Yowannisi 5:26 - Kafa Linguistics Project

²⁶ Nihoo Yeeri bi qelloona kashecho bi tunoommon ebiyoommon wotta bi Bushoyich bi qelloona kasho bi beeyemmoyich immitone.

Yowannisi 5:26 ပူးပေါင်းရင်းမြစ်များ

Shoddo 36:9

Kashoo bullichi xuupho ne tunetoyich, ne bekkoona bekkoon beeggehone.

Shoddo 90:2

Guudinaꞌo shuuneyaan beetaa, showoonaa alemoona halleyaan beetaa, bulli aaboochee bulli aabooch ne, Nuggishoo neene.

Keyo 3:14

Yeeriyoo Muusich “Ta Halla Taane; ‘Halla Taane getteebeeto ittoshi waan taan wochee deejjitone’ gete” iye.

Erimiyaasi 10:10

Tunebaani Doono Yeeri ibere Nuggishoone; aroo beeyechi Nuggishoonaa bulli aabee Taatoonane; bi kaaroochee tiyitona showoo qewehe; aageteenaꞌoo bi kaaroon haaꞌiyoon hakkaacheete.

Yowannisi 1:4

Aroo bi qelloona kashechone; are kasho ashoyich bekkoone.

Yowannisi 10:18

Ta shuniree qitehoani, ta shunaanoon taan wuxemmo aalloone. Qitoonaa qitoochee timonoyich hakkoo taach beetone; ta Nihoo ‘Ebin tuniibe’ itone” iye.

Yowannisi 11:25

Yesuusiyoo “Qititinaꞌoyich kashoon imiree tiijjemmo taane. Bi mulloon ta toommooch tooꞌiibeeto bi qititaanona kashechon tunemmone;

Yowannisi 11:26

kashecho tuneꞌi bi mulloon ta toommooch tooꞌiibeeto bulli, cir qitaachemmone. Ebin iberiinne?” iꞌi echehe.

Yowannisi 14:19

Ta hammemmo katinnitone; ebiyee gubb, alemo guttinnoon taan beegaachemmone; tunetaa ittoshi taan beeggemmo ittoshine. Kashecho ta tunetoyich, ittoshiyoo kashecho tunemmo ittoshine.

Yowannisi 14:6

Yesuusi wochiꞌi, “Gommonaa iberoona, kashoonoo taane; ta waanaa tuno bi qayigaata Nihoo Yeer waan womon hakkemmo koniyoona aalloone.

Yowannisi 4:10

Yesuusi wochiꞌi ureyich “Yeeri immiibeeti wojjoon, wotta ‘Aacon taach imbe, uyona’ ii beeti ta koni ta tunoonon, ne ariito gaata, ne taan qolleshi neene; tawoo kashee aacon neech immesho taane” iye.

Yowannisi 6:57

Beeyechi Nihoo Yeeri taan wochetone; tawoo bi naboona beeyecho taane. Ebiyoommon taan maabeeto, ta naboona kashecho tuneree beeyemmone.

Yowannisi 8:51

Iberoon ittoshich gettoye: Ta gettaa beeton ceechiibeeto koniyoona bi beegaata, cir qitaachemmone” iye.

Mishiraachechinaꞌo 17:25

Wotta aroo kashoon, hiinnoonaa bulli mooyonon asheenaꞌo bullich immiibeeto bi tunetoyich, biich shappito aalloone; ashi dego biich qaawiyaache.

1 Qorontoosi 15:45

Ebiyoommon wotta “Batti batti asho Addaami kashechon tunehe” getaa Yaafe Macaafooch kooreetone; ciireexi Addaami kashechon tuniibeeti ayaanoone.

1 Ximootiyoosi 1:17

Bulli yemeenee Taatoo, aalleyaano, bekkeyaano, bi ikkeeto baach tuneti Nuggishoyich galletoonaa oogee yiiroona bulli yemeenoon tunebe. Ameena.

1 Ximootiyoosi 6:16

Bi ikkeeto baachiye qitaano; koniyoona shago hakkaani wacciibeeti bekkoochiye bi beeto; aafoona biin beeggito koniyoona aalloone; biin beego ashich hakkeyaache. Oogoonaa giidoona bulli yemeenoon biich tunebe. Ameena.

Hibireena'o 1:2

And hini yemeenee ciiroochaa nooch bi gettito, bulli mooyon woraasho bi tuniiti, wotta showoonaa shimaayoonon biinna bi halliti, bi Bushoonane.

Yaaꞌoo 21:6

Wotta taach ishichiye: “Illa mooyo bulli ceennitone. Alfoonaa Oomeegoona, Shiichoonaa Tacona taane; shachewetoyich kashee aachi xuuphoochee baad cikki immemmo taane.

Yaaꞌoo 22:1

Ebi are maraakoo Yeerinaa Bagoonochi taatee qeenoochee kechii, are katemee daggeexi ooge gommi gutte daggoona ufeebeeti, biriloochoommon wacciibeeti kashee aacon taach bekkiihe. Aachi okkinaa hachinooch agen agenoona aafeebee, natooch aaraa gutte wottoon aafeebeeti kashee mixo beehe; hini are michi waamo aageteenaꞌon wodiyoyich gaacciibeeti attoone.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.

Yaaꞌoo 7:17

Ebiyoo, taatee qeechi gutte daggooch beeti Bago boonoshich qiddoo tuneree, kashee aachi tunooch boonoshin bi yaabemmoyichiye. Yeeriyoo boonoshi acimo bullin boonoshi aafoochee hidemmone” iye.