Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yowannisi 7:26 - Kafa Linguistics Project

26 Ebiyoche, kaacha gettii beehe amoone! Boonoshiyoo amoonolla getaacheete. Iberoon ukkireenaꞌo hini uro Kiristoosi bi tunoon ariiꞌi tunehe?

အခန်းကိုကြည့်ပါ။ ကော်ပီ




Yowannisi 7:26
21 ပူးပေါင်းရင်းမြစ်များ  

Gonde asho, koniyoona biin yoohaanoon wocciye; tunebaani cadiqo daaheroochoommon keqqaalloon beehe.


Dayinnetoon showee toommooch bi tuniimmi wottoon, taahaachemmone; gibenoon kuxaachemmone; baharee gashoonaa buure showoonooch beetinaꞌo bi sheeroon waayoyich qaatemminaꞌone” iye.


Boonoshi dabbeenaꞌon Heroodisi asheenaꞌona tookkii Yesuusin boonoshi echemmoyich daachiiheete. Boonoshiyoo hammiꞌi, “Dojjechocho, ibere moochecho ne tunoon, ibere mooyona Yeerichi gommichon ne dojjoon ariibeeto noone. Ashoon giisho, oogoo getaachine; ebich konicholla beshii shappii dabiyaachine.


Arooba Phelaaxoosi qeeshee ukkireenaꞌon, bare nallechinaꞌonaa asheenaꞌonon ikkooch ceekkiiꞌi


Tunebaani Fariseenaꞌonaa Muusichi Sheeree dojjechinaꞌona “Ebi nooch toonoone” iꞌi Yeerichi daaggoon hoxeꞌi Yowannisina afaalleyoon qajjiyeete.


Arooba Ayihudee ukkireenaꞌo daggoocheenolla meetinaꞌo boonoshi mulloon Yesuusi toommooch tooꞌiiheete; tunebaani Fariseenaꞌo Ayihudeenaꞌo kiceebeeti kexoochee boonoshi yoohaachemmoyich, xalla kichii getaaneenaꞌone.


Yesuusiyoo wochiꞌi, “Asheenaꞌo bullich kaacha getteto taane; Ayihudeenaꞌo kiceebeeti kexonaa boonoshi bulli ikkooch kiceebeeti yaafee kexonoochaa bulli aaboon dojjito taane; aashoona gettaa ariyaano taane.


Fariseenaꞌochi guuphi daggooch Ayihudeenaꞌochi nallecho tuneti Niqoodimoosi getteebeeti ikke uro beehe.


“Ta tuniito bullin taach gettiti uroon waaree beegote! Aroo Kiristoosi tunehe?” iyan.


Arooba Yerusaalemee asheenaꞌo daggoochee ikkikkeenaꞌo ishichiyeete: “No ukkireenaꞌo wuxiya boonoshi qaawiibeeto, hini uroon toone?


Tunetaa asheenaꞌo daggoochee meetinaꞌo boonoshi mulloon bi toommooch tooꞌiiꞌi, “Kiristoosi waahooba, hini uro bekkiiti malleteenaꞌoyee beshoon bekkiyehe?” iyeete.


Ayihudee nallechinaꞌo woyee Fariseenaꞌo daggoochee ikkolla bi waan wotteto beete?


Biin shiyitinaꞌo ishichito, Ayihudee ukkireenaꞌon boonoshi shattitoyichiye. Ebiyoo Ayihudee ukkireenaꞌo “Yesuusi aroo Kiristoosine” iꞌi miixemmo bi danegaata, aroon Ayihudeenaꞌo kiceebeeti kexoochee boonoshi yookkemmoyich echee boonoshi itoyichiye.


Arooba kiceeti Ayihudee nallechinaꞌo Pheexiroosinaa Yowannisina aafoon kuppheꞌi boonoshi yibbaatoon beeggiꞌi, dojjechona tookkii boonoshi dicci qayonaa ogooge asheenaꞌo boonoshi tunee qayonon shalligiꞌi worganeheete; ebiyee aaf Yesuusina tookkii boonoshi beemon ariiheete.


Kittinnoo tuneti maneenaꞌo daggoochee meetinaꞌo ta cucheyee naboona beshoon Doono Yeerin gibenetinaꞌone; shataanoonoo Yeerichi qaaroon getoyich aafichoyee beshoon aafoon kupphee beetinaꞌone.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ