Yowannisi 5:39 - Kafa Linguistics Project

³⁹ Ittoshiyoo ‘Yaafe Macaafeenaꞌoochee bulli yemeenee kashoon danemmo noone’ iibee, galliꞌi boonoshi daggooch qaawiyote; boonoshiyoo taachon miixee beetinaꞌone.

Yowannisi 5:39 ပူးပေါင်းရင်းမြစ်များ

Shoddo 1:2

Ebin tuniibeeti asho, Doono Yeerichi sheeroona emiriye; ebi sheeroonoo xumoonaa areddoonon yexiihe.

Shoddo 119:11

Axaaxoona neen ta xuꞌaachemmoyich, ne qaaroon ta mullooch kotiihoye.

Shoddo 133:3

Hermooni guudi toommooch kindiibeeti doshoo (caagibano), Tsiyooni guudi toommooch kindoommone. Ebiyoo Doono Yeeri bi diiroon, kashoonoo bulli yemeenoon arooch bi tuniitoyichiye.

Shoddo 16:11

Kashee gommon taach bekkiyemmo neene; ne aafooch ceeni emiroo, ne qannoochoo bulli yemeenee emiroo beetone.

Shoddo 21:4

Kashoon ne waanee qollehe; kashee genjoon, bulli yemeenooch biich immehine.

Shoddo 36:9

Kashoo bullichi xuupho ne tunetoyich, ne bekkoona bekkoon beeggehone.

Shaahiyoo 6:23

Geto ceechoone; doyoo bekkoone; kaaree sheeroo kashee gommone.

Isiyaasi 34:16

Eboshichon Doono Yeerichi macaafoochee qaawiree shemmebote; ebi areenaꞌoochee ikkolla aalleyaachemmone; eboshiichee addaaraalli ikkolla daneyaachemmone; ebiyoo Doono Yeeri bi noonoona bi gettitoyich, wotta bi Ayaano boonoshin kicemmo bi tunetoyichiye.

Isiyaasi 8:20

Ittoshi, Doono Yeerichi sheeroonaa miixittinoona hambote; ebi qaaroon geto boonoshi qayigaata, haree bekko boonoshich bekkeyaachemmone.

Erimiyaasi 8:9

Ariyechinaꞌo Doono Yeeri ta qaaroon qajjitinaꞌone; illa amee ariyoo boonoshich beete? Ebich boonoshiyoo yeelle keqqemminaꞌone; kecaanoo hammemminaꞌone.

Daaneeli 12:2

Qitii boonoshi duukketoochee meetinaꞌo kechemminaꞌone. Keyiree qatinaꞌo bulli yemeenee kashoon danemminaꞌone; wotta qatinaꞌo bulli yemeenoon yeelleree tiyaareetinaꞌo tunemminaꞌone.

Maatiyoosi 22:29

Yesuusi wochiꞌi ishichiye: “Yaafe Macaafo gettii beetonaa Yeerichi giidoonon ittoshi tuushitoyich muricciyote.

Maariqoosi 10:3

Yesuusi wochiꞌi ishichiye: “Muusi hini mooyon ama iꞌi ittoshich gettite?” iye.

Maariqoosi 12:10

“Illa ‘Gimbenyeenaꞌo hoxee duppiti xaqqo, aroo kexon deggii neechiibeeti giimbee guummon tunetone. Ebinoo Doono Yeeri tuniitone; hini mooyo no beeggich worganikkito tunetone’ ii beeton Yaafe Macaafoochee shemmeyaachote?” iye.

Luqaasi 16:29

“Tunebaani Abrahami ‘Muusinaa keemechinaꞌona kooriti macaafeenaꞌo boonoshich beetinaꞌone; are macaafeenaꞌooch kooreeton waayebeete’ iye.

Luqaasi 16:31

“Abrahamiyoo ‘Muusinaa keemechinaꞌona kooriti macaafeenaꞌoochee waayo boonoshi qayigaata, ikkoo qitoochee tiyii hammiꞌi bi gettitaanolla, iberiyaachemminaꞌone’ iꞌi wochiye” iye.

Luqaasi 24:25

Yesuusiyoo “Hini mullaalleenaꞌote, keemechinaꞌo gettito bullin iberiyaanoon amoyichiye ittoshi yagii beeto?

Luqaasi 24:27

Aroyee gubb Muusichi macaafoo bulliichee tiijjiꞌi keemechinaꞌochi macaafoo bulliich beddaahaa kooreeti bi hajjee mooyon biichiꞌi boonoshich gettiye.

Luqaasi 24:44

Boonoshichoo “Ittoshina tookkaa beebee, ‘Muusichi Sheeroonaa keemechinaꞌochi macaafoonooch, Shoddee macaafoochoo kooreeti ta mooyo bulli ceeno echeyaachemmi mooyone’ ta ito ebiniye” iye.

Yowannisi 1:45

Aroo Naatinaꞌeelin daneꞌi, “Muusi bi Sheeree Macaafooch, keemechinaꞌo wotta biichon boonoshi kooriti Yooseefichi bushoo, Naazireetechi Yesuusin daneto noone” iye.

Yowannisi 5:32

Taachon miixeebeeti baroo beetone; biyoo taachon miixee bi beeti miixo iberoo bi tunoon ariibeeto taane.

Yowannisi 5:36

“Tunetaa Yowannisi miixetoyee beshoon miixeebeeto taach beetone. Ebi ta tuniyaabeeti, Nihoo Yeeri shuune ta ciichemmoyich bi immiti shuunoo, Nihoo Yeeri taan bi deejjoon taachon miixee beetone.

Yowannisi 5:40

Tunebaani kashoon danoyich ta waan womoyich shunaachote.

Yowannisi 5:46

Bi taachon kooritone; ebich biin ittoshi iberiito gaata, taan iberiyesho ittoshine.

Yowannisi 7:52

Boonoshiyoo wochiꞌi, “Newoo wotta Galiilecho neene? Keemecho Galiilee showoochee keyaachemmone. Yaafe Macaafoochee qaawiree beege” iyeete.

Mishiraachechinaꞌo 13:27

Tunetaa Yerusaalem beeti asheenaꞌonaa boonoshi ukkireenaꞌona shambeti shambetooba shemmeebeeti keemechinaꞌochi qaaro bi ceennemmoyich, bi toommooch nalliyeetalli, Yesuusi koni bi gaata ariyaaneenaꞌone.

Mishiraachechinaꞌo 17:11

Areenaꞌo Tasaloonqi katemooch beetinaꞌoyee gamini mullechinaꞌone; ebich “Bi gettiibeeti mooyo iberoo tunehe?” iibee qemi qemona Yaafe Macaafoon galliibee, Phawuloosi yibbaatoon ibere mulloona waayoyich dakii beeheete.

Mishiraachechinaꞌo 26:27

Taatoo Agrippho, keemechinaꞌo keemmiton iberiibeeto toonoo neene? Ne iberiyoon ariibeeto taane” iye.

Roomi 3:2

Bulli gommona oogeti gaacechone. Shiichiꞌi Yeeri boonoshin gibeneꞌi bi qaaroon immitone.

Yibbaatoo 18:15

Ne Nuggishoo Doono Yeeri ne maneenaꞌo daggoochee taanoommi keemechon neech tiijjemmone. Bi gettimmon waayebe.

Yibbaatoo 18:18

Boonoshi maneenaꞌo daggoochee neenoommi keemechon tiijjemmo taane; bi gettemmi mooyonoo biich gettemmo taane. Biyoo biich ta getteto bullin asheenaꞌoyich gettemmone.

Yibbaatoo 29:29

“Gaxxeyaani mooyo no Nuggishoo Doono Yeerichone; tunebaani noonnaa no shiijjeroona bulli yemeenoon no quyemmoyich, Doono Yeeri bi sheeroon nooch gaxxitone” iye.

Yibbaatoo 32:47

Ebi qaaro ittoshich kashoon immiibeeti qaaroani, duube qaaro toonoone. Ebi aroon quyoona Yoordaanoosin kimi hamiree ittoshi woraashemmi showooch meeti yemeenoon kotemmo ittoshine” iye.

Qolaasiyaasi 3:16

Kiristoosichi qaaro ceenoona ittoshi mullooch beebe; ariyoo bullina ikkoo ikkoon dojjibee, ittoshinaa ittoshina ciiceebote. Shoddoonaa naadoona, Ayaanee shoddoona galletoonoo ittoshi mulloona Yeerich shoddebote.

Hibireena'o 11:16

Tunebaani beshoon, ebiyoo shimaajji xaaꞌoon qaatii beeheete. Ebich Yeeri boonoshi beeyemmi katemoon boonoshich qanniitone. Ebich Yeeri boonoshi Nuggishoo getaa ceekkoyich yeelleyaache.

Hibireena'o 11:35

Genneenaꞌo qititi boonoshi xibeenaꞌo qitoochee tiyaa danetinaꞌone; tunebaani bareenaꞌo qitoochee andich muricon qajjiꞌi, “Qitoochee no tiyiyooba, beshe kashoon danemmo noone” getona qitooch beddaahaa yexxeheete.

Yaasi 1:8

Hini Sheeree Macaafo ne noonoochee baraaye. Bi daggooch kooreeto bullin manjiiree ne ceechemmoyich, areddoonaa xumoonon shalligibee shemmebe. Ebin ne tuniigaata, bulli mooyo neech mashaami kaamemmone.

Yaaꞌoo 19:10

Hini are maraakoyich goyinneya bi baatooch dihiyo; tunebaani aroo “Neen ariibe! Eechiyaahine! Neechoommon, Yesuusi miixeti iberoon yechiti ne maneenaꞌochoommonoo Yeerichi guuno taane; Yeerich baachiye ne goyinnemmo. Yesuusi miixeti iberoo Yeerichi wochoon boonoshi gettemmoyich asheenaꞌon shuurikkii beeti ayaanoone” iye.