Yowannisi 7:30 - Kafa Linguistics Project

³⁰ Ebich asheenaꞌo daggoochee ikkikkeenaꞌo biin yecha qaawii beeheete; tunetaa bi aabo batt shagaano bi tunetoyich koniyoona biin yeshaanoone.

Yowannisi 7:30 ပူးပေါင်းရင်းမြစ်များ

Shoddo 76:10

Yeero, ippechi asholla neen galletemmoyich tuniihine; ginoochee muriccitinaꞌo ne baaroon baariyeete.

Isiyaasi 46:10

Ciirooch tunemmi mooyon shiichaꞌa awaajjito taane; meeti yemeenoyee aaf, amo tunemmo gaata getteto taane. ‘Ta ciico manjoone; ta daaggoo bullin ceechemmo taane’ ito taane.

Maatiyoosi 12:14

Ebich arooch beeti Fariseenaꞌo kechiꞌi, “Hini Yesuusin aabichiree wuxibona?” iꞌi echeeheete.

Maatiyoosi 21:46

Ebich Yesuusin yecha qaawiyeete; tunetaa dofee asheenaꞌo Yesuusin “Keemechone” iꞌi boonoshi gabii beetoyich boonoshin shattiyeete.

Maariqoosi 11:18

Qeeshee ukkireenaꞌonaa Muusichi Sheeree dojjechinaꞌona ishin waayeꞌi, “Hini uroon aabichiree wuxibona?” iꞌi gommon qaawiyeete. Ebiyoo asheenaꞌo bulli Yesuusi dojjiti doyoona worganetoyich biin shattiꞌiniye.

Luqaasi 20:19

Qeeshee ukkireenaꞌonaa Muusichi Sheeree dojjechinaꞌona “Ebi shaahiyoona noonalli bi gettiibeeto” iꞌi, areegaata Yesuusin yecha qaawiyeete; tunetaa dofee asheenaꞌon shattiꞌi qajjiyeete.

Luqaasi 22:53

Yaafee kexooch bulli aaboon ittoshina tookkaa ta beehooba taan yeshaano ittoshine; tunebaani and ebi ittoshi aaboonaa manderee taatoochi aaboonane” iye.

Yowannisi 10:31

Arooba Ayihudeenaꞌo biin yexiree wuxiya wochinnoon xaqqoon tiijjiyeete.

Yowannisi 10:39

Ebich wochiꞌi biin yecha qaawiyeete; tunetaa boonoshi kishoochee muricciye.

Yowannisi 11:57

Aroyee aaf qeeshee ukkireenaꞌo, Fariseenaꞌoo biin yecha qaawiꞌi, “Yesuusi beeti xaaꞌoon ariibeeti asho bi beegaata, waaree nooch gete” itinaꞌone.

Yowannisi 7:19

Muusi Yeerichi sheeroon ittoshich imaache? Tunebaani ittoshi daggoochee are sheeroon quyeebeeto ikkolla aalloone. Taan wuxoyich aakkiya qaawii beetote?” iye.

Yowannisi 7:32

Asheenaꞌo ebi mooyon tiijjiꞌi Yesuusichon guruuxeebee boonoshi yibbaatee beetaa, Fariseenaꞌo waayeheete. Ebich qeeshee ukkireenaꞌo, Fariseenaꞌoo biin yechiya yaafee kechi kellechinaꞌon wocheheete.

Yowannisi 7:6

Yesuusi boonoshich ishichiye: “Ta aabo batti shagaanoone; tunebaani amee aabolla bi tunetaa, ittoshich kaamoone.

Yowannisi 7:8

Ittoshi hini baarooch hambote; ta aabo batt shagaanoone. Ebich hini baarooch hamaache” iye.

Yowannisi 8:20

Yesuusi eboshi bullin bi gettito, yaafee kexooch beeti gijjee kicee qiicee gaꞌoochaa dojjiibeeniye. Tunebaani bi aabo shagaano bi tunetoyich, koniyoona biin yeshaanoone.

Yowannisi 8:37

Abrahamichi yaroo ittoshi tunoon ariibeeto taane; tunebaani ta getteti qaaroon iberiyoo ittoshi qajjitoyich, taan wuxoyich qaawiyote.

Yowannisi 8:59

Ebich biin xaqqoona yexiree wuxiya iꞌi xaqqoon tiijjiyeete. Tunetaa Yesuusi boonoshich tuusheehe; yaafee kexoocheenoo kechiꞌi hammiye.

Yowannisi 9:4

Areddoo beetaa, taan wocheti Yeerichi shuunoon tuniyoo nooch qaawiihe; koniyoona shuunoon hakkaachemmi xumo woyemmone.