bi Bushoo Yesuusin oogiihe. Tunebaani ittoshi bi qitemmoyich beshiiꞌi immiyote. Phelaaxoosi biicha bi gabaa, bi aafoochaa nookkehote.

Mishiraachechinaꞌo 4:31

Boonoshi corootitoyee gubb, boonoshi kiceeti xaaꞌoo shuuriye. Bulliyoo Yaafe Ayaanoona ceenniyeete; aroochee Yeerichi qaaroon aafoon kuppheꞌi gettiyeete.

Roomi 8:9

Tunebaani ittoshi, Yeerichi Ayaano ittoshi mullooch bi beegaata, Yeerichi Ayaanoyich hajjeeꞌi beehotalli, meenoyich hajjeeꞌi beetaachote. Illa Kiristoosichi Ayaano biich aallo bi tunegaata, aroo Kiristoosicho toonoone.

2 Qorontoosi 3:8

Yaafe Ayaanee maddoo aroyee am shaahe beshaa beshe oogee yiirecho tunehe?

Efesooni 4:30

Yeeri ittoshin biishemmi aabo woyemmo tunoon xiishiibeeti yechiyoo, ebiyoo ittoshi toommooch malletoon tuniiꞌi Yeeri gedditi bi Yaafe Ayaanoon ayinikkiyaahote.