Yowannisi 6:27 - Kafa Linguistics Project

²⁷ Bulli yemeenee kashoon immemmi maayoyich shuunebotalli, aallemmi maayoyich shuuneyaahote. Hini besheyaani koshon ittoshich immemmo Ashi Bushoone. Ebiyoo Nihoo Yeeri taanna bi emiroon bi miixetoyichiye” iye.

Yowannisi 6:27 ပူးပေါင်းရင်းမြစ်များ

Shoddo 2:7

Doono Yeerichi getoon awaajjemmo taane; biyoo taach ishichitone: “Ne, ta bushoo neene; hanaach neen shiyeto taane.

Shoddo 40:7

Aroochee “Sheeree Macaafooch taacho bi kooreetoommon, ebiyoche waato taane.

Shaahiyoo 9:5

“Waaree ta maayoon mamote; ta duucheti woyinee uyoonoo uyote.

Dojjecho 6:7

Asho aajjiibeeto bi maayemmon danoyichiye; tunebaani maa miyaanoone.

Isiyaasi 42:1

Doono Yeeri ishichiye: “Deggaa ta yecheti, ta kaacceti, biinna ta emiriti, ta guuno hinine; ta Ayaanoon bi toommooch kotiito taane; biyoo aageteenaꞌoyich dayinnetoon kindiyemmone.

Isiyaasi 55:2

Maayo tuneyaani mooyoyich ittoshi gijjoon ittoshi shacciibeeto amoyichiye? Michiyaani mooyoyich ittoshi giidoon ittoshi ciichiibeeto amoyichiye? Ta waanee waayebote, waayebote! Gaawe mooyon mamote; awuyon mamona emiribote.

Erimiyaasi 15:16

Beshe Mawe Nuggishoo Doono Yeero, ne shigoona ceekketo taane; ne qaaro danetone; tawoo maato taane; ne qaaroo taach emiroonaa mulleechi ooge emiroonon tunehe.

Imbaaqoomi 2:13

Ittoshi kochii yechiti aageteenaꞌo haggito bullin qaaqqoo maa aalliyemmoyich, boonoshi aajjito bulliyoo gaacaallo bi tunemmoyich tuniito, Beshe Mawe Doono Yeeri toone?

Maatiyoosi 17:5

Ishin getooch bi beetaa, bekkech nacce huuttoommi qubo waaꞌi boonoshin yiirehe; qubee daggoochaa “Biinna ta emiriti ta shuni Bushoo hinine; bi waanee waayebote” ii beeti qaaroon waayeheete.

Maatiyoosi 25:46

“Boonoshiyoo bulli yemeenee shiwerooch, cadiqeenaꞌo wotta shimaajji taatittineech giyiree bulli yemeenoon beeyemminaꞌone” iye.

Maatiyoosi 3:17

Wotta shimaayoochee “Biinna ta emiriti, ta shuni Bushoo hinine” ii beeti qaaro waayeehe.

Maatiyoosi 6:19

Daakkiꞌi Yesuusi ishichiye: “Piloonaa osheroona aalliyemmi, gaayeenaꞌo iiyiree gaajjemmi showee toommooch ittoshi gijjoon kiciyaahote.

Maatiyoosi 8:20

Yesuusiyoo “Boqqelleenaꞌoyich oppo, shimaajji kafeenaꞌoyichoo kexo beetone; ebi tunemmona Ashi Bushoyich giyi bi qeyemmi xaaꞌoo aalloone” iye.

Maariqoosi 1:11

Wotta shimaayoochee “Ta shuni bushoo neene; neenna emirito taane” ii beeti qaaro waayeehe.

Maariqoosi 9:7

Aree hillooch qubo waaꞌi boonoshin yiirehe. Qubee daggoochaa “Ta shuni bushoo hinine; bi waanee waayebote” immi qaaroon waayeheete.

Luqaasi 9:35

Qubee daggoochaa “Ta kaacceti ta Bushoo hinine; bi waanee waayebote” immi qaaroon waayeheete.

Yowannisi 10:28

Tawoo boonoshich bulli yemeenee kashoon immemmo taane; boonoshiyoo cir aalleyaachemminaꞌone. Boonoshin ta kishoochee boggemmo koniyoona aalloone.

Yowannisi 11:42

Bulli aaboon ne waayoon ariibeeto taane; tunebaani taan ne deejjoon boonoshi iberiyemmoyich, hini ta guudoona neexeti asheenaꞌoyicha iyaꞌa ishin gettoye” iye.

Yowannisi 14:6

Yesuusi wochiꞌi, “Gommonaa iberoona, kashoonoo taane; ta waanaa tuno bi qayigaata Nihoo Yeer waan womon hakkemmo koniyoona aalloone.

Yowannisi 15:24

Asho koniyoona shuuneyaani shuunoon boonoshi daggooch ta shuuneyaan gaata, boonoshich axaaxoo tuneyaacheshone; tunebaani and hini ta shuuneto bullin beeggitinaꞌone; taanoo ta Nihoonoo shixxitinaꞌone.

Yowannisi 17:2

Ne oogiyemmoo, taach ne immeti asheenaꞌo bullich bulli yemeenee kashoon ta immemmoyich, asho bulli toommooch taan doonjiiꞌa ne ukkiriitoyichiye.

Yowannisi 3:15

Ebi tunemmo, bi mulloon bi toommooch tooꞌiibeeto bulli, bulli yemeenee kashoon bi danemmoyichiye.

Yowannisi 3:33

Bi miixee beeton iberiito, Yeeri iberoo bi tunoon miixetone.

Yowannisi 6:40

Yeerichi Bushoo taan ciinniꞌi bi mulloon ta toommooch tooꞌiibeeto bulli, bulli yemeenee kashoon bi danemmoyich ta Nihoochi daaggoo ebine; tawoo ciireexi aabooba qitoochee biin tiijjemmo taane” iye.

Yowannisi 6:47

Iberoon ittoshich gettoye: Bi mulloon ta toommooch tooꞌiibeeto, bulli yemeenee kashechone.

Yowannisi 6:51

Shimaayoochee kinditi, kashoon immiibeeti kosho taane. Asho hini koshoochee bi maagaata, bulli yemeenoon beeyemmone. Showee toommooch beetinaꞌo kashoon boonoshi danemmoyich ta immemmi kosho ta meenone” iye.

Yowannisi 6:53

Ebich Yesuusi boonoshich ishichiye, “Iberoon ittoshich gettoye: Ashi Bushoo meenon ittoshi mamo qayigaata, bi damoonoo ittoshi uyo qayigaata, ittoshi qelloona kasho ittoshich aalloone.

Yowannisi 6:54

Ta meeno ibere maayo, ta damoo ibere uyo bi tunetoyich, ta meenon maabeeto, ta damoonoo uchiibeeto, bulli yemeenee kashechone; tawoo ciireexi aabooba qitoochee biin tiijjemmo taane.

Yowannisi 6:58

Illa shimaayoochee kinditi kosho ebine; ittoshi qaabbechinaꞌo are koshon maaꞌi boonoshi qititoommon toonoone. Hini koshon maabeeto, bulli yemeenoon beeyemmone” iye.

Yowannisi 6:62

Illa Ashi Bushoo aaf bi waati xaaꞌooch wotteree bi keyaa ittoshi beegigaata, ama gettehote?

Yowannisi 6:68

Simoon Pheexiroosi wochiꞌi, “Ta Doonocho, koni waaniye no hammemmo? Bulli yemeenee kashee qaaro ne waaniye bi beeto.

Yowannisi 8:18

Ta, ta qellichon miixaabeeto taane; wotta taan deejjiti Nihoo Yeeri taachon miixee beetone” iye.

Mishiraachechinaꞌo 10:38

Yeeri Naazireetechi Yesuusin Yaafe Ayaanoona huuttiꞌi giidoon biich immiye; biinna tookkii Yeeri tunetoyich, Yesuusi deꞌoon shuuneebee daabiloosi hajjitinaꞌo bullin wodiibee guuddiye.

Mishiraachechinaꞌo 2:22

“Hini Israꞌeeleenaꞌote, andoo hini mooyon waayebote: Ittoshi qelloona ittoshi arii beetoommon, Naazireetechi Yesuusi koni bi tunoon, Yeeri biinna ittoshi daggooch bi shuuneti gaakkechi shuunoona, worganikkiti mooyonaa malletoona xiisheetone.

Roomi 4:11

Dokireyaan beebee, mulloon Yeeri toommooch bi tooꞌitoyich cadiqoon danehe. Aroyee gubboo bi dokireyoo bi cadiqoon miixeebeeti malletoo tunehe. Ebich boonoshiyoo wotta cadiqeenaꞌo tuneree boonoshi haddeyemmoyich, dokireyaanoon mulloon Yeeri toommooch tooꞌii beetinaꞌo bullich nihoone.

Roomi 6:23

Axaaxoon shuuneti ashich qocheyemmi shumaayoo qitoone; tunebaani no Doono Kiristoos Yesuusina Yeeri wojjemmi wojjoo bulli yemeenee kashoone.

1 Qorontoosi 6:13

Wotta “Maayo maacoyichiye; maacoo maayoyichiye;” tunebaani Yeeri maayoonoo, maacoonoo aalliyemmone. Tunetaa ashittino Doonoyichalli shunee mamoyich toonoone; Donoo ashittinoyichiye.

1 Qorontoosi 9:2

Bareenaꞌoyich mishiraachecho tuno ta qayigaatoona, amolla bi tunetaa ittoshich mishiraachecho taane. Ittoshi qelloona, Doonona tunaꞌa mishiraachecho ta tunee maatemo ittoshine.

2 Qorontoosi 4:18

Ebich bekkeyaanoonalli bekkee beeton ciinaachone; bekkeebeeto andich baachiye; tunebaani bekkeyaano bulli yemeeneechone.

Galaati 5:6

Ebiyoo Kiristoos Yesuusina tunetoyich, dokireyoo woyee dokireyee qayo bi gaaccemmi gaaco amolla aallo bi tunetoyichiye; gaaccemmo shunoona shuuneebeeti, Kiristoosi toommooch mullee tooꞌiyoo baachiye.

Yibbaatoo 30:13

Wotta ‘Waayeree no ceechemmoyich, konine baharoyee beqach kimiree nooch deebemmo?’ ne getaachemmoyich, bi beeto baharee beqach toonoone.

Qolaasiyaasi 1:29

Kiristoosi taach bi immii beetonaa taanna shuunee bi beeti ooge bi giidoommona ebin ceechoyich oogichaa qiiccaabeeto taane.

Qolaasiyaasi 2:22

Eboshi bulli shuunee toommooch boonoshi heechitoyee gub, aallechinaꞌone; asho halliti sheereenaꞌonaa doyeenaꞌonane.

Qolaasiyaasi 3:2

Ittoshi, qitito ittoshine; ittoshi kasho Kiristoosina tookkii Yeer waan aashetone. Ebich damba shimaajj beeti mooyon gabibotalli, showooch beeton toonoone.

1 Tasaloonqi 1:3

Kiristoosi toommooch beeti ittoshi mullee tooꞌiyoon shuunee toommooch ittoshi heechiyoon, shunoochee tiyitona aajjii ittoshi shuunoon, no Doono Yesuus Kiristoosi gibenikkiti gibenoon haaꞌiyoona ittoshi quyonoo no Nuggishoonaa no Nihoona tuneti Yeeri aafooch shalligaabeeto noone.

2 Ximootiyoosi 2:19

Tunebaani koniyoona shuurikkoo hakkaani kechi giimboon Yeeri neechitone; are giimboo “Yeeri biichinaꞌon arii beetone”, wotta “ ‘Ta, Doono Yeericho taane’ ii beeto bulli gondoochee wohe” ii beeti maatemechone.

Hibireena'o 12:16

ittoshi daggooch yahiibeeti asho bi daneyaachemmoyich woyee ikke wottoon bi maayemmi maayoyicha iꞌi bi qaabbittinoon kemmiti Esayichoommon, yaafe mooyinaꞌon qallayemmi asho bi daneyaachemmoyich, ittoshi qelloon ariibot!

Hibireena'o 4:11

Illa ebi areenaꞌo deꞌa boonoshi getti qayi naboona boonoshi dihitoommon koniyoona bi dihaachemmoyich, Yeeri nooch bi immemmi kashee xaaꞌooch gimoyich kupphebone.

Yaaqobi 1:11

Aabeyoo oogeti gaamoona keyiree mocoon shoolliyemmine; mocee bungoo oojjemmone; bi malletee gaawoo aallemmone; ebiyoommon gaannecho shuunee toommooch beebee aallemmone.

1 Pheexiroosi 1:24

Yaafe Macaafooch bi kooreetoommon, “Meeno taheti asho bulli mocoommone; bi oogee yiiroo bulliyoo mocee bungoommone; mocoo shoolliye; mocee bungoo oojjiye.

2 Pheexiroosi 1:17

Worganikkiti shimaajji oogee yiirechi, damba Yeer waanee “Biinna ta emiriti, ta shuni Bushoo hinine” ii beeti qaaro biich waahooba, Nihoo Yeeri biin oogiihe; oogee yiiroonoo biich immiye.