Yowannisi 6:51 - Kafa Linguistics Project

⁵¹ Shimaayoochee kinditi, kashoon immiibeeti kosho taane. Asho hini koshoochee bi maagaata, bulli yemeenoon beeyemmone. Showee toommooch beetinaꞌo kashoon boonoshi danemmoyich ta immemmi kosho ta meenone” iye.

Yowannisi 6:51 ပူးပေါင်းရင်းမြစ်များ

Maatiyoosi 20:28

Ashi Busholla wocheyoonaa bi kashoon meetinaꞌochi keroyich deejjoonoyich waahalli, boonoshi biich wocheebeete iꞌi waataanoone” iye.

Luqaasi 22:19

Wotta koshon tiijjiꞌi Yeerin galletehe; tiichiꞌi boonoshich immiibee, “Ittoshicha iyaꞌa deejjoon tunii ta immaabeeti ta meeno ebine; ebinoo taan shalligeechon tuniibote” iye.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 1:29

Bi dechara Yowannisi bi waan Yesuusichi womon beeggiꞌi ishichiye: “Ebiyoche, alemee axaaxoon hidi wokkiyemmi Yeerichi Bago!

Yowannisi 11:26

kashecho tuneꞌi bi mulloon ta toommooch tooꞌiibeeto bulli, cir qitaachemmone. Ebin iberiinne?” iꞌi echehe.

Yowannisi 3:13

Shimaayoochee kinditoyee damba shimaayooch kechito koniyoona aalloone; ebiyoo Ashi Bushoone.

Yowannisi 3:14

Muusi barahoochaa dingeroon michi toommooch bi yoodoommon, Ashi Bushoo yooddeyoo biich qaawiihe.

Yowannisi 3:16

“Mulloon bi Bushoo toommooch tooꞌiibeeto bulli, bulli yemeenee kashoon bi danemmonaa bi aalleyaachemmonoyich, Yeeri ikke bi Bushoon bi immimmi wottoon alemoon oogichii shunniye.

Yowannisi 3:36

Bi mulloon bi Bushoo toommooch tooꞌiibeeto, bulli yemeenee kashechone; bi Bushoo toommooch tooꞌiyaano, Yeerichi kaaree shiixxoo bi toommooch tunehalli, bulli yemeenee kashoon daneyaachemmone” iye.

Yowannisi 5:24

“Iberoon ittoshich gettoye: Ta qaaroon waayeebeeto, taanoo deejjiti Yeeri toommooch mulloon tooꞌiibeeto, bulli yemeenee kashechone; qitoochee kashooch kimmitalli, nalloo bi toommooch kindaachemmone.

Yowannisi 6:33

Ebiyoo Yeeri immiibeeti kosho, shimaayoochee kindiꞌi alemooch beeti asheenaꞌoyich kashoon immii bi beetoyichiye” iye.

Yowannisi 6:35

Yesuusi ishichiꞌi boonoshich wochiye: “Kashee kosho taane; ta waan waabeeto cir shaaceyaachemmone; bi mulloon ta toommooch tooꞌiibeeto, bulli yemeenoon cir shacheweyaachemmone.

Yowannisi 6:41

Arooba Yesuusi “Shimaayoochee kinditi kosho taane” bi itoyich, Ayihudeenaꞌo bi toommooch guruuxeebee,

Yowannisi 6:47

Iberoon ittoshich gettoye: Bi mulloon ta toommooch tooꞌiibeeto, bulli yemeenee kashechone.

Yowannisi 6:48

Kashee kosho taane.

Yowannisi 6:50

Shimaayoochee kinditi kosho ebine; aroochee maammo koniyoona qitaachemmone.

Yowannisi 7:38

Bi mulloon ta toommooch tooꞌiibeeto, Yaafe Macaafoochaa bi getteetoommon, ‘Kashee aachi xuupho bi maacoochee xuupphemmone’ ” iye.

2 Qorontoosi 5:19

Yeeri Kiristoosina shuuneebee alemee asheenaꞌon biinna tookkii shunii beehe; boonoshi xuꞌoonoo haddaanoone; noochoo shuniyee wochoon immiye.

2 Qorontoosi 5:21

Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.

Efesooni 5:2

Kiristoosiyoo wotta noon bi shunnitoommon, Yeerin emirikkiibeeti cinnechi buuroommonaa deejjoommonon tuniiꞌi noocha ii bi qelloon beshiiꞌi bi immitoommon, shunoona beebote.

Efesooni 5:25

Keneenaꞌote, Kiristoosi kittinnee guuphon bi shunoommon, biicha iꞌi bi kashoon beshii bi imoommon, ebiyoommon ittoshi mecheenaꞌon shunote.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Hibireena'o 10:20

Yesuusi bi qelloon deejjoo tuniiꞌi bi giddiitoyich, tippeeti maccillaatoyee besheree Yeer waan no giyemmi beeyechonaa andiroona tuneti gommon nooch qechiye.

1 Pheexiroosi 2:4

Ashi waanaa hoxetaa duppeti, tunetaa Yeer waanaa kaacheti kashechi aaxxe xaqqoommi Yesuus Kiristoos waan giddemmo ittoshine.

1 Yowannisi 2:2

Biyoo Yeeri no axaaxoon nooch bi maariibeeti deejjoone; no axaaxoon baach tuneyaanoon ashoo bullichi axaaxoon bi maariibeeti deejjoone.

1 Yowannisi 4:10

Shuno getoo ebine: No Yeerin no shunnetoyich tuneyaanoon, Yeeri bi qelloona noon shunniꞌi, no axaaxoon bi maaremmi deejjoo bi tunemmoyich, bi Bushoon bi deejjoone.

1 Yowannisi 4:14

Nihoo Yeeri bi Bushoon hini alemooch beetinaꞌon Wodiyecho bi tunemmoyich wochee bi deejjoon beeggeto noone; ebich miixaabeeto noone.