Yowannisi 7:17 - Kafa Linguistics Project

¹⁷ Koniyoona Yeeri shunniton tuniyoyich bi qaawigaata, aroo hini ta doyoo Yeer waanee bi tunoon woyee ta, ta qelloona ta geton ariyemmone.

Yowannisi 7:17 ပူးပေါင်းရင်းမြစ်များ

Shoddo 119:10

Ta ceeni mulloona ne waan wottehoye; ne geteenaꞌoochee ta keyaachemmoyich taan quyebe.

Shoddo 25:12

Doono Yeerin shattiibeeti asho konine? Bi qaawiti gommona biin dojjemmone.

Shoddo 25:14

Doono Yeeri biin shattii beetinaꞌoyich maaci bi mooyon aachaache; bi wogoon boonoshi ariyemmoyich tuniihe.

Shaahiyoo 28:5

Gonde asheenaꞌo dayinnetoon shalligaacheete; tunebaani Doono Yeerich goyinnee beetinaꞌo gaawichiꞌi shalligiyeete.

Shaahiyoo 3:32

Doono Yeeri xumme ashoon ciigehe; tunebaani kaame ashoyich bi maaci mooyon gaxxii gettiye.

Isiyaasi 35:8

Arooch gommo kechemmone; ebiyoo Yaafee Gommo getteyemmone; xalleyaaneenaꞌo aroona besheyaachemminaꞌone; aroona hammemminaꞌo Yeer asheenaꞌo baachiye; tuusheenaꞌo aroona hamaachemminaꞌone.

Daaneeli 12:10

Meeti asheenaꞌo boonoshi qelloon xalliyemminaꞌone; haattee kechitinaꞌonaa muricaalleenaꞌona tunemminaꞌone. Tunebaani gondeenaꞌo ebi mooyon shalligaaneenaꞌon tuneree, gondoon shuune beeyemminaꞌone. Tunetaa yiiteenaꞌo baach shalligemminaꞌone.

Hosee'i 6:3

Biin ariibone; biin no ariyemmoyichoo Doono Yeerin dabbibone. Iberoochaa maaddee aaboochoommon bekkemmone. Showoon shuxiibeeti naawee amiyochoommon no waan woyemmone” iyeete.

Mikiyaasi 4:2

Meeti aageteenaꞌo waaree ishichemminaꞌone: “Sheeroo Tsiyoonee, Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Milikiyaasi 4:2

Tunebaani taach shattiibeeti ittoshich cadiqee aabo kechemmone; bi kooyo ittoshin wodiyemmone. Xogoochee kechiibeeti maamochoommon keyiree bahemmo ittoshine.

Maatiyoosi 6:22

Daakkiꞌi ishichiye: “Ashittinee ceechoo geto aafoone. Illa ne aafo iiwoo tunegaata, ne ashittino bulli biremmone.

Luqaasi 8:15

Wotta qeemi showooch holliti yaroomminaꞌo geto, ibere gaawe mulloona Yeerichi qaaroon waayeꞌi ceechiibeeti asheenaꞌo getone; haaꞌiiꞌi aafoon aafee beetinaꞌone” iye.

Yowannisi 3:21

Tunetaa iberoo tuneti mooyon shuuneebeeto, Yeeri gettiton bi shuuno bekkemmoyich, bekko beetooch kechii beetone” iye.

Yowannisi 8:43

Ta gettaa beeton amoyich shalligaachote? Ta qaaroon waayo ittoshi mawiitoyichiye.

Yowannisi 8:44

Ittoshiyoo, ittoshi nihoo daabiloosichi bushiishoo ittoshine; ittoshi nihoochi qaatoon ceechoon shunniyote. Biyoo shiichiꞌi kashee kichechone; iberoo bi maacooch bi aalletoyich, iberee gommooch neexeyaanoone. Biyoo kootecho, kooto bullichi nihoone; ebich kootoon bi gettii beegaata, bi mullooch beeton gettiye.

Yowannisi 8:47

Yeericho tuneto, Yeerichi qaaroon waayehe; tunebaani Yeericho ittoshi tuno qajjitoyich, bi qaaroon waayeyaachote” iye.

Mishiraachechinaꞌo 17:11

Areenaꞌo Tasaloonqi katemooch beetinaꞌoyee gamini mullechinaꞌone; ebich “Bi gettiibeeti mooyo iberoo tunehe?” iibee qemi qemona Yaafe Macaafoon galliibee, Phawuloosi yibbaatoon ibere mulloona waayoyich dakii beeheete.