Yowannisi 6:9 - Kafa Linguistics Project

⁹ “Uuche gishiishi xekee sheqee koshonaa gutte haashoonon yechiti bushoo hiniich beetone; tunebaani hinin shaahe asheenaꞌoyich ebi amoon hallehe?” iye.

Yowannisi 6:9 ပူးပေါင်းရင်းမြစ်များ

1 Taateenaꞌo 4:28

Boonoshi ikkikkoyich qoceetoommon gaarin geechiibeeti haresheenaꞌonaa bare haresheenaꞌonoyich sheqoonaa buyoonon qaaweeti xaaꞌooch beddaahaa deebii beeheete.

2 Taateenaꞌo 7:1

Tunebaani Elisayi ishichiye: “Doono Yeerichi qaaroon waayebe! Doono Yeeri ishichitone: ‘Yaach ebi goora, Shamaari kellooch ikke qunnee gaawe buddino ikke sheqeelee birewoona, gutte qunnee sheqoo ikke sheqeelee birewoona kechemmone’ itone” iye.

Shoddo 147:14

Ne showee daaroon diggiihe; gaawe teepphoona neen michiihe.

Shoddo 78:19

Ishichiꞌi Yeeri toommooch yibbaateheete: “Yeeri barahoochaa maayoon nooch giddiyoon hakkehe?

Shoddo 78:41

Wochii wochii biin phireheete; Israꞌeelee Yaafoo ippemmoyich tuniiheete.

Shoddo 81:16

Tunebaani ittoshich gaawe teepphoon maanjesho taane; xaqqee gogginoochee kechiibeeti eeyona ittoshin michiyesho taane” iye.

Hiziqeeli 27:17

“ ‘Yihudinaa Israꞌeelina neenna tookkii giixee beeheete; Minitee showee teepphoon, shaawi mooyon, eeyon, zayitoonaa huutoonon qiicoona neech shaddii beeheete.

Maatiyoosi 14:17

Bi dabbeenaꞌoo “Hiniich nooch beeto uuche xekee koshonaa gutte haashoona baachiye” iyeete.

Maatiyoosi 16:9

And beddaahaa ittoshi mullooch giyaache? Uuche xekee koshon uuche hume ashich tiichaa ta qoodiyooba, echeti ambiche mokkoon ittoshi tiijjito gaata shalligaachote?

Maariqoosi 6:38

“Ittoshich ambiche kosho beete? Eke hami beegote” iye. Boonoshiyoo hammii beeggiꞌi, “Uuche xekee koshonaa gutte haashoona beete” iyeete.

Maariqoosi 8:19

Uuche xekee koshon uuche hume ashich tiichaa ta qoodiyooba, echeti ooyoon ambiche mokkee ceenoniye ittoshi tiijjito?” iye. Boonoshiyoo wochiꞌi, “Aaraa gutte mokkee ceenoniye no tiijjito” iyeete.

Luqaasi 9:13

Tunetaa Yesuusi wochiꞌi, “Ittoshi maanjibote” iye. Boonoshiyoo “Uuche xekee koshonaa gutte haashoonoyee damba nooch aalloone; hammaa daakkaa no kemo qayigaata, hini dofee asho bullich bedaache” iyeete.

Yowannisi 11:21

Maarittiyoo Yesuusich “Ta Doonocho, hiniich ne beeto gaata, ta manoo qitaacheshone.

Yowannisi 11:32

Maariyami Yesuusi beetooch waa biin ciinnaa bi baatooch dihaꞌa, “Ta Doonocho, hiniich ne beeto gaata, ta manoo qitaacheshone” iyan.

Yowannisi 21:10

Yesuusi “And ittoshi yechiti haashoochee taach deebote” iye.

Yowannisi 21:13

Yesuusiyoo giddee koshon tiijjiꞌi boonoshich immiye; daakkiꞌi haashoonoo immiye.

Yowannisi 21:9

Showooch boonoshi kinditoyee gubb, koshonaa shoohaa gecheti qaaqqee toommooch beeti haashoonon beeggiyeete.

Yowannisi 6:11

Yesuusiyoo koshon tiijjiꞌi Yeerin galletehe; arooch koteti asheenaꞌoyichoo bi beddemmoyich tuniihe. Ebiyoommon wotta haashoocheenoo boonoshi qaawiti wottoon boonoshich bi beddemmoyich tuniihe.

Yowannisi 6:7

Filipphoosi “Boonoshi qelli qelloona giishi giishecheenolla boonoshi maagaata, gutte balle diinaaroona kosho kemetaa boonoshich bedaache” iꞌi wochiye.

2 Qorontoosi 8:9

No Doono Yesuus Kiristoosichi gaawe wojjoon ariito ittoshine; aroo amoommon gaannecho bi tunetaanoona, bi giroona gaannecho ittoshi tunemmoyich, ittoshicha iꞌi girechon tunehe.

Yibbaatoo 32:14

Gurimoon miimoochee, ejjoonoo emmishoochee, aangechi bagoonaa emmishoonon, Bashaanee gaaweti bagee baaddoon, gaawe teepphoonaa woyinee uyoonon ittoshich maanjii uchiye.

Yibbaatoo 8:8

Wotta teepphoonaa sheqoona, woyinee qomboonaa balaasee mixona, romaanee mixonaa zayitee mixona, eeyoo beeti showoone.

Yaaꞌoo 6:6

Kashechi awudde halleenaꞌo daggoochee qaaro “Ikke diinaaroyich ikke kobbaye teepphoo, ikke diinaaroyich keejje kobbaye sheqoo tunebe; tunebaani zayitee mixonaa woyinee qomboonochi achooch shaggaahine” bi getaa waayeho.