Yowannisi 6:40 - Kafa Linguistics Project

⁴⁰ Yeerichi Bushoo taan ciinniꞌi bi mulloon ta toommooch tooꞌiibeeto bulli, bulli yemeenee kashoon bi danemmoyich ta Nihoochi daaggoo ebine; tawoo ciireexi aabooba qitoochee biin tiijjemmo taane” iye.

Yowannisi 6:40 ပူးပေါင်းရင်းမြစ်များ

Isiyaasi 52:10

Doono Yeeri yaafe bi mochoon, aageteenaꞌo bullich bekkiyemmone; showee tuggeenaꞌo no Nuggishoochi wodiyoon beeggemminaꞌone.

Isiyaasi 53:2

Ebi maddecho, shuuꞌi showooch cammon awureti, maayi colloochoommon, bi aafooch, dicciye; bi waan no ciinnemmoyich, gaawoo woyee yiiroo biich aalloone; biin no shunnemmoyich, malleto biich aalloone.

Haddoo 21:9

Muusiyoo dingeroon gooshoochee shuuneꞌi mixooch yooddiye. Dingero qoppiti asho bulli ebi gooshoochee shuuneeti dingeroon ciinniꞌi wodii beehe.

Maatiyoosi 10:15

Iberoon ittoshich gettoye: Nallaa gallooba are katemeexi asheenaꞌoyee Sodoomi katemeexi asheenaꞌonaa Gomoori katemeexi asheenaꞌonoyich gaawiye” iye.

Maatiyoosi 25:46

“Boonoshiyoo bulli yemeenee shiwerooch, cadiqeenaꞌo wotta shimaajji taatittineech giyiree bulli yemeenoon beeyemminaꞌone” iye.

Maariqoosi 16:16

Mulloon ta toommooch tooꞌiiꞌi aacona afaalleemmo wodemmone; tunebaani tooꞌiyaano toommooch nalleyemmone.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 10:28

Tawoo boonoshich bulli yemeenee kashoon immemmo taane; boonoshiyoo cir aalleyaachemminaꞌone. Boonoshin ta kishoochee boggemmo koniyoona aalloone.

Yowannisi 11:24

Maarittiyoo “Ciireexi aabooba qititinaꞌona tookki tiyemmo bi tunoon ariibeeti taane” iyan.

Yowannisi 11:25

Yesuusiyoo “Qititinaꞌoyich kashoon imiree tiijjemmo taane. Bi mulloon ta toommooch tooꞌiibeeto bi qititaanona kashechon tunemmone;

Yowannisi 12:45

Taanoo beeggiibeeto, taan wocheton beeggii beetone.

Yowannisi 12:50

Aroo ‘Hamiree gete’ iꞌi taach bi gettiti qaaro, bulli yemeenee kasho bi tunoon ariibeeto taane. Illa ta gettaa beeton Nihoo Yeeri taach gettitoommon ebiyoommon gettoye” iye.

Yowannisi 14:17

Biyoo iberoon bekkiibeeti Ayaanoone; alemo biin beegaanoonaa ariyaanoona bi tunetoyich, bi mullooch qeejjiꞌi biich hajjeyoon hakkaache; tunebaani ittoshi waan beeyemmone; ittoshi mulloochoo qeyemmone; ebich biin ariibeeto ittoshine.

Yowannisi 14:19

Ta hammemmo katinnitone; ebiyee gubb, alemo guttinnoon taan beegaachemmone; tunetaa ittoshi taan beeggemmo ittoshine. Kashecho ta tunetoyich, ittoshiyoo kashecho tunemmo ittoshine.

Yowannisi 17:2

Ne oogiyemmoo, taach ne immeti asheenaꞌo bullich bulli yemeenee kashoon ta immemmoyich, asho bulli toommooch taan doonjiiꞌa ne ukkiriitoyichiye.

Yowannisi 3:36

Bi mulloon bi Bushoo toommooch tooꞌiibeeto, bulli yemeenee kashechone; bi Bushoo toommooch tooꞌiyaano, Yeerichi kaaree shiixxoo bi toommooch tunehalli, bulli yemeenee kashoon daneyaachemmone” iye.

Yowannisi 4:14

tunebaani ta immaabeeti aacoochee uchiibeeto koniyoona bulli yemeenoon shacheweyaachemmone. Ta immaabeeti aaco bi maacooch bulli yemeenee kasho xuupphiibeeti tunoo tunemmone” iye.

Yowannisi 5:24

“Iberoon ittoshich gettoye: Ta qaaroon waayeebeeto, taanoo deejjiti Yeeri toommooch mulloon tooꞌiibeeto, bulli yemeenee kashechone; qitoochee kashooch kimmitalli, nalloo bi toommooch kindaachemmone.

Yowannisi 6:27

Bulli yemeenee kashoon immemmi maayoyich shuunebotalli, aallemmi maayoyich shuuneyaahote. Hini besheyaani koshon ittoshich immemmo Ashi Bushoone. Ebiyoo Nihoo Yeeri taanna bi emiroon bi miixetoyichiye” iye.

Yowannisi 6:39

Taan wochetochi daaggoo, taach bi immitoochee ikkoonolla ta aalliyaachemmonaa ciireexi aabooba qitoochee ta tiijjemmonoyichiye.

Yowannisi 6:44

Taan wocheti Nihoo Yeeri yeepphitoyee beshetaa, ta waan womon hakkemmo koniyoona aalloone; tawoo ciireexi aabooba qitoochee biin tiijjemmo taane.

Yowannisi 6:54

Ta meeno ibere maayo, ta damoo ibere uyo bi tunetoyich, ta meenon maabeeto, ta damoonoo uchiibeeto, bulli yemeenee kashechone; tawoo ciireexi aabooba qitoochee biin tiijjemmo taane.

Yowannisi 8:56

Ittoshi nihoo Abrahami ta woyemmi aaboon bi beeggitoyich oogichii emiriye; beeggiꞌinoo emiroona wucwucciye” iye.

Roomi 5:21

Illa axaaxoo qitee gommona bi taatetoommon, wotta Yeerichi wojjoo no Doono Yesuus Kiristoosichi naboona Yeeri nooch immiibeeti cadiqee gommona bulli yemeenee kashooch yaabiibee taatee beetone.

Roomi 6:23

Axaaxoon shuuneti ashich qocheyemmi shumaayoo qitoone; tunebaani no Doono Kiristoos Yesuusina Yeeri wojjemmi wojjoo bulli yemeenee kashoone.

2 Qorontoosi 4:6

“Manderooch bekko bekkebe” iti, Kiristoosichi barooch wacciibeeti bi oogee yiiree ariyoon bekkiibeeti bekkoon imma no mullee daggooch aaxxiito, Yeerine.

Hibireena'o 11:1

Illa Yeeri toommooch mulloon tooꞌiyoo geto no gibenaabeeti mooyon manjiyoo, no beegaani mooyonoo xiishoo getone.

Hibireena'o 11:27

Mulloon Yeeri toommooch bi tooꞌitoyich, Gibitsee taatoochi kaaroon shataanoon Gibitsee showoon qajjii kechii hammiye; bekkeyaani Yeerin bekkee beeton tuniiꞌi, “Gubb wotteyaache” iꞌi qaxiriye.

1 Pheexiroosi 1:8

Biin aafoona beegaano ittoshi tunetaanoona, shunniibeeto ittoshine; and biin beegaano ittoshi tunetaanoona, ittoshi mulloon bi toommooch tooꞌiito ittoshine. Ebich qaaroona ebine getaa getteyoo hakkeyaani, oogichii worganikkiti emiroon emiriibeeto ittoshine.

1 Yowannisi 2:25

Kiristoosi nooch bi gibenikkiti hini gibeno, bulli yemeenee kashoone.

Yihudi 1:21

No Doono Yesuus Kiristoosi bi ariqqoona bulli yemeenee kashoon ittoshich bi immemmi aaboon quyebee, Yeeri ittoshin shunniibeeto bi tunoon shalligibee beebote.