Yowannisi 7:37 - Kafa Linguistics Project

³⁷ Baaree ciiroochee qaabbe aabooba Yesuusi neexee bi qaaroon oogichiꞌi, “Koniyoona shacheweto bi beegaata, ta waan waaree uye.

Yowannisi 7:37 ပူးပေါင်းရင်းမြစ်များ

Nehimi 8:18

Batti batti aaboochee tiijjiꞌi ciirooch beddaahaa, Iziri qemi qemona Yeerichi Sheeree Macaafoon shemmee beehe. Boonoshiyoo baaroon shabaatte qemi wottoon baariyeete; shimittinnee qemooba sheerooch bi getteetoommon, yaafeeti kiceyee aaboon tuniiheete.

Shoddo 143:6

Ta kishoon ne waan yaggiyoye; shuuꞌi showoo amiyon qaatoommon ta kashe neen qaatiyane.

Shoddo 42:2

Ta kashe Yeerin, beeyechi Nuggishoon shachewehane; hamiree Yeeri aafoon ta beeggemmo aatane?

Shoddo 63:1

Yeero, ne ta Nuggishoo neene; neen oogichaꞌa qaawaabeeto taane; aachaalli shuuꞌi showoochaa, ta kashe neen qaatiyane; ta meenoo neen sharaatehe.

Shaahiyoo 1:20

Shalligee, gommoochaa cookaa beetine; addibaaboochaa qaaroon oogichaꞌa bunnaa beetine.

Shaahiyoo 8:1

Shalligee ceeggaa beetaachane? Gabeyoo cookaa beetaachane?

Shaahiyoo 8:17

Taan shunnii beetinaꞌon shunnehoye; kupphiiꞌi taan qaawii beetinaꞌo taan danemminaꞌone.

Shaahiyoo 8:3

Katemooch gimi kellee gaꞌoochaa ishichaꞌa cookaa beetine:

Shaahiyoo 9:3

Katemee xoobeenaꞌoochaa ishichi boonoshi ataallemmoyich bi gonneenaꞌon wochaa daachiyaꞌa,

Solomooni 5:1

Ta manee ta woꞌeene, ta budooch waato taane; ta hareboonaa ta qimaamoonon macito taane; ta eeyon bi neechoona maato taane; ta woyinee uyoonaa ejjoonon ucheto taane. Nuucheenaꞌote, maa uyote; shunechinaꞌote, ittoshi michimmi wottoon uyote.

Isiyaasi 12:3

Wodee xuuphoochee aacon emiroona kittemmo ittoshine.

Isiyaasi 40:2

“Bi guuchittinee yemeeno ciiroon, bi axaaxoo maareyoon, Doono Yeer waanee gutte kishoon, bi axaaxee sheeroon bi deꞌon, Yerusaalemich maanjoona getote; biich awaajjibote” iye.

Isiyaasi 40:6

Ikke qaaro “Cookibe” iye; tawoo “Ama getiree cookibote?” iyo; biyoo “Meeno taheti asho bulli mocoommone; bi malleto bulliyoo gaddeexi mocee bungoommone;

Isiyaasi 44:3

Shacheweti showooch aacon, woniyemmo taane; shuuqqiti showoochoo aachi xuuphoon kichemmo taane; ta Ayaanoon ne shiijjereenaꞌo toommooch, ta diiroonoo ne yareenaꞌo toommooch, ukkemmo taane.

Isiyaasi 55:1

“Shachewetinaꞌote, ittoshi bulli aacooch wobote; ittoshi kememmi gijjaalleenaꞌote, waaree keme mamote. Woyinoonaa ejjoonon gijjaalloon, gatiyaalloon kemebote.

Isiyaasi 55:3

Ittoshi waamon gaꞌiiree ta waan wobote; kashoona ittoshi beeyemmoyich waayebote. Daawitich ta giyeti manje shunoona, bulli yemeenee wogoon ittoshina tookki giyemmo taane.

Isiyaasi 58:1

Doono Yeeri ishichiye: “Ne qaaroon qoophaanoon oogiiree cookibe; ne qaaroo shametoochoommon sharaalliibe; ta asheenaꞌoyich boonoshi xuꞌoon, Yaaqobichi yareenaꞌoyich boonoshi axaaxoon gete.

Erimiyaasi 16:19

Ta hakkoo, ta giidoo, iritee aabooboo ta deebo tuneti Doono Yeero, showee tuggoochee aageteenaꞌo ne waan waaree, “No qaabbechinaꞌo kootoon, duube mooyon, boonoshich gaacaani mooyon woraashitinaꞌone” gettemminaꞌone.

Erimiyaasi 2:2

“Hamiree Yerusaalemi asheenaꞌochi waamooch awaajjibe; Doono Yeeri ishichiye gete: ‘Bushaa ne beehooba gibeneeti ne tunoon, woꞌee shunoommi ne shunoon, barahoochaa, amoonolla shakkiyaani showoochaa, taan ne dabboon shalligiyoye.

Hiziqeeli 47:9

Aaco hammiibeeti xaaꞌoo bulliich shuuriibeeti kashechi halloo bulli beeyemmone; meeti haasheenaꞌo arooch beeyemminaꞌone; ebi aaco aroona hammitoyich bahareexi aacinaꞌo xallemminaꞌone; ebi aaco hammito bulliich kashechi mooyo beeyemmone.

Leweenaꞌo 23:36

Qemi qemona shabaatte qemi wottoon, Doono Yeeri taach micciibeeti deejjoon giddiibote. Shabaattee ciirooba taach goyinnoyich yaafeeti kiceyoon kiceebote. Maayi buuroonoo giddiibote. Shuunoon shuuneyaahote.

Leweenaꞌo 23:39

“ ‘Maayoon budoochee ittoshi kicitoyee gubb, shabaattinnee agenee aaraa uuchinnee qemoochee tiijjiree, shabaatte qemi wottoon, Doono Yeeri taach baaroon baaribote. Batti batti aaboonaa ciireexi aaboona yaafeeti kashee aabo tunebe.

Mikiyaasi 6:9

Ariyechi asho Doono Yeerin shattii beetone; Doono Yeeri Yerusaalemi asheenaꞌon ceeggiꞌi ishichiye: “Katemooch kiceeti iiteenaꞌote, waayebote!

Zakaariyaasi 9:15

Beshe Mawe Doono Yeeri boonoshin quyemmone. Boonoshi etteenaꞌonoo aalliyemminaꞌone. Etteenaꞌochi xeppellee xaqqoon neexxemminaꞌone; woyinee uyoon uchii masheti ashichoommon cookemminaꞌone. Boonoshi etteenaꞌochi damoo, deejjee damoo saanooch ceenniꞌi ufoommon ufemmone.

Haddoo 29:35

“ ‘Shimittinnee qemooba yaafeeti kiceyoon kiceebote. Shuunoon shuuneyaahote.

Maatiyoosi 11:28

“Hini maraatetinaꞌonaa shaago maggetinaꞌonote, ta waan wobote; tawoo ittoshin kashiyemmo taane.

Maatiyoosi 3:3

Keemechi Isiyaasina: “ ‘Doonochi gommon qanniibote; bi woretoonoo kaachi qaxxebote’ iibee barahoochaa cookiibeeti ashi qaaro” getteeto hinine.

Maatiyoosi 5:6

Yeeri aafooch cadiqoon tunoyich, oogichii qaatii beetinaꞌo diireetinaꞌone; Yeeri boonoshi qaatiton ceechemmone.

Yowannisi 1:23

Biyoo wochiꞌi, keemechi Isiyaasi gettitoommon “ ‘Doonochi gommon kaachi qaxxebote’ iibee barahoochaa cookiibeeti ashi qaaro taane” iye.

Yowannisi 14:6

Yesuusi wochiꞌi, “Gommonaa iberoona, kashoonoo taane; ta waanaa tuno bi qayigaata Nihoo Yeer waan womon hakkemmo koniyoona aalloone.

Yowannisi 4:10

Yesuusi wochiꞌi ureyich “Yeeri immiibeeti wojjoon, wotta ‘Aacon taach imbe, uyona’ ii beeti ta koni ta tunoonon, ne ariito gaata, ne taan qolleshi neene; tawoo kashee aacon neech immesho taane” iye.

Yowannisi 4:11

Ure “Ta doonocho, ne kittemmi qiico neech aalloone; aachi oppoo genjoone. Illa kashee aacon amoochee deebenne?

Yowannisi 4:14

tunebaani ta immaabeeti aacoochee uchiibeeto koniyoona bulli yemeenoon shacheweyaachemmone. Ta immaabeeti aaco bi maacooch bulli yemeenee kasho xuupphiibeeti tunoo tunemmone” iye.

Yowannisi 5:40

Tunebaani kashoon danoyich ta waan womoyich shunaachote.

Yowannisi 6:35

Yesuusi ishichiꞌi boonoshich wochiye: “Kashee kosho taane; ta waan waabeeto cir shaaceyaachemmone; bi mulloon ta toommooch tooꞌiibeeto, bulli yemeenoon cir shacheweyaachemmone.

Yowannisi 6:37

Shimaayoochee ta kindito, taan wocheti Yeerichi daaggoon tuniyoyichalli, ta daaggoon tuniyoyich toonoone. Ebich ta Nihoo Yeeri taach immito bulli ta waan woyemmone; ta waan waammo bullin cir maaxooch kichi dufaachemmo taane.

Yowannisi 7:28

Ebich Yesuusi yaafee kexoochaa dojjiibee bi qaaroon oogichiꞌi ishichiye: “Taanoo ariibeeto ittoshine; amoochee ta waato gaata ariibeeto ittoshine. Ta, ta qelloona waataano taane; tunebaani taan wocheto gibeneetone; ittoshi biin ariyaano ittoshine.

1 Qorontoosi 10:21

Doono Yesuus Kiristoosichi xoofoochee uyibee, yinneenaꞌo xoofoochee wotta uyon hakkaachote; Doono Yesuus Kiristoosichi madoochee maabee, yinneenaꞌochi madoochee wotta mamon hakkaachote.

1 Qorontoosi 10:4

boonoshi bulliyoo ikke ayaanee uyoon uchiyeete; ebinoo boonoshin dabbiibeeti ayaanee Xaqqee Inderoochee uchitinaꞌone; are ayaanee Xaqqee Inderoo Kiristoosine.

1 Qorontoosi 11:25

Ebiyoommon wotta gifiree hillooch xoofoon tiijjiꞌi ishichiye: “Hini woyinee uyo Yeeri ta damoona bi neechemmi andire wogee malletoone; ebin ittoshi uchimmi aabo bullina taan shalligoyich uyote” iye.

1 Qorontoosi 12:13

Ebiyoo Ayihudoon tunebon, Giriikoonoo tunebon, guunonoo tunebon, doononoo tunebon, ikke ashittinoon tunoyich ikke Yaafe Ayaanoona no afaalleetoyichiye; wotta Yeeri are ikke Yaafe Ayaanoochee no bullich bi uchitoyichiye.

Efesooni 5:18

Yaafe Ayaano ittoshi kashooch ceenalli, woyinee uyoona masheyaahote; masho bechiibeeto cooneyoochiye.

Yaaꞌoo 21:6

Wotta taach ishichiye: “Illa mooyo bulli ceennitone. Alfoonaa Oomeegoona, Shiichoonaa Tacona taane; shachewetoyich kashee aachi xuuphoochee baad cikki immemmo taane.

Yaaꞌoo 22:1

Ebi are maraakoo Yeerinaa Bagoonochi taatee qeenoochee kechii, are katemee daggeexi ooge gommi gutte daggoona ufeebeeti, biriloochoommon wacciibeeti kashee aacon taach bekkiihe. Aachi okkinaa hachinooch agen agenoona aafeebee, natooch aaraa gutte wottoon aafeebeeti kashee mixo beehe; hini are michi waamo aageteenaꞌon wodiyoyich gaacciibeeti attoone.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.