Yowannisi 6:37 - Kafa Linguistics Project

^37-38 Shimaayoochee ta kindito, taan wocheti Yeerichi daaggoon tuniyoyichalli, ta daaggoon tuniyoyich toonoone. Ebich ta Nihoo Yeeri taach immito bulli ta waan woyemmone; ta waan waammo bullin cir maaxooch kichi dufaachemmo taane.

Yowannisi 6:37 ပူးပေါင်းရင်းမြစ်များ

Shoddo 102:17

Duꞌetinaꞌochi cookoon waayemmone; boonoshi qolloonoo hoxeyaachemmone.

Shoddo 110:3

Koyooch ne keyiyooba, ne asheenaꞌo boonoshi qelloon neech beshii immemminaꞌone; gurimaashe ne asheenaꞌo haree doshoo (caagibano) kindoommon, yaafeeti geppooch, ne waan woyemminaꞌone.

Isiyaasi 41:9

showee tuggoochee neen deeboye; wohi showee kelloochee neen ceeggoye. Neen, ‘Ta guuno neene’ iyoye; neen kaaccoani dufaano taane.

Isiyaasi 42:3

Kopheeti shombeqoon tiishaachemmone; taha bedditi ceechoonoo takkaachemmone; tunebaani gibeneeton tuneree ashi yaroo bullich dayinnetoon daniyemmone.

Isiyaasi 55:7

Gonde asho bi gommon, axaaxecho bi gaboon qaye; no Nuggishoochi ariqqo woddoo bi tunetoyich, biinoo bi maaremmoyich Doono Yeer waan wottebe.

Maatiyoosi 11:28

“Hini maraatetinaꞌonaa shaago maggetinaꞌonote, ta waan wobote; tawoo ittoshin kashiyemmo taane.

Maatiyoosi 24:24

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee worganikkiti malletoonaa gaakkechi shuunoonon shuunemminaꞌone.

Yowannisi 17:11

Tawoo ne waan hammaabeeto taane; ebiyee gubb, alemooch beetaachemmo taane; tunebaani boonoshi alemooch beeyemminaꞌone. Yaafe ta Nihoocho, eboshi noochoommon boonoshi ikkottemmoyich, taach ne immeti ne shigoona boonoshin quyebe.

Yowannisi 17:2

Ne oogiyemmoo, taach ne immeti asheenaꞌo bullich bulli yemeenee kashoon ta immemmoyich, asho bulli toommooch taan doonjiiꞌa ne ukkiriitoyichiye.

Yowannisi 17:24

“Ta Nihoocho, alemo halleyaan beehooba, taan ne shunnetoyich, oogee yiiroon taach immehine; hini oogee yiiroon boonoshi beeggemmoyich, ebi taach ne immeti asheenaꞌo wotta taanna tookki ta beetooch boonoshi beeyemmoyich shunnoye.

Yowannisi 17:6

“Hini alemee daggoochee taach ne immeti asheenaꞌoyich ne shigoon arichiito taane. Boonoshi neechinaꞌone; newoo taach immehine; boonoshiyoo ne getteti qaaroon ceechitinaꞌone.

Yowannisi 6:39

Taan wochetochi daaggoo, taach bi immitoochee ikkoonolla ta aalliyaachemmonaa ciireexi aabooba qitoochee ta tiijjemmonoyichiye.

Yowannisi 6:65

Daakkiꞌi ishichiye: “Ebich ishichiyoye: ‘Nihoo Yeeri biich hakkoon imaan gaata, ta waan womon hakkemmo aalloone’ ” iye.

Yowannisi 9:34

Boonoshiyoo wochiꞌi, “Hini axaaxoona qoqqaanneeꞌa shiijjetocho, nooch dojjiya qaawaa beetine?” iyeete. Aroochee Ayihudeenaꞌo kiceebeeti kexoochee biin kichiyeete.

Roomi 5:20

Wotta xuꞌo woddemmoyich Muusichi Sheeroo daakkeeꞌi ichehe; tunebaani axaaxoo woddehooba, Yeerichi wojjoo beshaa beshoon woddehe.

1 Ximootiyoosi 1:16

Tunebaani maaroon danehoye; maaroon ta daneto, Yesuus Kiristoosi ciyaani ooge bi haaꞌiyoon beshe axaaxechi taach bi bekkiyoo, boonoshi mulloon Kiristoosi toommooch tooꞌiiree bulli yemeenee kashoon danemminaꞌoyich shaahiyoo bi tunemmoyichiye.

2 Ximootiyoosi 2:19

Tunebaani koniyoona shuurikkoo hakkaani kechi giimboon Yeeri neechitone; are giimboo “Yeeri biichinaꞌon arii beetone”, wotta “ ‘Ta, Doono Yeericho taane’ ii beeto bulli gondoochee wohe” ii beeti maatemechone.

Hibireena'o 4:15

Axaaxoon baach shuuneyaachalli, bulli gommona noochoommon daabiloosi biin gondoon shuuniiya qiiccetaa beeggitone; ebich no maraato biich waayeyaani, qeeshee guudo toonoone.

Hibireena'o 7:25

Biyoo boonoshicha iꞌi shoobba bulli aaboon kashoona beetone; ebich wotta bi waanaa Yeer waan giddee beetinaꞌon andoo bulli yemeenoonoo wodiyoon hakkiye.

1 Yowannisi 2:19

Boonoshiyoo no daggeexinaꞌo tuno boonoshi qajjitoyich, no daggoochee kechiyeete. No magechinaꞌo boonoshi tuneto gaata, noonna tookki manjiree beeyeshinaꞌone. Ebina boonoshi bulli no magechinaꞌo boonoshi tunee qayo arichemmoyich, no waanee bariꞌi kechitinaꞌone.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.