Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yowannisi 7:28 - Kafa Linguistics Project

28 Ebich Yesuusi yaafee kexoochaa dojjiibee bi qaaroon oogichiꞌi ishichiye: “Taanoo ariibeeto ittoshine; amoochee ta waato gaata ariibeeto ittoshine. Ta, ta qelloona waataano taane; tunebaani taan wocheto gibeneetone; ittoshi biin ariyaano ittoshine.

အခန်းကိုကြည့်ပါ။ ကော်ပီ




Yowannisi 7:28
46 ပူးပေါင်းရင်းမြစ်များ  

Doono Yeero, neen gibenee beetinaꞌon dufaano ne tunetoyich, ne shigoon arii beetinaꞌo bulli neen gibeneheete.


Asho bi ikkikkoona bi giyoon, asho bi ikkikkoona bi manoon ‘Doono Yeerin ariibe’ geti dojjaachemmone; ebiyoo giishoochee oogooch beddaahaa, bulliyona taan ariyemmo bi tunetoyichiye. Boonoshi xuꞌoon maaremmo taane; boonoshi axaaxoonoo gabaachemmo taane” iye Doono Yeeri.


Xuꞌee toommooch xuꞌoon, maree toommooch maroon, daakkiyeete; taan ariyemmonoo qajjiyeete” iye Doono Yeeri.


Israꞌeeleenaꞌote, gibeneyoo, shoodeyoonaa Doono Yeerin ariyoona showee toommoochee bi aalletoyich, showee toommooch beetinaꞌon Doono Yeeri ittibatee beetone. Ebich Doono Yeerichi qaaroon waayebote!


“Yahee ayaano Israꞌeeleenaꞌo daggooch bi beetoyich, Doono Yeerinoo ariyoo boonoshi qajjitoyich, boonoshi Nuggishoo waan boonoshi wottemmoyich boonoshi shuunoo boonoshin daaggaanoone.


Wotta Yesuusi asheenaꞌoyich, “Ta Nihoo bulli mooyon taach immitone. Nihoo Yeeriyee damba Yeerichi Bushoo taan ariibeeto aalloone; Yeerichi Bushoo tayee besh, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeerin ariibeeto aalloone.


Naazireeti katemooch kotehe. Ebich Yeerichi keemechinaꞌona “Kiristoosi Naazireetecho getteyemmone” iꞌi bi gettito ceenniye.


Arooba Yesuusi dofee asheenaꞌoyich “Bokkoon yeshoommon taan yecha goraadoonaa yeelloonon yechiꞌi waahote? Yaafee kexooch bulli aaboon kotaꞌa dojjaa ta beehooba, taan yeshaano ittoshine.


Aree hillooch “Ta Nihoo bulli mooyon taach immitone; Nihoo Yeeriyee damba Yeerichi Bushoo taan koni ta gaata ariibeeto aalloone. Yeerichi Bushoo tayee beshetaa, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeeri koni bi gaata biin ariibeeto aalloone” iye.


Hanaach Daawiti Katemooch Wodiyecho ittoshich shiijjetone; biyoo Kiristoosi getteeti Doonone.


Yooseefinaa Maariyamina Doonochi Sheeree Macaafooch kooreeto bullin boonoshi ceechitoyee gubb, Galiilee showooch beeti boonoshi katemoo Naazireet wotteheete.


Yooseefi wotta Daawitichi yaroonaa yoodoona bi tunetoyich, Galiilee showooch beeti Naazireetee tiyiꞌi, Yihudee showooch beeti Beetilehemi getteebeeti Daawiti Katemooch,


Aroochee boonoshina tookkii wotteꞌi Naazireet hammiye. Boonoshichoo deꞌa iꞌi wochee beehe. Bi indeyoo hini mooyo bullin bi mullooch kotii beehan.


Naatinaꞌeeliyoo “Naazireetee deꞌe mooyo kechehe?” iꞌi echehe. Filipphoosiyoo “Waaree beege” iye.


‘Yeerichi Bushoo taane’ ta itoyich Nihoo Yeeri yaafiton, alemoochoo bi deejjiton ‘Naagahine’ iyote?


Ta qellee hakkoona getaano taane; tunebaani amoon ta gettemmo gaata, aabichiree ta gettemmo gaatoo taach gettito taan deejjiti Nihoo Yeerine.


Tawoo Nihoo Yeerina ta beemon, Nihoo Yeeriyoo taanna bi beemon iberiyaachine? Ittoshich ta gettaabeeti qaaroon ta gettaabeeto, ta waanee toonoone; tunebaani ebi bi shuunoon shuuneebeeto, taanna beeti Nihoo Yeerine.


Tunebaani Nihoo Yeerin ta shunon alemo ariyemmoyich, Nihoo Yeeri ‘Tuniibe’ bi ito bullin shuunaabeeto taane. “And tibote; hiniichee hambone” iye.


Ebin ittoshi toommooch boonoshi tuniyemmo, Nihoo Yeerinoo taanoo boonoshi tuushitoyichiye.


“Cadiqe ta Nihoocho, alemo neen ariyaanoone; tunetaa ta neen ariito taane; eboshiyoo taan ne deejjoon ariitinaꞌone.


Ibere Nuggishoo ne baach tuneti neen boonoshi ariyoo, wotta ne deejjiti Yesuus Kiristoosin boonoshi ariyoo, ebi bulli yemeenee kashoone.


Biyoo xumoona Yesuus waan waaꞌi, “Dojjechocho, Yeeri biinna tookkii tunetoyee damba, ne tuniibeeti hini worganikkiti malleteenaꞌon tuniyoon koniyoona hakkaache. Ebich dojjecho tunaꞌa Yeer waanee ne womon ariibeeto noone” iye.


Bi miixee beeton iberiito, Yeeri iberoo bi tunoon miixetone.


Taachon miixeebeeti baroo beetone; biyoo taachon miixee bi beeti miixo iberoo bi tunoon ariibeeto taane.


Ta, ta Nihoochi shigoona waato taane; tunebaani ta yibbaatoon iberiyaano ittoshine. Baroo bi shigoona bi waagaata, bi yibbaatoon iberiibeeto ittoshine.


“Hini bi nihoonaa bi indeenon no ariibeeti Yooseefichi bushoo Yesuusi toone? Ishigaata, aabichiꞌi ‘Shimaayoochee kindito taane’ iye?” iyeete.


Baaree shabaattee daggooch Yesuusi yaafee kexooch hammiꞌi asheenaꞌoyich dojjooch giyiye.


Yesuusi wochiꞌi boonoshich ishichiye: “Ta, ta qellichon amoonolla ta miixetaa, amoochee ta waato gaata, amooch ta hammemmo gaata ariibeeto taane; ebich ta miixo gibeneetone. Tunetaa ittoshi amoochee ta waato gaata, amooch ta hammemmo gaata ariyaachote.


Taan wocheti Nihoo Yeeri taanna tookkiinalli ta ikkeeto toono taane; ebich ta nalligaata, ta nalloo iberoone.


Ebich boonoshi “Ne nihoo aabiichiye?” iꞌi echeheete. Yesuusi wochiꞌi, “Taan woyee ta Nihoon ariyaachote. Taan ittoshi ariito gaata, ta Nihoon wotta ariyesho ittoshine” iye.


Ittoshich ta gettemmo, ittoshi toommoochoo ta nallemmi wodde mooyo beetone; tunetaa taan deejjito ibere moochechone; tawoo bi waanee ta waayeton alemoyich gettoye” iye.


Yesuusiyoo boonoshich ishichiye: “Ta Yeer waaneeniye ta waato. Ebich Yeeri ittoshi Nihoo gaata, taan shunnesho ittoshine. Bi taan wochetenalli, ta, ta aalla waataano taane.


Yeeri Muusich bi geton no ariibeeto noone; tunebaani hini uro amoochee bi waato gaatoona ariyaano noone” iyeete.


Ishichaa ta gettaabeeto, ittoshi goyinneebeeti xaaꞌeenaꞌon guuddaa beeggaꞌa, ‘Aricheyaani nuggishoo’ getaa kooreeti deejjee xaaꞌoon ta danetoyichiye. Illa and ittoshich ta gettaabeeto, ‘Aricheyaani nuggishoone’ iꞌi ittoshi goyinneebeeto, koni bi tunooniye.


Yeerin ariyoon gaacaallo shaahiiꞌi boonoshi gabitoyich, tuneyaani mooyon boonoshi hallemmoyich, Yeeri boonoshin qajjiye; ebich xumme gaboon baach gabiyeete.


Ciroona echiyaache. “Ne noonoochee kechiibeeti qaaroona cadiqo ne tuno asho bullich bekkemmone; neenna taggee beetinaꞌon xoobiyemmo neene” getaa bi kooreetoommon, asho bulli kooto bi tunetaanoona, Yeeri iberoone.


Yeeri gibeneeto bi tunetoyich, ittoshich no gettaabeeti qaaro eeha iichii, wotta toonoone ii beeti gutte heciyoona toonoone.


“Manderooch bekko bekkebe” iti, Kiristoosichi barooch wacciibeeti bi oogee yiiree ariyoon bekkiibeeti bekkoon imma no mullee daggooch aaxxiito, Yeerine.


Ebi mullee tooꞌiyoonaa iberoon ariyoona bulli yemeenee kashoon danee gibenee toommooch neexetone; ebi kashoyichoo kootaani Yeeri, yemeeno bulliyee aaf gibenikkitone.


Illa hini are gutte mooyinaꞌo shaddeyaachemminaꞌone; Yeeri kootoone getaachemmi mooyinaꞌone; ebich no aafooch beeti gibenoon danoyich Yeerichi shoobooch giyeti no, oogeton goggemmo noone.


mulloon Yeeri Bushoo toommooch tooꞌii beetoyich Yeerichi miixo bi mullooch beetone; Yeerichon iberiyaano Yeeri bi Bushoochon miixeton bi iberiyoo qajjitoyich, Yeerin kootiitone.


Eeli bushiisheenaꞌo gaacaalleenaꞌone; Doono Yeerin ariyaani asheenaꞌone.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ