Yowannisi 6:64 - Kafa Linguistics Project

⁶⁴ Tunebaani ittoshi daggoochee ebin iberiyaaneenaꞌo beetinaꞌone” iye. Yesuusi bi ishichito, bi toommooch mulloon tooꞌiyaaneenaꞌo aaboshigaata, biin beshiiree immemmo aabi gaata, shiichiꞌi bi arii beetoyichiye.

Yowannisi 6:64 ပူးပေါင်းရင်းမြစ်များ

Yowannisi 10:26

Tunetaa ittoshi ta bago ittoshi tuno qajjitoyich iberiyaachote.

Hibireena'o 4:13

Halleeti mooyinaꞌo bulli Yeeri aafooch xalle bekketinaꞌoani, bi aafooch aacheeti, oppeeti ikke mooyolla aalloone; Yeeri aafoochaanane no shuuneti mooyo bullich no echeyemmo.

2 Ximootiyoosi 2:19

Tunebaani koniyoona shuurikkoo hakkaani kechi giimboon Yeeri neechitone; are giimboo “Yeeri biichinaꞌon arii beetone”, wotta “ ‘Ta, Doono Yeericho taane’ ii beeto bulli gondoochee wohe” ii beeti maatemechone.

Roomi 8:29

Bi Bushoo Yesuus Kiristoosi meeti bi maneenaꞌo daggoochee qaabboo bi tunemmoyich, qaawiꞌi, Yeeri aafi bi ariyoona bi kaaccitinaꞌo bi Bushoon boonoshi shaahemmoyich shiichiꞌi maaccitone.

Yowannisi 6:61

Tunetaa Yesuusi biin dabbitinaꞌo ebi mooyoyich boonoshi guruuxoon bi mulloona ariiꞌi boonoshich ishichiye: “Ebi ittoshich xugoone?

Yowannisi 5:42

Tunebaani ta ittoshin ariibeeto taane; Yeerin ittoshi mulloona shunni ittoshi qayon ariibeeto taane.

Yowannisi 6:66

Ebichi naboona biin dabbitinaꞌo daggoochee meetinaꞌo gubb wotteheete; aroyee gubb biin dabbaaneenaꞌone.

Yowannisi 6:36

Ta ittoshich gettetoommon [taan] beeggito ittoshine; tunebaani ta toommooch mulloon tooꞌiyaachote.

Yowannisi 8:55

Biin ariyaano ittoshine; tunetaa ta ariibeeto taane. ‘Biin ariyaano taane’ ta getigaata, ittoshichoommon kootecho tunesho taane; tunebaani biin ariibeeto taane; bi gettitonoo ceechaabeeto taane.

Yowannisi 8:23

Yesuusi “Ittoshi hiniixo ittoshine; tunebaani ta damba shimaayeexo taane. Ittoshi hini alemeexo ittoshine; ta hini alemeexo toono taane.

Maatiyoosi 10:4

bi aagetoyich qanaateebeeti Simooni, Yesuusin beshiiꞌi immiti Asqorootechi Yihudi, eboshine.

Yowannisi 6:60

Yesuusin dabbitinaꞌoochee meetinaꞌo ishin waayeꞌi, “Hini ashoon giiriibeeti yibbaatoone; hinin waayoon hakkemmo konine?” iyeete.

Yowannisi 18:4

Arooba Yesuusi bi toommooch woyemmi mooyo bullin ariiꞌi kechii, “Koniniye ittoshi qaawiibeeto?” iꞌi echehe.