Yowannisi 5:19 - Kafa Linguistics Project

¹⁹ Ebich Yesuusi wochiꞌi boonoshich ishichiye, “Iberoon ittoshich gettoye: Nihoo Yeeri tuniibeeto bullin bi Bushoo wotta biichoommon tunii beetone; ebich Nihoo Yeeri tuniitaa bi beeggitonalli, Bushoo bi qelloona amoonolla shuunoon hakkaache.

Yowannisi 5:19 ပူးပေါင်းရင်းမြစ်များ

Halloo 1:1

Shiichiꞌi Yeeri shimaayoonaa showoonon halliye.

Halloo 1:26

Aroyee gubb Yeeri “Ashoon no malletoona, noon shaahoonoo tunii hallibone; bahareexi haasheenaꞌon, shimaayoona yoobbiibeeti yoobbereenaꞌon, gijjeenaꞌonaa cooxinaꞌonon, showee toommona yuummiibeeti yuummere halleenaꞌo bullinoo hajjibeete” iye.

Shoddo 138:3

Ne waan ta cookaa waayehine; ne hakkoona taan kupphiihine.

Shoddo 27:14

Doono Yeerin gibenebe; kupphebe; ne mullo goggebe; Doono Yeerin gibenebe.

Shoddo 50:6

Yeeri bi qelloona nallecho bi tunetoyich, shimaayeenaꞌo bi cadiqoon awaajjiyeete.

Keyo 4:11

Arooba Doono Yeeri Muusich ishichiye: “Ashich heciyoon immito konine? Ashoon miimo woyee ulloo tuniibeeto konine? Aafecho woyee aaf doogoon tuniibeeto konine? Ebin tuniibeeto, Doono Yeeri ta toone?

Shaahiyoo 2:6

Shalligoon immiibeeto Doono Yeerine; ariyoonaa goommii deꞌona daneebeeto bi waaneeniye.

Isiyaasi 44:24

Ne indee maacoochoo neen halliti, neen Biishechi Doono Yeeri ishichiye: “Bullin hallito, shimaayeenaꞌon ta ikkeeto yaggito, showoon hecceto Doono Yeeri taane; ebiyooba taanna tookkii koniyoona aalloone.

Isiyaasi 45:24

“Asheenaꞌo ‘Cadiqoonaa giidoona danemmo Doono Yeer waanaa baachiye’ getiree taachon yibbaatemminaꞌone; ta toommooch tiyitinaꞌo bulli, ta waan waaree yeellemminaꞌone.

Erimiyaasi 17:10

Asho bullich bi gommi gommoommona, bi shuuni shuunee aafoommona imoyich, Doono Yeeri ta, gaboon huushii, mulloonoo boshaabeeto taane” iye.

Maatiyoosi 26:39

Boonoshi aafoochee giishechoon wokkiꞌi hammiye. Baroona guufeechii corootiibee, “Ta Nihoocho, tunesho gaata, hini xuuxee xoofoon ta waanee wokkiibe. Tunetaa ne daaggoo tunebaani, ta daaggoo tunaaye” iye.

Yowannisi 10:18

Ta shuniree qitehoani, ta shunaanoon taan wuxemmo aalloone. Qitoonaa qitoochee timonoyich hakkoo taach beetone; ta Nihoo ‘Ebin tuniibe’ itone” iye.

Yowannisi 12:49

Ta qellee hakkoona getaano taane; tunebaani amoon ta gettemmo gaata, aabichiree ta gettemmo gaatoo taach gettito taan deejjiti Nihoo Yeerine.

Yowannisi 12:50

Aroo ‘Hamiree gete’ iꞌi taach bi gettiti qaaro, bulli yemeenee kasho bi tunoon ariibeeto taane. Illa ta gettaa beeton Nihoo Yeeri taach gettitoommon ebiyoommon gettoye” iye.

Yowannisi 14:10

Tawoo Nihoo Yeerina ta beemon, Nihoo Yeeriyoo taanna bi beemon iberiyaachine? Ittoshich ta gettaabeeti qaaroon ta gettaabeeto, ta waanee toonoone; tunebaani ebi bi shuunoon shuuneebeeto, taanna beeti Nihoo Yeerine.

Yowannisi 2:19

Yesuusi wochiꞌi, “Hini yaafee kexon happibote; ta keejje qemona wochiree haggemmo taane” iye.

Yowannisi 3:3

Yesuusiyoo wochiꞌi, “Iberoon neech gettoye: Koniyoona bi tunetaa, guttinnoon bi shiijjo qayigaata, Yeerichi taatittineen beegon hakkaachemmone” iye.

Yowannisi 5:21

Nihoo Yeeri qititinaꞌon tiijjiꞌi kashoon bi imoommon, ebiyoommon bi Bushoo wotta imma bi qaawitinaꞌoyich kashoon immemmone.

Yowannisi 8:28

Ebich Yesuusi boonoshich “Ashi Bushoon kichii ittoshi yoodiyooba, ta aroo ta tunoon, wotta ta gettaabeeto ta Nihoo gettiton baachalli, ta qelloona amoonolla ta tuniyee qayon arooba ariyemmo ittoshine.

Yowannisi 9:4

Areddoo beetaa, taan wocheti Yeerichi shuunoon tuniyoo nooch qaawiihe; koniyoona shuunoon hakkaachemmi xumo woyemmone.

Mishiraachechinaꞌo 2:24

Tunebaani Yeeri qitee maaxoon aalliiꞌi, qitoochee biin tiijjiye; ebiyoo qitoo biin yechii neechoon hakkoo bi qajjitoyichiye.

Roomi 6:4

Illa Nihoo Yeeri bi oogee yiiroona Kiristoosin qitoochee bi tiijjitoommon, ebiyoommon wotta noonoo bi tiijjaa andire kashoona shaꞌebee no beeyemmoyich, Kiristoosi qitoona ikkoo tunaꞌa no afaalleyoona biinna tookkaa duukkehone.

Roomi 8:11

Ebiyoommon wotta Yesuusin qitoochee tiijjiti Yeeri immiibeeti bi Ayaano ittoshi mullooch bi beegaata, Kiristoos Yesuusin qitoochee tiijjito, ittoshi mullooch beeti bi Ayaanoona qitemmi ittoshi ashittinoyich wotta kashoon immemmone.

1 Qorontoosi 15:12

Illa Kiristoosi qitoochee timon gettaabeeto no tunegaata, ittoshi daggoochee ikkikkeenaꞌo aabichiꞌi, “Qitoochee timo aalloone” iyeete?

2 Qorontoosi 4:14

Doono Yesuusin qitoochee tiijjiti Nuggishoo, noonoo wotta Yesuusina tookki tiijjiree, ittoshina tookki bi aafooch giddiyemmo bi tunoon ariibeeto noone.

2 Qorontoosi 5:10

Asho bi ikkikkoona meenona beebee, gonde mooyon tuneba deꞌe mooyon bi tuniiti shuunoommona qocheeya, no bulli Kiristoosichi nallee gabberee aafooch neexo echeyaani mooyone.

Efesooni 2:5

no xuꞌee naboona qitaꞌa no beetaanona, Kiristoosina tookkii nooch kashoon immiye; Yeeri bi wojjoona ittoshin wodiitone.

Efesooni 3:16

Maaci ittoshi ashittino manjemmoyich, Yeeri worganikkiti bi oogoochee bi Ayaanoona giidoon ittoshich bi wojjemmonaa Kiristoosi bi toommooch ittoshi mullee tooꞌiyoona ittoshi mullooch bi beeyemmonoyich, corootaabeeto taane; Yeerinaa ashoonon ittoshi shunnii beetoyich bulli mooyon tuniibee, yaafeenaꞌo bullina tookki Kiristoosichi shunee gamino, gidoo, neexoonaa duchoona ebine getiree ittoshi shalligemmi hakkoo ittoshich bi beeyemmoyich corootaabeeto taane.

Filipphisiyoosi 3:21

Biyoo hini yiingaalli, qitemmi no ashittinoon shaddiree, worganikkiti oogee yiirechi bi ashittinoon shaahiyemmone. Ebin bi tuniyemmo bullin bi oogee dechiich tuniyoon bi hakkemmi giidoonane.

Filipphisiyoosi 4:13

Giidoon taach immiibeeti Kiristoosina bulli mooyon tuniyoon hakkaabeeto taane.

Qolaasiyaasi 1:16

bekkee beetinaꞌonaa bekkeyaaneenaꞌona, taatittino tuneba woyee doonjittino tuneba woyee iraashittino tuneba woyee ukkirittino tuneba showoonaa shimaayoonooch beetinaꞌo bulli biinna halleetinaꞌone. Bulli mooyo biinna halleetone; biichoo halleetone.

1 Tasaloonqi 4:14

Yesuusi qitoonaa qitoochee bi timonon iberiito noone; ebiyoommon wotta boonoshi mulloon Kiristoosi toommooch tooꞌiichii qititinaꞌon Yeeri Yesuusina tookki bi waan daammemmo bi tunoon iberiibeeto noone.

1 Pheexiroosi 3:18

Ebiyoommon Kiristoosi Yeer waan noon giddiyoyich, bi qelloona bi cadiqo tuneebee, hukkechinaꞌoyich ikke wottoon ashi axaaxee naboona xuuxoon beeggiꞌi qititone; meenona qitiye; tunebaani ayaanoona beeyechon tunehe.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.