Yowannisi 5:44 - Kafa Linguistics Project

⁴⁴ Ittoshi, ittoshi qelli qelli oogoon daneya qaawiyote; tunebaani bi ikkeeto tuneti Yeer waanee danemmi oogoon qaawaachote. Illa aabichiree taan iberiyoon hakkehote?

Yowannisi 5:44 ပူးပေါင်းရင်းမြစ်များ

2 Kiinoo 6:8

Doono Yeeriyoo ta nihoo Daawitich ishichiye: ‘Ta shigoyich kexon hagga ne mulloona gabito neene; ebin ne gaboo gaawe mooyone.

Erimiyaasi 13:23

Iberoochaa Topphiyee asho bi malletoon, maahoo bi shashoon shaddoon hakkehe? Ebi tuno hakkeegaata, gondoon shuuno doyiti ittoshi, gaawe mooyon tuniyoon hakkemmo ittoshine.

Maatiyoosi 23:5

“Boonoshi shuunoo bullin asho beeggemmoyich baach shuuneheete. Ebich boonoshi baroonaa boonoshi kishoonooch boonoshi cuyeebeeti xifetoon gamichiyeete; boonoshi qoreddee caappoon genjiiheete;

Luqaasi 19:17

“Doono tiyiꞌi, ‘Gaawiye; hini deꞌe ta wochee bushoocho! Giishechoona ne gibeneetoyich, aashire katemeenaꞌo toommooch neen ukkiriito taane’ iye.

Yowannisi 12:43

Ebiyoo Yeeri boonoshin oogiyoyee beshoon asho boonoshin oogiyemmoyich boonoshi qaawitoyichiye.

Yowannisi 17:3

Ibere Nuggishoo ne baach tuneti neen boonoshi ariyoo, wotta ne deejjiti Yesuus Kiristoosin boonoshi ariyoo, ebi bulli yemeenee kashoone.

Yowannisi 3:20

Gonde mooyon shuuneebeeto bulli bekkoon shixxii beetone; bi gonde shuunoo bi bekkeyaachemmoyich, bekko beetooch keyaache.

Yowannisi 5:41

“Ta, ta qelloona asho taan bi oogiyemmoyich qaawaache.

Yowannisi 8:43

Ta gettaa beeton amoyich shalligaachote? Ta qaaroon waayo ittoshi mawiitoyichiye.

Roomi 2:10

Tunebaani gaawe mooyon tunii beetinaꞌo bullich, shiichiree Ayihudeenaꞌoyich, daakkiree Aageteenaꞌoyich, oogee yiiroonaa naadoona, diggoonoo tunemmone.

Roomi 2:29

Tunebaani ashi beꞌenoyich tuneyaanoon, bi mulloona Ayihudee asho tunetone ibere Ayihudee asho; kooreeti sheeroona tuneyaanoon, Yeerichi Ayaanoona tuneebeeti mullee dokireyoone ibere dokireyoo. Ebiyoommi asho galletoon bi danemmo ashi waanee tuneyaanoon, Yeer waaneeniye.

Roomi 2:7

Gaawe mooyon shuunoona kuppheebee oogee yiiroonaa naadoonon, bulli yemeenee kashoonoo qaawii beetinaꞌoyich, bulli yemeenee kashoon immemmone.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

2 Qorontoosi 10:18

Asho galleteyoyich beddito tuno bi hakkemmo, Doono Yeeri biin galleteteenalli, biin wochii bi galletetaa toonoone.

Filipphisiyoosi 2:3

Ittoshi qelloon giishiyoona “Ta manoo tayee gaawiye” getiree gabibotalli, beshi bekkeya getiree woyee duube naadoon daneya getiree ikke mooyonona tuniyaahote.

1 Tasaloonqi 2:6

Kiristoosichi mishiraachecho no tunetoyich, baribare mooyon ittoshi tuniyemmoyich echo nooch hakkee beetone; tunebaani ittoshi waanee tuneba bareenaꞌo waanee tuneba koni waaneenona oogoon qaawaano noone; indee bi hajjee bushoon bi shiimoommon, no wotta ittoshi daggooch no beehooba ittoshin shiimehone.

1 Ximootiyoosi 1:17

Bulli yemeenee Taatoo, aalleyaano, bekkeyaano, bi ikkeeto baach tuneti Nuggishoyich galletoonaa oogee yiiroona bulli yemeenoon tunebe. Ameena.

Hibireena'o 3:12

Ta maneenaꞌote! Beeyechi Yeerin qachiyemmi, Yeeri toommooch mullee tooꞌiyoon bajjemmi gonde mullo diqqich ittoshi daggoochee ikkoyichona bi beetaachemmoyich, ittoshi qelloon quyebote.

Yaaqobi 2:1

Ta maneenaꞌote! Oogee yiirecho tuneti no Doono Yesuus Kiristoosi toommooch mulloon tooꞌiito ittoshine; ebich ashoon barbariiree heppiyaahote.

1 Pheexiroosi 1:7

Aallemmi aacholla qaaqqooch bi geddeebeeto, amoommo gaata bi tunoon xiishoyichiye; ebiyoommon wotta aachoyee beshe oogeti aaxxoo tuneti, Kiristoosi toommooch ittoshich beeti mullee tooꞌiyoo xuuxee daggoona bi besheebeeto, iberoo bi tuno xiisheyemmoyichiye. Wotta Yesuus Kiristoosi bekkehooba, galleto, oogee yiiroonaa naadoonon ittoshi danemmoyichiye.

Yihudi 1:25

bi ikkeeto baach Nuggishoo tuneti, noon Wodiyechi Yeerich, bulli yemeenoyee aaf, andoo, bulli yemeenoonoo no Doono Yesuus Kiristoos waanaa oogee yiiroo, oogo, giidoonaa hakkoona tunebe. Ameena.

1 Saameeli 15:30

Saaꞌooliyoo wochiꞌi, “Axaaxoon shuuneto taane. Tunebaani ta asheenaꞌochi ukkireenaꞌonaa Israꞌeeleenaꞌo bullinochi aafooch taan oogiibe; ne Nuggishoo Doono Yeerich ta goyinnemmoyich taanna tookki wottebe” iye.

1 Saameeli 2:30

“ ‘Israꞌeelee Nuggishoo Doono Yeeri ta, ne kechi asheenaꞌonaa ne nihoochi kechi asheenaꞌona bulli yemeenoon taach boonoshi maddemmoyich ebiyee aaf gibenikkito taane. Tunebaani and illa ebin tuniyaachemmo taane. Taan oogii beetinaꞌon oogiyemmo taane. Taan qallayii beetinaꞌo giishemminaꞌone.