Yowannisi 5:18 - Kafa Linguistics Project

¹⁸ Ayihudee ukkireenaꞌo shambetoon bi shaaddetoyich baach tuneyaanoon, bi qelloon Yeerina tachiꞌi, “Yeeri ta Nihoone” bi itoyich, biin beshoon wuxiya qaawiyeete.

Yowannisi 5:18 ပူးပေါင်းရင်းမြစ်များ

Zakaariyaasi 13:7

Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Maatiyoosi 12:5

Qeesheenaꞌo yaafee kexooch shambetee aaboon boonoshi quyo qajjitaa, axaaxoo boonoshich tunee qayon Muusichi Sheeroochee shemmeyaachote?

Yowannisi 1:19

Yerusaalem beeti Ayihudee ukkireenaꞌo qeesheenaꞌonaa Leweenaꞌonon “Hamiree Yowannisin ‘Ne koni neene?’ getiree echebote” iꞌi wocheheete. Arooba wocheetinaꞌoyich Yowannisi ishichiꞌi miixehalli,

Yowannisi 10:30

Taannaa Nihoo Yeerina ikkoo noone” iye.

Yowannisi 10:33

Ayihudeenaꞌo wochiꞌi, “Ne naagoyichalli deꞌoon ne shuunetoyich neen yexaachone; ne ashi bushoo tunaachaa ne qelloon Yeeri ne tuniitoyichiye” iyeete.

Yowannisi 14:23

Yesuusi wochiꞌi biich ishichiye: “Taan shunniibeeto koniyoona bi beegaata, ta getteton ceechemmone; ta Nihoo biin shunnemmone; bi waanoo woyemmo noone; bi waanoo beeyemmo noone.

Yowannisi 14:9

Yesuusi biich ishichiye: “Haano Filipphooso, meeti aaboon neenna tookkaa koteto taane; hanaach beddaahaa taan ariyaachine? Taan beeggito Nihoo Yeerin beeggitone. Aabichaꞌa, ‘Nihoo Yeerin nooch bekkiibe’ inne?

Yowannisi 19:7

Ayihudeenaꞌo wochiꞌi, “Nooch sheeroo beetone; bi qelloon Yeerichi Bushoo bi tuniitoyich, no sheeroochaa qita beddiye” iyeete.

Yowannisi 5:15

Uro hammiꞌi Ayihudee ukkireenaꞌoyich “Taan wodiito Yesuusine” iꞌi gettiye.

Yowannisi 5:16

Ebich shambetooba eboshin bi shuunetoyich, Ayihudee ukkireenaꞌo Yesuusin duꞌii beeheete.

Yowannisi 5:17

Tunetaa boonoshich Yesuusi “Ta Nihoo hanaach beddaahaa shuunee beetone; tawoo ta qelloona shuunaabeeto taane” iꞌi gettiye.

Yowannisi 7:1

Ebiyee gubb, Yesuusi Ayihudee ukkireenaꞌo biin wuxiya boonoshi qaawii beetoyich, Yihudee showoona shaꞌoon shunaanoone; ebich Galiilee showoona shaꞌee beehe.

Yowannisi 7:19

Muusi Yeerichi sheeroon ittoshich imaache? Tunebaani ittoshi daggoochee are sheeroon quyeebeeto ikkolla aalloone. Taan wuxoyich aakkiya qaawii beetote?” iye.

Yowannisi 8:54

Yesuusi ishichiꞌi boonoshich wochiye: “Ta, ta qelloon ta oogiigaata ta oogo duuboone. Taan oogiibeeto, ittoshi ‘No Nuggishoone’ ii beeti ta Nihoone.

Yowannisi 8:58

Yesuusiyoo “Iberoon ittoshich gettoye: Abrahami shiijjoyee aaf, ta beeto taane” iye.

Filipphisiyoosi 2:6

Biyoo bi shuriyoona Nuggishoo tuneebee, Yeerina tookkii tato tuneꞌi echoon shunaanoone;

Yaaꞌoo 22:1

Ebi are maraakoo Yeerinaa Bagoonochi taatee qeenoochee kechii, are katemee daggeexi ooge gommi gutte daggoona ufeebeeti, biriloochoommon wacciibeeti kashee aacon taach bekkiihe. Aachi okkinaa hachinooch agen agenoona aafeebee, natooch aaraa gutte wottoon aafeebeeti kashee mixo beehe; hini are michi waamo aageteenaꞌon wodiyoyich gaacciibeeti attoone.

Yaaꞌoo 22:3

Ebiyee bekk hini are katemeech ufo beetaachemmone; Yeerinaa Bagoonochi taatee qeeno are katemee daggooch tunemmone; bi guuninaꞌo aroochaa biich goyinnemminaꞌone.